هذا العيب في احد الطيور معي ! هل له حل؟

[وَسَام!]

عندي طير فرخ حر من اسبق الطيور واطيبها واشجعها ! لكن المصيبه انه
اذا طرد ولحق ولفت منه الصيده او اخطاها مايرتفع من فوقها ويحول عليها
ثانيه وثالثه لين يطرحها لا هذا اذا لفت منه على طول يلف مع دربها واذا
ارتفعت يطلع مع دربها يعني في مستواها لين يطرحها وهذي طريقه تعطي
الطريده فرصه اكثر للنجاه وايضا هو يتعب نفسه .
فيه احد مر عليه مثل الطير هذا؟ وهل تعتقدون انها بتتغير طريقته في الطرد؟
شاكرا لكم تجاوبكم مقدما

[أبو فهد العيد]

صبحك الله بالخير ياوسام11
انا والله ماعندي خبره كافيه..
لكن اتوقع مع ممارسة اللحق .. هويتعلم من نفسه.واذاقرنس انشا الله يتغير..
واللي عنده خبره لايبخل علينا.

[الطبشي]

صباح الخير.............. كثر الطرد والمراوغ يعلمه انشاء الله الله الله با الحمام والبط وفاللك الجنه . اخوك

[شهاب بن عساف]

عندي طير فرخ حر من اسبق الطيور واطيبها واشجعها ! لكن المصيبه انه



اذا طرد ولحق ولفت منه الصيده او اخطاها مايرتفع من فوقها ويحول عليها
ثانيه وثالثه لين يطرحها لا هذا اذا لفت منه على طول يلف مع دربها واذا
ارتفعت يطلع مع دربها يعني في مستواها لين يطرحها وهذي طريقه تعطي
الطريده فرصه اكثر للنجاه وايضا هو يتعب نفسه .
فيه احد مر عليه مثل الطير هذا؟ وهل تعتقدون انها بتتغير طريقته في الطرد؟


شاكرا لكم تجاوبكم مقدما


هلا اخوي وسام 11

ياخوي طيرك هذا مايصلح ولا فيه طب افتك منه احسن لك وش رايك تبيعه علي احسن والله يعيني عليه ههههههههههههههههههههههههههههههههههههههههههههه ههه

اخوي وسام كل طير يعرف امكانياته وطيرك ماشاءالله عليه هاقي بنفسه وعارف قدراته وان الصيده اللي قدامه بيلحقها ولاكن هقوته هذي يومه وحش والطير في كامل عدته ماعليك اخوي وسام الا ترفع عدة الطير شوي ان كانه طير هداد ونفسيته طيبه او انتبه لايكون فيه ديدان لانها تاثر على الطيار 000
وتقبل تحياتي

[راعي ام عشر]

هذا ماشاءالله مترهي بالطيار00 الله يبارك لك بما اعطاك

[وَسَام!]

هذا ماشاءالله مترهي بالطيار00 الله يبارك لك بما اعطاك
حياالله الجميع بالنسبه للطير المرهي معروف انه اذا هد يتنصى صيدته وهذا شي معروف واذا وصلها قام ينشها لين يعلقها والا غصبها تنزل هذي ماقلنا فيها شي لكن المشكله اذا لحق مايضربها ويرتفع (ينجم من فوقها على قولتهم) هذا لازم يقضبها قضب. وياليت من الاخوان مر عليه نفس طريقة هالطير يفيدنا
اما انت ياخوي شهاب لاتحاول;)

[alajmi110]

يا مرحبا يا اخوي وسام11
انا اتوقع حل المشكله هذي فا الهدد .... يعني لا تهدله مثلً حمام قوي هد لطير حمام وسط او اقل من الوسط
خل الطير ايشيخ على الحمامه مره مرتين لين الله يصلح حاله ....
مره واحد من الربع شراله طير يلحق الحمام في ترابيع النجوم ولكن .... مايعرف يمسكها كل ما مسك الحمامه تمصل منه ... والطير طبعا تفريخ ماهو وحش
تخلص منه راعيه بدق الارزاق
ولكن انت طيرك ما اشوف فيه شي.... يمكن الا منه قرنس يطربك والله يبارك لك فيه ويطعمك من صيده

[راكان 11]

أخوي طيرك من أطيب الطيور ان شاء الله

لآ تشيل هم ( الطير أبخص بعمره )

[وَسَام!]

