ياربع اللي يعرف يدخل,واللي ما يعرف لايتعب عمره(ابوولاء)الدوادمي

[الخفوت2008]

ياربع تكفووووووون (وتكفى تهز الرجاجيل)

وشلون تسوى (السوبيا)لاني كل من سألته قال

ما ادري هاذي خلطة سرية,اسأل اهل

العرف.........وانا اقول الله يجزاه خير

اللي يعلمني.......(ابو ولاء)الدوادمي

[تلسكوب 1]

توجيه اخوي ياليت المره الجاية تكتب المطلوب(مثل السوبيا) بالعنوان حتى من يعرف يدخل ومن لا يعرف لا يدخل

تقبل مروري بصدر رحب وانا لا اعرف للسوبيا

[دهران]

ياربع تكفووووووون (وتكفى تهز الرجاجيل)

وشلون تسوى (السوبيا)لاني كل من سألته قال

ما ادري هاذي خلطة سرية,اسأل اهل

العرف.........وانا اقول الله يجزاه خير

اللي يعلمني.......(ابو ولاء)الدوادمي





أخوي الغالي أبو ولاء حياك الله وبياك

ولا خلطة سرية ولا شي هذي ياطويل العمر (( شعيرٍ تربصه في سطل حول 3 أيام وتحط عليه هيل وأشياءٍ ثانية وملونات بعد :j يا شين اللي ما يعرف شيناه ))

إسمع يا طويل العمر إن كانك بتصبر علي مدة جبت لك الطريقة ومفصلة بالصور (( أعرف واحدٍ من الشباب يزينها وهو مغمضٍ عيونه )) بس عسى الله يجيبه رايحٍ لمكه ويبي له كم يوم ويجي وإبشر بعزك إن شاء الله ...

وهذي طريقة عمل السوبيا نقلتها لك من أحد المنتديات وإصبر علينا لين بس يجي الرجال إن شاء الله وتشوف التطبيق العملي :


الطريقة الأولى

اولا المقادير
كوب شعير +واحد قرص عيش حب يابس
ملعقه كبيره قرفه
ملعقه كبيره هيل
والسكرحسب الرغبه يُضاف بعد التخمير
الطريقه نضع كوب الشعير المجروش في جك ماء ونضع عليه قرص العيش الحب بعد تكسيره
نتركها تتخمر يومين فقط لا غير ثم نضع الهيل والقرفه ونحركهم جيدا حتي يتفتت العيش ونتركهم يوم اخر يختمر
طبعا هذي بيطلعلك كميه مركزه بقدر الماء الي وضعته بعدين صفها وحطها بالثلاجه وهي مركزه وكل يوم خذ منها وتسوي قد اللي تبغى


الطريقة الثانيه

اهم شيء لاتتركها تخمر اكثر من 24 ساعة

تجيب العيش الحب 2 او 3 اقراص ومعهم 2 شامي وتحطهم في وعاء كبير

انا استخدم وعاء من البلاستيك كبير نسبياً واقصص العيش صغار واضيف كمية من الماء عليهم يلي يملاء السطل واحط معهم ملعقة غرف او اثنين سكر و3 ملاعق اكل كويكر لا تكثر ولا تخرب


واغطي واتركه لثاني يوم مع ملاحظته من وقت واخر للتقليب فقط

بعدين اصفيها تمام واحط معها قرفة وهيل واعدل السكر

تعمل قبل رمضان بفترة وتحفظ في الفريزر وقبل ما تستخدم بفترة طويلة تخرج من الفريزر علشان يفك الثلج عنها


flower bomb



وتقبل أعذب وأرق تحية ....

[الخفوت2008]

بيض الله وجهك يادهران وما قصرت (الراية عندك بيضاء ما شاء الله عليك)ابو ولاء

[عتيق]

وش ناوي عليه يابو ولاء؟؟؟؟؟؟؟؟؟؟!!!!!!!!!


سوبيا مره وحده

خخخخخخخخخخخخخخ

صحه وعافية

[الخفوت2008]

ناوي اصير حجازي (اشبك انتى)الله يعافيك

وما قصرت

(ابو ولاء)الدوادمي

[البرتاوي]

السلام عليكم

الطريقه عندي وأنا بو هندي

أنا سويتها أكثر من عشرين مره


شف يالحبيب جيبلك حافظه كبيره وأشتر خبز كيس الصغير مو الكبير وقطعه يعني تقريبا تصير الوحده قد شاشة الجوال وبعدين خذ لك 6 ولا سبع تمرات حطها في الحافظه وحط عليها الخبز وحط عليها ماء لا بارد ولا حار يعني عادي لو بتسألني عن كمية الماء بقولك أشترلك نوفا الكبير مو الي بـ 6 ريال لا الأصغر وغط الحافظه وخلها يومين في محل لا حار ولا بارد يعني حطها في الصاله مثلا بس كل 12 ساعه تقريبا أفتحها وأخلط الماء مع الخبز عشان ما تتخمر وعادي لو يتفتت الخبز بعدها أشخله الماء أكثر من مره يمكن 6 أو سبع مرات بعدماتشخله جهز الخلاط حطلك كمية منه وحط ملعقتين قرفه وملعقه وربع هيل مطحونين وسكر حسب مزاجك وأخلط أبو جدها في الخلاط وطلعها ووأشخها 3 مرات وحطها على باقي الكمية وحط عليهم نقطتين ولا 3 نقاط لون أحمر حق الحلا من غير نكهة وبس خله في الثلاجه لين يبرد بعدها أشرب بالهنا والعافية

[الخفوت2008]

عز الله انك وفيت وكفيت يالبرناوي وكثر الله من امثالك وما قصرت(بيض الله وجهك) ابو ولاء الدوادمي