أرجو المساعده00

[ابو وافي00]

انا شريت طير وكري والطير الان في الربطه وش تنصحوني بعد ما اخذه
مع العلم انه اول طير اشتريه ولا عندي خبره كافيه يعني عليمي وشكراً000

[همس الرعد]

يا اخوي فيه موضوع ممتاز راح ادوره لك واعطيك الرابط انتظرني ...

[أبوإبراهيم1]

احسنت الاختيار لان الوكري بإعتقادي انه افضل الطيور للمستجدين وابشر بالعلوم الغانمه لكن باقي اكثر من اربع شهور على خير ان شاء الله وســـــــــــــــــــــــــع صدرك

[المزروعي]

أفضل شي تشوف لك ربع أهل طيور و تخاويهم كل يوم و منهم تستفيد .

[987]

السلام عليكم
اخي انصحك بربط بأحد المرابط المشهوره لان الربط من اصعب الاشياء التي تواجه الصقار المبتدأ
تحياتي لك

[قلب ذيب]

ابووافي
مرحبا بك في عالم الصقاره وهم المقناص وفرجته .
التعامل مع الطير لايمكن ايجازه في سطور ولايمكن تعلمه في ليله , كما ذكرولك الجماعه , الان وقت ربطه
اي وقت قيام الطير باستبدال ريشه , بعد الربطه تنقل الطير وتخاوي مثل ماذكر لك الاخ / المزروعي جماعه
من الصقاقير والقوانيص واصحاب الخبره تستفيد منهم وتشوف تعاملهم مع الطيور وطريقة تدهيلها .
هناك مواضيع في قسم (المثبت ) يمكنك الاطلاع عليها --------هلا بك .

[ابو وافي00]

السلام عليكم ورحمة الله وبركاته
ومشكورين والله لا يهينكم
بس انا ابغى افهم كيفية التعامل مع الطير وكم ياخذ هو في وقت الربطه معليش انا ودي افهم
وشاكر لكم سعة صدوركم000

[سلطان 1]

ابو وافى مساله كيف تتعامل مع الطير ما راح تفهم التعامل مع الطير لين تنقله على يدك اما كلام ما راح تفهم 0 وقت الربطه يختلف ما بين 6 الى 7 اشهر 0 تحياتى 0

[alajmi110]

يا مرحبا يا ابو وافي
اسأل الله ان يكون دخول الطير هذا وجه خيراً عليك
وكلام الاخوان صحيح اجلس معا صقاقير وبتعلم منهم بسرعه
والله يوفقك

[المان العرب]

افادوك الاعضاء الله يعطيهم الف عافيه