كبر الرأس ހƴϞރ صغر الرأس

[أبو رداد]

السلام عليكم ورحمة الله وبركاته

من اهم المواصفات الجماليه للصقور هو (الرأس)
وقد يكون فيصل في تقيم وشراء الصقر ..
ومن ضمن المواصفات الي في راس الطير (حجمه)
واشوف بين الاخوان (اختلاف) في هذا الموضوع
يقول المثل (لو تساوت الاذواق لبارت السلع)
وخلني ادلو بدلوي في هذا الموضوع ...
وهذا الي اعرفه وارغبه
,,,
الحر كلما كبر راسه كان اجمل وارغب
الشاهين كلما صغر راسه كان اجمل وارغب
,,,
هذه وجهة نظري
وودي اعرف وجهة نظر جميع الاخوان
لكي نخرج بتفسير مقبول
لعل بعضنا يقنع بعضنا الاخر بوجهة نظره
والله الموفق

[قلب ذيب]

هلا ابورداد .
الاختلاف وارد
والطيور مخابر اكثرها , وفيما يتعلق بالشاهين فكلامك صحيح , اما فيما يتعلق بالحرار فارى ان صغر راس الطير في بعض الحرار جانب ايجابي وميزه طيبه .

[وَسَام!]

انا اشوف مع كبر راس الطير لابد من وسع العين وحدتها وكبر القحف غار العين (وهي عادة تجتمع في الطير اللي يكون راسه كبير) يعني كل وصف في الطير لابد ان له مكملات فلو كبر راس الطير وصغرت عينه
او صارت نافصه او بارده او منخره ماتدخل معه الابره او منسره صغير فلاينفع كبر راسه. ولو كان راسه
صغير ولكن اجتمعت الوصوف الزينه السابقه في الراس فيمكن مايضر في جمال الطيربعكس خلوها من الراس
الكبير..

[alajmi110]

يا مرحبا فيك يا ابو رداد
ومميز في طرحك للموضيع دائماً
با النسبه لكبر الراس وصغره لدى الطير انا اتوقع ان الصقار يميزها من خلال حجم الطير
وانا اتفق معك من ناحيت الشاهين..... اما الحر هناك حرار روسها صغار ومن اجمل الحرار
وبيعت ايظاً بأقيام خياليه.. ولكن صغر راس الطير الحر لا ينقص من جماله هذي وجهة نظر
انا اذكر في احد المواضيع لخونا المزروعي الله يطول بعمره.... طير تم بيعه بأربع مية الف
وهو راسه صغير ومن اجمل الطيور شفت صورها
يمكن ابو محمد يدعمنا با الصوره
شاكر لك يا ابو رداد ... ( واشهد انك مكسب لنا قبل ما تكون مكسب للمنتدى )

[alajmi110]

السموحه منك يا المزروعي ابا اتسلف الصوره منك:D
هذا الطير اللي نزل صورته اخونا المزروعي
http://www.mekshat.com/pix/upload02/images68/mk57508_____001.jpg

[أبو فهد العيد]

انا رايي من رايك يابو رداد.. وعلى ماقال الشاعر:
حر(ن) وحش له ماكر في طرف جال *** طرح الخلا بكر من طيور سيبير
كاشف نحر وارقط حمر يشعل اشعال*** مشدد ثلال وفيه رش مغاتير
واطراف ريشه ابيض كنه اهلال ***والا حويل الفرخ كنه لهب كير
ماهوب ممسوح العمد دقه اقلال *** ومودع شليله كالبرد فيه تدوير
وسبعة عشر طوله سبب منكبه طال *** والعرض زايد قايسينه بتمتير
وسره,وعار الريش ووصوفه جزال *** وريشه دقاق مابريشه دعاثير
والراس وافي برقعه كود تفصال *** وادرع لسان في حجاجه تكاشير
اقطم وسيع العين والراس فنجال *** والشدق بين مع وساع المناخير
ووجهه صبوح افدع ابد ماله امثال *** مابه دعوج بس لواحظ ولا غير
جثل اللحم يتعب على الكف نقال*** وله عاتق يعجب جميع الصقاقير
متفهق الجنحان للخرب عيال *** مع معلف واسع ثناد مزابير
ومثل المقص اطرف مواميه واطوال *** عدل المناكب بينهن وقم تشبير
وحرش كفوفه كبس وفخوذه جلال *** افجح هجر ومسرول ساقه قصير
وعكف المخالب تودع الدم شلال *** احداد غرزات سوات المسامير
وضرب الصوايد لابرق الريش غربال *** لااهوى عليها كسر العظم تكسير
فعل وطبع وشوفته تشرح البال *** ويردف على فروخ الشياهين والجير
كنه على التكيه ليا شيف رجال *** راكد امين ما بطبعه تناكير
ماهوب كفاخ ليا شاف الازوال *** ريشه سلم مابه ثلوم وتوسير
صايد فصيل وقلت اسميه فصال *** من فرعوبه شافها واهمل السير
ماهوب متردد ولاهوب جفال *** جاها كما ورد الظوامي على البير
مثل الشجاع لمقدم الجيش خيال *** يضحك ليا صكت عليه الطوابير
هذي وصوف الطير ياطيب الفال ***وصف دقيق واضح للصقاقير
والطير له في داخل القلب منزال *** اغليه وله عني معزه وتقدير
تمت وصلى الله على سيد الاجيال *** محمد اللي بشر االناس بالخير
الشاعر:مشعل العازمي