أخوي طيرك من أطيب الطيور ان شاء الله

لآ تشيل هم ( الطير أبخص بعمره )
بس المشكله يروح عليه الصيد بالطريقه هذي

[جارح العين]

والله ماعندي خلفيه للموضوع
وانشاء الله يفيدونك اكثر

[نبع الدموع]

الله يصلحلك الحال ان شاء الله و كان ودي افيدك لاكن اول مرة اشوف
طير بهالطريقة
لا هنت

[سلطان 1]

ارحب اخوى وسام 11 غيرك معلم طيرك تفريخ وهذا طبع التفاريخ كلها او بمعنى اصح اغلبها 0 لازم ياخذ مستوا الطريده 0و كل هذا من السبق ويرهى على نفسه ولا راح يتغير 0 سلم على الربع 0

[أبو رداد]

ماشاء الله تبارك الله
هذا حر يصيد بطريقة الشواهين ...
خله اسبوعين يصيد شي سهل واطعمه عليه
وان شاء الله مايروح منه شي مستقبلا

[وَسَام!]

حيالله الاخوان

ارحب اخوى وسام 11 غيرك معلم طيرك تفريخ وهذا طبع التفاريخ كلها او بمعنى اصح اغلبها 0 لازم ياخذ مستوا الطريده 0و كل هذا من السبق ويرهى على نفسه ولا راح يتغير 0 سلم على الربع 0

تفريخ!!!!!!! غير صحيح وهذا هو



http://www.mekshat.com/pix/upload02/images70/mk77173_a.jpg

[خلوي]

أخوي وسام انا عندي نفس شكلة طيرك بالضبط, يعتبر م اسبق الطيور الي مرة علي وعلى ربعي, الطير طبعا" أشقر 17,5 , طلع وسبوق, من اشجع الطيور يهد على كل محتركه(ماشاء الله كان) وهاذا فضل من ربي.
المشكله انه اذا هد يحرق جناحه ورى الصيده وينشب في ذنبها ولا يسانع عمره وذا هديته على الارنب نفس الشي يقعد طرد الارنب على ارتفاع منخفض وذا دخلت الحاذه دخل وراها. وهذا الشي اكيد يتعبه
من سبقه قد انهد على غراب ولما علقه عزلته وهديته على خوي الغراب مع انه كان منقط لحقه وعلقه

وسلامتك

[قلب ذيب]

الخ / وسام 11
الطير مافيه الاالخير , هذي عادة الوحش ويوم بيقرنس بتغير اطباعه , وطرد الحمام ماهو مقاس ولا أختبار للطير 0 بالتوفيق 0

[قرناس ارامكو]

مساك الله بالخير ياوسام11
انا أقول كل طير ولة اسلوب في الهدد والطرد ، وعلى حسب الصيدة وحسب الهو ، الطير الوحش !!!!!!!!!!!!!!!
يشوف الطريقة الي تناسبة ، وتشوفة كل يوم يطرد بطريقة
مختلفة على حسب ما ذكرت سابقا .

وتقبل مروري

[بن طلق]

أخوي وسام
كم مره هديته وهد لكن ما طرح صيدته !
ان كان الجواب ولا مره
فخله على هواه
هذا مهوب عيب في الطير هذا اسلوبه

اما اذا كان دايم تفوته الطريده !
فاصبر عليه وكثر من الهدد
ان كان وحش بيطربك

دمت بود

[الوايلي100]

اخوي الله يباركلك بطيرك كان عندي طير مثل طيرك يخرت صيدته خرت لين يعلقها وهذا مثل ماقالو الاخوان راهي بسبق . .

[وَسَام!]

اشكر الجميع على المرور وكفيتوا ووفيتوا الله لايهينكم.

[شواااش]

يشفعله صغر سنه ونظرات البراءه
معذور يا وسام عاده الا صغير :D
بس وانا اخيك هذا طبع اغلب الفروخ اللي تنطرح وهي
عادها ماحامت ولا تعلمت الطيار .. انشالله يزين عقب ما يقرنس

[ابرق العزاف]

المهم صيدته ماتروح ومادامه فرخ غشيم ابر عليه
وهد طيور قدامه وهو يشوف 000 وبيطلع مادام فعله
كما ذكرت 000 واذا بتبيعه ارسل على الخاص

[المان العرب]

مساك الله بلخير ياوسام
هاذي طبع طيور الوحوش انا اقول انها مافيها شي عيب وانت ابخص

[ابو هملان]

السلام عليكم وسام يمكن المدهنه عنده تعبانه وانتم ادرى

[وَسَام!]

السلام عليكم وسام يمكن المدهنه عنده تعبانه وانتم ادرى
ابو هملان ولع النور ياحبيبي
اشكر مرورك

[بو هاشم]

مع الوقت والهدد بتعلم بس لاترفع عدته

[قشاع الرمث]

السلام عليكم ورحمة الله وبركاته

اغلب الفروخ الي تطرح بدري
هذي سواته .
وغيرك المعلم.

ومالك الا تكثر عليه الهدد على اي شي يطير
حمام نحم فزنت بط .
ومع الوقت يتعلم من اخطاءه .

واذا كان الطير سبوق ماهنا خلاف
سبقه يشفع لرفالته .

والله يوفقك .

