من اجمل ايام المقناص على الاطلاق!!!!!!!!

[وَسَام!]

بدون مقدمه :)
في احد الايام طلعت انا واحد الاخوان واللي يزينه يحب يدور الحبارى وماهو صقار ومايتعب من الدوره لين تغيب الشمس
المهم تفرقنا انا واياه وبينا جهاز النداء نسولف ونتعاير طبعا هو شايب وانا حليو اصغر منه بواجد
المهم شفت لي محل وطبعا عادة القناص قلت اكيد هذا محل حروه يوم قربت له الا فيه جرة سياره مارته قلت
اجل اتركه واروح منه غرب مسافة كيلو تقريبا مريت مع مسيله الا وجرة الخرب لها تقريبا يوم (ياسلام)
وقفت وناظرت في الجره مشرقه , ركبت الريشه في القرناس الطلاع وهو اللي اعتمد عليه (وقتها قرناس عاشر) معي غيره قرناسة شياهين بكر وشيهانه فرخ معلمه على وحده طبعا مايحتاج الهدد راح يكون للفرخ وايضا حطيت فيها الريشه ركبت الموتروحطيت الطير الطلاع على التكيه والفرخ على المرتبه قدام اخذت برقع القرناس وظغطت الجهاز على خويي ابشره قبل اتكلم القرناس مغط رقبته وحقق وتل ((تخيلوا موقفي)) طبعا جتني الربشه برقعته وعلمت خويي الحبارى شافها الطير ابعدت منها لين جاني الخوي , قلت له الحبارى مايحتاج قدامي ابسوق على وجهتها واذا طارت بحذف الفرخ وخلك وراي اذا طردت علمني واذا ماطردت ابلحق الحبارى والحق بالقرناس قال ازهل
سقت على وجهتها الا وهي هريب شوي الاوهي طايره حذفت الفرخ الشيهانه وكلمت خويي الطير طرد والا لا (طبعا الحبارى الحين طيار قدامي ) قال الطير يوم حذفته ضرب على الارض على طول ماطرد , سقت الموتر وحذفت القرناس يوم لحق وقعد يرددها الا خويي يكلمني ابشرك الحباري ثنتين الفرخ يوم ضربت على الارض على ظهر حبارى
تخيلوا الصدفه يوم حذفت الشيهانه كان الخرب جنب الكفر بغيت ادعسه ماشفته ويوم حذفت الشيهانه الا وهو تحتها قضب اليد, طبعا القرناس طرح الحبارى اللي عنده والفرخ تحتها خرب ,
ماانتهينا لاتستعجلون
طبعا اول ماعلق القرناس حباراه الا وخويي يكلمني ثاني مره وش قال (ابشرك الحباري ثلاث) جت الربشه الان اللي على مستوى . وشلون الخرب يوم وقعت عليه الشيهانه كانت الدجاجه جنبه ملبده وطبعا طير يفرس
وطير يطرد دقتها رجليه هربت والبدت في حصى . عزلت القناس على طول وجيت للشيهانه وعزلتها . (الحين تجيكم صقارة العليمي) قلت الشيهانه مايحتاج الحين صادت ابهدها على الثاني . طيرت الحبارى وهديت الشيهانه
عيت الشيهانه تطرد شوي وقعت الحبارى جتها الشيهانه واطيرها قبل تجيها اثرها تبيها في الارض وطبعا توني
عازلها وصيدتها في بالها مانستها . المهم الشيهانه وقعت والحبارى هذيك هي طيار لحقتها وهديت القرناس وطردها ويروح يوم ويجي يوم كل ماراحت ردها لين علقا يوم طب في الارض هو وياها الا والشيهانه معه ,
ويترك الحبارى ويتفرش الشيهانه وتروح الحبارى , خويي قعد يسبر الحبارى وانا افرق الطيور , وين الحبارى
قال خويي اخفيتها من عند ذيك الرفاعه . ونروح ندورها ونقلب ونقلب قال خويي انا ابتقدم يمكن الحبارى ابعدت
المهم شوي الا والحبارى جنبي يمكن 5متر الان لازم تشارك القرناسه رجع خويي وطيرنا الحبارى الا ورجلها تلوح كاسرها القرناس من عند الفخذ . هدينا القرناسه وطرحتها .
طبعا هذي من اندر الصدف التي تحصل داخل المملكه


ولكم ان تتخيلوا جميع انواع الفسقه والوناسه في ذيك الساعه وفي وقت المضحى .