[المزروعي]

تسلم على هذا الموضوع الجميل !! لكن أسمحلي أنا أختلف معاك في هذا الشي !! الحر كلما صغر رأسه كان مطلوب أكثر بعكس الشاهين كبر الرأس في الشاهين أفضل !! طبعا صغر أو كبر الراس من علامات الجمال فقط ولكن هذه العلامات تختلف من الحر إلى الشاهين ! مثال الحر كلما كان مصرول كان أفضل و لكن لن تجد شاهين له ذواري أو سراويل ! كما أن قصر الساق مفضل لدى الحر بينما الشاهين معروف بطول الساق !!

و أخيرا يا مشرفنا الغالي الإختلاف لا يفسد للود قضيه

[راعي عساف]

السلام عليكم ورحمة الله وبركاته
موضوع جميل يابورداد ,بالنسبه لصغر وكبر راس الطير مرتبط باشياء ثانيه مثل القحف والعين والمنخر وصبة الراس ,واذا توافرت جماليات الاشياء اللي ذكرتها ماعاد تفرق كبر او صغر راس الطير,وايضا حجم الطير (قياسه)ياثر على جماليات الطير

[محمد الفهيد]

انا في رأيي الشخصي
الحر افضله بكبر راسه اذا كان جبر وأفجح وقياسه عود
وايكون صغير لاقده وااارد ايران يعني قياسه في اــ16 وحولها

اما الشاهين ماصقرته وأحترمه ههههههههههه واتوقع صغر الراس فيه زين مع انه نادر

[عبدالرحمن الخالدي]

انا اشوف مع كبر راس الطير لابد من وسع العين وحدتها وكبر القحف غار العين (وهي عادة تجتمع في الطير اللي يكون راسه كبير) يعني كل وصف في الطير لابد ان له مكملات فلو كبر راس الطير وصغرت عينه
او صارت نافصه او بارده او منخره ماتدخل معه الابره او منسره صغير فلاينفع كبر راسه. ولو كان راسه
صغير ولكن اجتمعت الوصوف الزينه السابقه في الراس فيمكن مايضر في جمال الطيربعكس خلوها من الراس
الكبير..

أأيدك يا وسام 11 في الرأي :good:

[المان العرب]

اضم صوتي مع صوت وساااام

[طيرحوران]

يعطيك العافيه يابو رداد على هذا الموضوع
وطبعا بالنسبه لنا ومنطقتنا كلما كان راس الطير اكبر كلما صار افضل وارغب
وشكرا

[فرخ الشياهين]

يعطيك العافية يابورداد ورايك في محلة

[أبوإبراهيم1]

اعتقد ان صغر راس الحر اجمل

[أبو رداد]

هلا ابورداد .
الاختلاف وارد
والطيور مخابر اكثرها , وفيما يتعلق بالشاهين فكلامك صحيح , اما فيما يتعلق بالحرار فارى ان صغر راس الطير في بعض الحرار جانب ايجابي وميزه طيبه .
الله يحيك يابو ماجد
صادق والله ان الطيور مخابر ماهي مناظر هههههههه
مرات يجيك طير لاوسره ولا لون يفعل فعول تدوخ ههههههههه
لكن هذا الشي نادر ...
وبخصوص راس الحر اكثر الاحيان يصير تناسب نسبي بين حجم الراس وباقي اجزائه
مثل العين والمنساسم والمنسرولذلك يعتبر كبر الرأس صفه جماليه وتفضيليه

[قشاع الرمث]

السلام عليكم ورحمة الله وبركاته

بالنسبه لي .
اشوف كبر الراس عند الحرار ميزه
وعند الشياهين عيب .

[نايف الخالدي]

انا اقول للحر كبر الراس ميزه جماليه
والشاهين راسها صغير تكون اجمل

[أبو رداد]

انا اشوف مع كبر راس الطير لابد من وسع العين وحدتها وكبر القحف غار العين (وهي عادة تجتمع في الطير اللي يكون راسه كبير) يعني كل وصف في الطير لابد ان له مكملات فلو كبر راس الطير وصغرت عينه
او صارت نافصه او بارده او منخره ماتدخل معه الابره او منسره صغير فلاينفع كبر راسه. ولو كان راسه
صغير ولكن اجتمعت الوصوف الزينه السابقه في الراس فيمكن مايضر في جمال الطيربعكس خلوها من الراس
الكبير..
كلام سليم يا ههههههههههههه وسام
ولكن هل تقصد الحر فقط او الحر والشاهين ؟؟
تحياتي يرادار المنتدى

[الزعـبي]

الصراحه موضوع طيب وكلن له رايه وذوقه ...