[ذراع الذيب]

الاعضا ماقصرو
الله يعطيهم العافيه.......

[فيصل الحافي]

اخوي وسام 11
هذي ميزه في الحر وانتبه على طيرك من كلامك طبعه شين وتزعله الصيده بس مع الوقت يتغير ان شاءالله

[راعي مختار1]

مساء الخيراخوي وسام11 كثرله الهدد ويتغير باذن الله

[..@القناص@..]

تصدق نفس الطريقه شك
را على الموضوع

[الوبلي]

على حسب خبرتي ورأي شخصي يتعلم مع طول الهدد اذا ما صاد مرة او مرات لابد يتعلم لكن اذا تبي وضعه يتعدل هده قبل الحمام وخله يرتفع بالحيل وبعدين فك الحمامة لازم الحمامة تكون قوية علشان يتعلم يجي من فوق قد صارت معي ونجح الامر. وعسى الله يونسك بالطير.

[رتقاوي]

هلا بالغالي
ماشاء الله عليه طيرك صامل على صيدته ومتراهي

ومن رايي الشخصي ولا يهونون اخواني:

تحافظ على لياقته ( خوفك يطول مع صيدته ويتعب ويطرح)

هده على حمامه بعد تطويفه بالتدريج بالسبق واذا فلس منها طوفه وهده على ثانيه بكرى

لزيادة التذاكي والمهاره على التعليق السريع

والله يبارك لك فيه

[طيرحوران]

حياك الله اخوي وسام
والصراحه توي اشوف موضوعك هذا
بالنسبة لي
طيرك سبوق ولكنه غشيم تعليق يعني ارفل
وهذه بحد ذاتها مشكله مما يجعل الطير يفقد الثقه بنفسه
عندي طير قرناس خامس وفيه هالرفاله بس على الحمام ولا الحبارى اخف واجد
وعندي جير شاهين سبوق يسخر الزاجل بس مايطرحه من رفالته او غشامته
ولكن عندي لك حلين
لكن قبل هالحلين هل قصرت على الطير شوي وشفت إدلائه على الصيده يكون إحتدامه اكثر
إذا كان الجواب بنعم فطيرك زايده عليه الصنعه اشوي
وهذا الحل الأول
وإذا كان الجواب لا
فما عليك إلا تجيب الحمام القوي سواء خضاري او زاجل وعلى حسب قدرة طيرك بس تنتف ذنب الحمامه كامل بحيث ماتكون مراوغها أكثر وتسهل عليه صيدته بس لن تكون عليه بالساهل لأنه يبي يلحق معها لحوق طيب بس على شبه خط مستقيم
وبهذه الطريق تكون ماتخلي الطير يفلس من صيدته ولا يفقد لياقته ومع تكرار هذه الحاله يبي يتعلم طيرك الشطاره بالتعليق ويكون اشجع على إقدامه على الطريده
وهناك حل ايضا بس انا لاأحرص عليه وهو تتيب الحمام ويكون قوي بحيث يطلع له طلوع وتكون سهلة عليه تعليقها ومع التكرار يبي يتعلم
ولكنه لن يبدع لأن هذا طبع فيه
لعلي افدتك بما اعلم
والسلام

[قنيص غبر]

سلام عليك اخوي وسام11 ...

اول شي اعتقد ان طيرك مطروح في اول الوقت ولم يتسنى له الطيران كثيرا والصيد فالخلا وحده ..
ثاني شي . انا مر علي طير مثل حالتك . وخلال شهر صار عنده حب التعليق فالسما . يعني لو ترتفع يرتفع معاها ...

اول شي اخوي . ابدا بالحمام .. هدله حمام نظيف وسليم من الامراض . انتف من جناحها وخل فيها خمسه بس .. خلك علا كذا كم يوم . ولما اتشوفه يرهي جناحه . جيبله حمامه ولزق او قطب على عيونها وخلها ترتفع . وترديجيا خلها تروع اعلا ثم اعلا . وكل ما صاد وهو فوق اكرمه .. واذا عندكم البالون او الطياره يكون افضل ترفعله .
هذي الطريقه ويكون طيرك مضبوط انشالله وتلقف على الشارده انشالله

[وَسَام!]

سلام عليك اخوي وسام11 ...

اول شي اعتقد ان طيرك مطروح في اول الوقت ولم يتسنى له الطيران كثيرا والصيد فالخلا وحده ..
ثاني شي . انا مر علي طير مثل حالتك . وخلال شهر صار عنده حب التعليق فالسما . يعني لو ترتفع يرتفع معاها ...