[amur kestrel]

ما شاء الله قصة حلوة لك في الامقناص و اشكرك عليها و ما تقصر

[alajmi110]

والله اليوم المبروك يا وسااام11 ههههههههههه
اجل ما عاد شلتك الارض في ذاك اليوم هههههههههههه
ودك الا من كلمك احد خوياك وقالك تعال عندي حبارى تقول انا ما اجي الا على اكثر من ثلاث هههههههههه
سبحانه الله اللي يقسم الارزاق شف انت رايح على فالك تبغي لو حبارى وحده والله ارزقك بثلاث في وقت واحد
قال الله تعالى ( ولان شكرتم لا ازيدنكم ) صدق الله العظيم
عساك تعود ذا المهدات كل سنه.
تقبل مروري

[مدسم شاربه]

هذه من القصص التي ترسخ في الذاكرة يعطيك العافية

[أبوإبراهيم1]

1000000000000000مبروك الله يجعلك منها واطيب

[أبو رداد]

سالفة طيبه ... سلمت والله يوسام
نضعها ان شاء الله مع (فنجال وعلوم رجال)

[وَسَام!]

مدسم شاربه
ومشرفنا الحبيب
وابو ابراهيم حياكم الله
والعجمي ولا تقول ماعاد شلتك الارض الظاهر حتى خويي اللي معي شفت نفسي عليه!!!!

[قشاع الرمث]

السلام عليكم ورحمة الله وبركاته

ما شاء الله عليكم وعلى مقناصكم .

الله يعيدها عليكم كل سنه عشر مرات .

وبالتوفيق..

[501]

مشكور يا وسام 11 على الموضوع
انت هديت وصدت غيرك معين له خرب ودجاجه وافلس من الهدد والصيد
انتظر القصه فيما بعد.......
501

[أبو فهد العيد]

الله يرزقك بمثل هالموقف الموسم الجاي..
بس من دون مشابط,,,,,,,,,,,,,,,تقبل مروري يا وسام11

[نايف الخالدي]

تستاهلون
والله يعيد هالايام علينا وعليكم
مشكوووووووووور وماقصرت

[المزروعي]

سبحان الله رزقكم في السماء و ما توعدون . هذا و الله اليوم المبروك يمكن لو كنت في مقناص مشهور بكثرة الحبر ما تحصلك مثل هذي القصه .

[نبع الدموع]

ما شاء الله تبارك الله عز الله انها سالفة يتسولفبها بين الرجال

يالله عسى فالك الاجوال دوم.

لا خلا ولا عدم

[وَسَام!]

حيالله الاخوان
قشاع الرمث
501
ولد حنيظل
نايف الخالدي
المزروعي
نبع الدموع
وان شاءالله تمر عليكم مثلها وتصيدون لكن انتبهوا من الربشه ههههههههههه

[جارح العين]

الله يعطيك العافيه

[شواااش]

ماي يسرك حال الشيهانه لا جاها الهدد مره ثانيه والله ان توقع في قلبها يوم فرسها الطير ويصير فيها خوف ...عالعموم الله يعطيك العافيه انت ياحيك حياه لقيت 3 حباري وخلفتك ما خلت الصيد يروح بلاك من اللي يعين حبارى وحده ومعه طيور ويفلس من الخلفه وكثير تصير مع الصقارين

[قلب ذيب]

وسام 11
حقيقه من عجايب الهدد , الطير اللي يهد اول مره ( الشيهانه ) مفروض ماتهد الا اليوم الثاني وقت عشاها !!
ماشاء الله القرناس سبوق رغم كبر سنه , ياليت صوره له ولو ارشيفيه , نبغى نشوف نوعه .
شكرا لك واكيد انك خذت درس من ذلك الهدد .
- - مفروض القناص ماينزل عند جرة الحبارى عندما يجدها ! ياكد متى وقتها وهو في السياره ويجهز طيوره لأن نزول القانص من السياره يخلي الحبارى (تهرب) من زيلة القانص , لكن لله ارزقك بحباري لفوا .

[وَسَام!]

جارح العين حياك وشرفني مرورك
شواش حياك وترى ماعندك احد لكن الموفق رب العالمين.
استاذنا القدير ابو ماجد حياك وكلامك في محله بشان هدد الشيهانه لكن خبرك الامور مرتبشه شوي .
اما بخصوص الحبارى كلامك صحيح ولكن انا يوم شفتها كان عليها سافي وموجهه شرق ووجه الموتر شمال
وانا نزلت من غربي الموتر وازيدك من الشعر بيت يوم شافها الطير كانت مني غرب ويوم ركبت دقيت بوري بعد
وبناءا على طلبك يابو ماجد هذي صورة القرناس واسمه غريب وياليت تعلمنا بنوعيته لاني انا اقول
ليبي وللمعلوميه ذنيباه كلها ممسوحه كلها مفيها ولا دقه
http://www.mekshat.com/pix/upload02/images70/mk77173_].jpg

[star4000]

وسام11 (http://www.mekshat.com/vb/member.php?u=77173) http://www.mekshat.com/vb/images/statusicon/user_online.gif
مكشاتي متقدم
مشكور يعطيك العافيه
مقناص مبارك عساك دوم

[قلب شاهين]

ماشاء الله تبارك الله ،،

والله وسعت صدري ياوساام ،،

سالفه طيبه بالحيل والله يرزقنا وياكم ،،

لاهنت على السالفه وأكيد عندك سوالف غيرها :) ،،

بارك الله فيك وبيض الله وجهك ،،

تحياتي / قلب شاهين ،،

[المان العرب]

ماشاء الله تبارك الرحمن وزانت اعلومك بس علمنا ومحلها وين
تقبل تحياتي

[ســـــــنافي]

يعطيك العافيه استمتعت بالسالفه

[ذراع الذيب]

ثلاث حبارى وثلاث طيور مااقول غير الف مبرورك
صايد وفايد ماشالله تبارك الله صراحه يوم اقرى القصه كاني معاوني معك ههههه
الله يعطيك العافيه وتسسسسسسسسسسلم..............

[قنيص غبر]

الله يزيدكم وناسه ويجعل ايامكم كلها مقانيص وهدد وعلوم طيبه

تحياتي

[طرقي مسافر]

بصراحه سافه ممتعه أخذت ساعه أقراها وأنا ما أدري

[الزعـبي]

الله يعيد ذا الايام عليك بالصيد والفيد ...

[طيرحوران]

مشكور ياوسام
على هذه القصه الممتازه والتي تعد من النوادر ثلاث في لحظه وحده
المغرب على غفله
ودي لو خليت الفرخه تعشى عشاء كامل على الحبارى علشان الجايات تطمع اكثر
لكن الربشه ماتخلي احد
واتحداك تصير اكثر مني ربشه ههههههه
مشكور

[ابو عايد]

السلام عليكم ورحمة الله وبركاته


ما شاء الله عليكم وعلى مقناصكم وسعت صدرك بهذه المقناص الرائع والدال أنك تذكره الا الأن لكن حسافه أنك ماصورته أن شاء الله في الايام القادمه تكون الكمره معك أن شاء الله تراها مفيدة وتذكر الواح

[وَسَام!]

ستار 4000 حياك الله
قلب شاهين ماندور الا اللي يوسع الصدر وحياك
المان العرب حياك ولاتحاول ولا صار فيه قردنه علمتك
سنافي حياك الله
ذراع ذيب حياك الله وتقراها اليوم والشتأ تصير معك نفس السالفه
قنيص غبر حياك الله ولوني شوي ماخذ على خاطري لكن حياك ثم حياك
طرقي مسافر حياك الله وابرك منها متعتها
الزعبي حياك الله
طير حوران كلامك صحيح لكن ابشرك صادت عقبها ثنتين
ابو عايد هو الربشه تخلينا نتصرف!

[قلب شيب]

ارحب يابوصالح
صراحه نوعيه نادره , وبما يكون ليبي لقصر باذرته !
هذا النوعيه من الطيور ماعاد تلقى !!
لك تحياتي .

