المكشات حياتي
20/05/2008, 01:23 PM
بسم الله الرحمن الرحيم
السلام عليكم ورحمة الله وبركاته
كثير منا يحدق على ربيان ولكن الربيان في مشكله انه طري ويتقطع وياكلونه السمك بسرعه خصوصا اذا المكان فيه سمك صغار... واحيانا اخرى يكون الواحد زهقان ويبي يروح على السيف يقط له كم قطه ويطلع له يدام حق الغدا ويحتاج ربع كيلو ربيان لكن ما تبي تروح سوق السمك وما تقدر تستعمل الربيان اللي حدقت فيه من قبل وكان مثلج في فريزر البيت لانه يخرب... او اذا كنت طالع مكان بعيد وبتقعد لك كم يوم وتكون ماخذ معاك 5 كيلو ربيان تلاحظ ان الربيان يخترب من ثاني او ثالث يوم اذا كان في ثلاجة السمك ويخيس ويصير ما يصلح للحداق
هذي طريقة مجربه 100% لحفظ الربيان وجعله اقل طراوه استعملها دائما في رحلاتي
وهي انك تشتري لك 2 كيلو ربيان او اكثر ويكون جديد وطازج قد ما تقدر وتخلي الهنود اللي بسوق السمك يقشرونه لك... بعدين تجيب لك علبة ملح الاكل وترش نص العلبه على الربيان مع التقليب المستمر بعدين اربط الكيس وحطه في الفريزر لمدة ساعتين الا ان يتشرب الملح وبيكون جاهز للحداق وبعد ما تخلص من الحداق لا ترميه لانك تقدر تستعمله مره ثانيه اربط الكيس ورجعه في الفريزر واستعمله اكثر من مره
بعد ما نطبق اللي فوق راح تلقا ان الربيان صار يابس اكثر من قبل وما يتقطع بسرعه يعني بيصير لحمه مثل قساوة لحم الخثاق تقريبا وبتلقا ان الربيان ما يخيس بسرعه ويطول
المقدار: لكل 1 كيلو ربيان مقشر ربع علبة ملح طعام
وننتظر التطبيقات من الحداقه
تحياتي للجميع
م
ن
ق
و
ل
السلام عليكم ورحمة الله وبركاته
كثير منا يحدق على ربيان ولكن الربيان في مشكله انه طري ويتقطع وياكلونه السمك بسرعه خصوصا اذا المكان فيه سمك صغار... واحيانا اخرى يكون الواحد زهقان ويبي يروح على السيف يقط له كم قطه ويطلع له يدام حق الغدا ويحتاج ربع كيلو ربيان لكن ما تبي تروح سوق السمك وما تقدر تستعمل الربيان اللي حدقت فيه من قبل وكان مثلج في فريزر البيت لانه يخرب... او اذا كنت طالع مكان بعيد وبتقعد لك كم يوم وتكون ماخذ معاك 5 كيلو ربيان تلاحظ ان الربيان يخترب من ثاني او ثالث يوم اذا كان في ثلاجة السمك ويخيس ويصير ما يصلح للحداق
هذي طريقة مجربه 100% لحفظ الربيان وجعله اقل طراوه استعملها دائما في رحلاتي
وهي انك تشتري لك 2 كيلو ربيان او اكثر ويكون جديد وطازج قد ما تقدر وتخلي الهنود اللي بسوق السمك يقشرونه لك... بعدين تجيب لك علبة ملح الاكل وترش نص العلبه على الربيان مع التقليب المستمر بعدين اربط الكيس وحطه في الفريزر لمدة ساعتين الا ان يتشرب الملح وبيكون جاهز للحداق وبعد ما تخلص من الحداق لا ترميه لانك تقدر تستعمله مره ثانيه اربط الكيس ورجعه في الفريزر واستعمله اكثر من مره
بعد ما نطبق اللي فوق راح تلقا ان الربيان صار يابس اكثر من قبل وما يتقطع بسرعه يعني بيصير لحمه مثل قساوة لحم الخثاق تقريبا وبتلقا ان الربيان ما يخيس بسرعه ويطول
المقدار: لكل 1 كيلو ربيان مقشر ربع علبة ملح طعام
وننتظر التطبيقات من الحداقه
تحياتي للجميع
م
ن
ق
و
ل