اول شي اخوي . ابدا بالحمام .. هدله حمام نظيف وسليم من الامراض . انتف من جناحها وخل فيها خمسه بس .. خلك علا كذا كم يوم . ولما اتشوفه يرهي جناحه . جيبله حمامه ولزق او قطب على عيونها وخلها ترتفع . وترديجيا خلها تروع اعلا ثم اعلا . وكل ما صاد وهو فوق اكرمه .. واذا عندكم البالون او الطياره يكون افضل ترفعله .
هذي الطريقه ويكون طيرك مضبوط انشالله وتلقف على الشارده انشالله


حيالله الجميع
يااخوي قنيص غبر مرحبابك
اعتقد مافهمتوا قصدي الطير الارتفاع ماعنده اي مشكله وفيه سرعة ارتفاع غريبه والسبق ايضا سبوق بالحيل
لكن المشكله اذا جاء يقضب اذا اخطاها مايرتفع فوقها ويضربها ويرتفع وهذا اسهل له مشكلته اذا اخطاها وراغت منه يروغ معها يبي يقضب صيته مع دربها وهذا يتعبه.

[شبراق]

هذا مشااءلله تبارك الرحمن مترهي والطير هذا من النوع الي يقاضب يعني مشاءالله شكله سبوق بالحيل
والطير مايغير طبعه الطبع ماله طب

[وَسَام!]

حياك الله اخوي وسام

والصراحه توي اشوف موضوعك هذا
بالنسبة لي
طيرك سبوق ولكنه غشيم تعليق يعني ارفل
وهذه بحد ذاتها مشكله مما يجعل الطير يفقد الثقه بنفسه
عندي طير قرناس خامس وفيه هالرفاله بس على الحمام ولا الحبارى اخف واجد
وعندي جير شاهين سبوق يسخر الزاجل بس مايطرحه من رفالته او غشامته
ولكن عندي لك حلين
لكن قبل هالحلين هل قصرت على الطير شوي وشفت إدلائه على الصيده يكون إحتدامه اكثر
إذا كان الجواب بنعم فطيرك زايده عليه الصنعه اشوي
وهذا الحل الأول
وإذا كان الجواب لا
فما عليك إلا تجيب الحمام القوي سواء خضاري او زاجل وعلى حسب قدرة طيرك بس تنتف ذنب الحمامه كامل بحيث ماتكون مراوغها أكثر وتسهل عليه صيدته بس لن تكون عليه بالساهل لأنه يبي يلحق معها لحوق طيب بس على شبه خط مستقيم
وبهذه الطريق تكون ماتخلي الطير يفلس من صيدته ولا يفقد لياقته ومع تكرار هذه الحاله يبي يتعلم طيرك الشطاره بالتعليق ويكون اشجع على إقدامه على الطريده
وهناك حل ايضا بس انا لاأحرص عليه وهو تتيب الحمام ويكون قوي بحيث يطلع له طلوع وتكون سهلة عليه تعليقها ومع التكرار يبي يتعلم
ولكنه لن يبدع لأن هذا طبع فيه
لعلي افدتك بما اعلم

والسلام

مشكور وبيض الله وجهك شرحك هذا كأن الطير معك وعزالله افدت واجدت الافاده!

[راعي الغلبا]

أرحب ياوسام

خبرتي قليله ولكن بنصح باللي أعرفه

هد له بط وخفف من جنحانه ومثلك عارف مرواغة وذكاء البط وبالتدريج تصير تهد البط بدون تنقيص جنحانه
وإن شاء الله تدعي لي

وهذا الشيء شفته وحضرته مع أحد الزملاء

اتمنى ان أكون وفقت بالمعلومه اللي تفيدك يااخوي

[طيرحوران]

أرحب ياوسام

خبرتي قليله ولكن بنصح باللي أعرفه

هد له بط وخفف من جنحانه ومثلك عارف مرواغة وذكاء البط وبالتدريج تصير تهد البط بدون تنقيص جنحانه
وإن شاء الله تدعي لي

وهذا الشيء شفته وحضرته مع أحد الزملاء

اتمنى ان أكون وفقت بالمعلومه اللي تفيدك يااخوي

مرحبا اخوي راعي الغلبا
ممكن تذكر لنا نوع هالبط وهل موجود مثلا في الرياض
واكن لك من الشاكرين

[راعي الغلبا]

مرحبا اخوي طير حوران

كان يشتري البط في هذاك الزمان من الإمارات وبالصوره نوعية البط علماً بإن الصوره لاتخصني بل وجدتها بالنت لكي تعرف نوعية البط


http://www.mekshat.com/pix/upload02/images72/mk81048_top1.jpg

اتمنى ان اكون وفقت بالتوضيح

[أبو طلال-نقوه]

السلام عليكم,
أخوي حاول تهد الطير على حمامة زاجل بس انتف من غواطي الزاجل أو نورس صغير بس لف منقاره بتيب لا يجرح الطير وجرب هذا لثلاث أو أربع أيام وشوف اذا تغير الطبع ورد علينا.... والله يوفقك:good: