........كيف اعرررررف؟

[أبوإبراهيم1]

بعد التحية والسلام
س / كيف أعرف عمر الطير الحر إذا راح ريش الفرخ ؟ وهل هناك فرق اذاكان عمر الطير قرناس خامس او عاشر من حيث الشكل؟

[قشاع الرمث]

السلام عليكم ورحمة الله وبركاته

والله يا اخوك الطير عقب ثنو ما عاد تظبطه بالحيل لاكن
مع الخبره والممارسه تدري انه حول هالعمر .

وبالتوفيق .

[سلطان 1]

اخوى ابو ابراهيم انا مع رد قشاع الرمث 0 بس عندى اضافه بسيطه فعمر الطير خذها قاعده من ايديه كل ما كانت حرش فهو شبب وكل ما كانت ملس فهو كبير سن 0 تقبل مرورى 0

[جارح العين]

الفرخ يجي لون رجوله ابيض لاكن القرناس يبدا رجوله اصفر ويزداد كل ماكبر

[قلب ذيب]

اضافه الى زيادة اصفرار ارضية الطير وبداية الصفار في باذرته يكون ريش مناكب الطير داله على عمره فريش المناكب يبقى فيها ريش الفرخ وكذلك البكر .
وتأتي مخالب الطير وباذرته أكثر صفارا في قرانيس الهوى , ويمكن لبعض الصقاقير ذوي الخبره الطويله معرفة عمر الطير الى مابعد قرناس سادس وهم قله , لكن بعد ذلك العمر لايعرف عمر الطير الامن رباه .
والوكارى وقرانيس الهوى هي أكثر الطيور اصفرارا للباذره والارضيه ,وتحول مخالب الطير الى الوضع الاملس دلاله على كبر سنه .

[راعي ام عشر]

طيب يالربع الطير تقولون كل ما أزداد صفار الكفوف تقريبا
يكون كبير سن00000 طيب الطير الروسي يجي فرخ وكفوفه
صفر حيييييييييييييييييل000
العام بعت طير ماكره منغولي وعمره ثنو وكفوفه صفر!!!!!!!!!
ايش رأيكم؟؟؟؟؟؟
افيدونا00000000

[أبو رداد]

وعليكم السلام ورحمة الله وبركاته
البكر (لابد تلاقي فيه علامه من الفرخ)
ثنو فمافوق (تخمين لايوجد دليل قاطع والخبره لها دور)
اخر سنينه (تظهر علامات مثل الحبه الي في منخره تطيح او مخالبه تطيح او يفقد بصره)
هذا ماعندي والسلام

[المان العرب]

افادوك اكبر صقاقير المنتدى ولا اقصور بصقاقير الباقين

[أبوإبراهيم1]

بيظ الله وجيهكم على هذه الردود المقنعه
تحياتي للجميع

[قرناس حائل]

عندي اضافة بسيطة وهي

انه كلما زاد غتار الطير وكشافته ورقاط ظهره كلما زاد عمره

تقبلوا تحياتي

[ذراع الذيب]

وشرايكم يالربع في الدقوق اللي تجي في عاتق الطير
الدقوق في ريشه الفرخ تجي متقاطره وكل ماقرنس تفرد الدقوق بالاصح ريشه النجير
الى اسفل وتكون الشواهين اوضح بالنسبه لي وارجو التوضيح اكثر............