[بو هاشم]

تستاهل الناموس
الله يرزقنا

[بوعوف]

عز الله انها سالفه

الله يعطيكـ الف عافيه

بس اخوي بغيت اسئلت انت والحاضرين وش يعني بالتكيه والمرتبه

لاهنت

[وَسَام!]

سالفة طيبه ... سلمت والله يوسام
نضعها ان شاء الله مع (فنجال وعلوم رجال)
:confused:

[أبو رداد]

هههههههههههههههههه
طلبت حقك يوسام
الكبر شين المعذره ههههه

[وَسَام!]

ماتعقل يابو 101 هههههههههههههه

[لعّاب المنايا]

والله ياوسام ما شاء الله عليك علومك كلها زينه
عسى من هذا واكثر من الحباري والله يرزقنا واياك الموسم القادم

[سنجااار]

ياسلام الله يعوده عليكم بالصحه والعافيه قل آمين

[الطبشي]

عسى الله يرزقك....وهذا فال الرجال الطيب...

[KAYD]

يازين ذا الصدفة وجعلها تتكرر عليك كل عام
تحياتي

[فيصل الدشاش]

عليكم السلام ورحمة الله وبركاته !!

السسسوالف من علووووم الرجال كانت طيبه او سوالف وضحك وسواليف

وسوواليف والقصص فيها من عللوم المرجله ..!

تسسسسلم ولله القصصصه ممتعه الله يخليك انت وربعك ويالله

فماااااااان الله

[قرناس ارامكو]

الله يعطيك العافيه
ويرزقك بمثلها هالسنة

[صقار البحرين]

الله يعيد هذي المواقف الحلو علينا وياكم

[بوخالد الكعبي]

يسلموو على الذكريااات الجميله

[أبوتركي]

سالفه حلوة ،،، لكن لو انك معطي رفيقك واحد من المهدات كان كملت الوناسه

[فارس 74]

مشالله تبارك الرحمن

قصة غريبه وصدفه رائعه وعساك كل سنه تهد وتصيد سالم

[((السنياري))]

مشاء الله

اشهد بلله انها ربشه والله ماتلام

بس تراك غلاطت بردفه على اشيهانه (عندك علم)

الله يرزقك ويرزق كل مسلم

المفروض تستمر بركاده بلهدد عشان تستانس

[وَسَام!]

سنجار حياك وشرفني مرورك
الطبشي حياك الله وماعليك زود جعلك تسلم
KAYD حياك الله وتصدف ان شاءالله معك
فيصل الدشاش حياك الله والله يسلمك
قرناس ارامكو شرفني مرورك لكن ماظنيت تكرر
صقار البحرين حياك الله
بوخالد مرحبابك
ابو تركي حياك وخويي لوعطيته الطير يمكن يشويه هههههههه
شايف خير مرحبابك ودنا والله

R7AL_AL3OMR الركاده ماهي على الكيف وهذا غيض من فيض

[الوافي4482]

تستاهلون والله يعطيك العافيه

[القطاوي 2008]

عز الله أنك ما قصرت كفيت ووفيت
وانك دخلتني جو ثاني مع القصة
وأنشالله التميز دوم مو يوم

[شنكارuae]

ما قصرت على السالفه الطيبه

[صحراوي uae]

الله يعطيك العافيه

[أبو أمين]

وجيه مبروكه تستاهل الخير

[صياد الكراوين]

عسى الله يجعل ذا طبعك وحنى من ربعك ......مشاء الله عليك
جعلك كل سنه صايد وفايد........وتقبل مروري

[شنوان]

الله يعوده عليك وانت في اتم الصحه
والعفيه

[وَسَام!]

فليج حياك الله ومرورك مشرف
القطاوي الجو والله لوانك ذيك اللحظه معي كان محول والموتر يمشي
شنكار مرحبابك وياك الله
صحراوي هلابك ومسهلا
ابو امين حياك وهذا من طيبك
صياد الكراوين حياك الله والخير فالك
شنوان حياك الله وانت بخير وصحه

[alsaqar]

ما شاء الله قصة حلوة

[الكعبي7]

ماشاء الله على القصه الجميله نبي نسمع مثل هي السوالف الي تفرج على القلب وشكرا