[قلب شاهين]

تسلم على هذا الموضوع الجميل !! لكن أسمحلي أنا أختلف معاك في هذا الشي !! الحر كلما صغر رأسه كان مطلوب أكثر بعكس الشاهين كبر الرأس في الشاهين أفضل !! طبعا صغر أو كبر الراس من علامات الجمال فقط ولكن هذه العلامات تختلف من الحر إلى الشاهين ! مثال الحر كلما كان مصرول كان أفضل و لكن لن تجد شاهين له ذواري أو سراويل ! كما أن قصر الساق مفضل لدى الحر بينما الشاهين معروف بطول الساق !!

و أخيرا يا مشرفنا الغالي الإختلاف لا يفسد للود قضيه

أنا أضم صوتي مع المزروعي ،،

ومشكور على الموضوع الراائع ،،

تحياتي / قلب شاهين ،،

[بو هاشم]

انا اشوف كل ما كبر راس الطير احلى
لان تكون عيونه اكبر منخاره اوسع

[بوعوف]

يا هلا بابورداد

والله انا من ايد كلامك

[جارح العين]

موضوع جميل
وانا مثل رايك

[سلطان 1]

السلام عليكم ورحمه الله وبركاته 0 كبر راس الطير وصغره لازم يكون له مكملات فى كل شى فى العين والقحف والمنخر والبوز 0 اذا اجتمعت حلوا 0 تقبل مرورى 0

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / ابو رداد
وش ظنك بقول ؟.. لاكبر راس الطير ميزه في الشياهين وفي الحرار.. وكانها وحوش كلها تسد لكن لاصار بيتي ابو راس صغير بيتعب ويتعبك لين
يعيد مراجله السابقه
*
والسلام
الفيتو
الحجاز
20/5/1429هـ

[أبو رداد]

يا مرحبا فيك يا ابو رداد

ومميز في طرحك للموضيع دائماً
با النسبه لكبر الراس وصغره لدى الطير انا اتوقع ان الصقار يميزها من خلال حجم الطير
وانا اتفق معك من ناحيت الشاهين..... اما الحر هناك حرار روسها صغار ومن اجمل الحرار
وبيعت ايظاً بأقيام خياليه.. ولكن صغر راس الطير الحر لا ينقص من جماله هذي وجهة نظر
انا اذكر في احد المواضيع لخونا المزروعي الله يطول بعمره.... طير تم بيعه بأربع مية الف
وهو راسه صغير ومن اجمل الطيور شفت صورها
يمكن ابو محمد يدعمنا با الصوره

شاكر لك يا ابو رداد ... ( واشهد انك مكسب لنا قبل ما تكون مكسب للمنتدى )





السموحه منك يا المزروعي ابا اتسلف الصوره منك:D

هذا الطير اللي نزل صورته اخونا المزروعي

http://www.mekshat.com/pix/upload02/images68/mk57508_____001.jpg

الله يحيك اخوي
واتفق معك بتناسب حجم الطير مع حجم الراس
وعني شخصيا اشوف نفس الخلل
اذا كان الطير صغير وراسه كبير
او كبير وراسه صغير
وطير ابو محمد طيب ماشاء الله
واظن والله اعلم ان هذا الطير لوراسه اكبر راح بسعر احلى

[سعدسالم]

السلام عليكم اخوي ابو رداد مشكور على المواضيع الرائعة والمفيدة لكل صقار @@

[أبو رداد]

السلام عليكم ورحمة الله وبركاته
اعتذر عن التاخير لانشغالي هذه الايام
,,,,

انا رايي من رايك يابو رداد.. وعلى ماقال الشاعر:
حر(ن) وحش له ماكر في طرف جال *** طرح الخلا بكر من طيور سيبير
كاشف نحر وارقط حمر يشعل اشعال*** مشدد ثلال وفيه رش مغاتير
واطراف ريشه ابيض كنه اهلال ***والا حويل الفرخ كنه لهب كير
ماهوب ممسوح العمد دقه اقلال *** ومودع شليله كالبرد فيه تدوير
وسبعة عشر طوله سبب منكبه طال *** والعرض زايد قايسينه بتمتير
وسره,وعار الريش ووصوفه جزال *** وريشه دقاق مابريشه دعاثير
والراس وافي برقعه كود تفصال *** وادرع لسان في حجاجه تكاشير
اقطم وسيع العين والراس فنجال *** والشدق بين مع وساع المناخير
ووجهه صبوح افدع ابد ماله امثال *** مابه دعوج بس لواحظ ولا غير
جثل اللحم يتعب على الكف نقال*** وله عاتق يعجب جميع الصقاقير
متفهق الجنحان للخرب عيال *** مع معلف واسع ثناد مزابير
ومثل المقص اطرف مواميه واطوال *** عدل المناكب بينهن وقم تشبير
وحرش كفوفه كبس وفخوذه جلال *** افجح هجر ومسرول ساقه قصير
وعكف المخالب تودع الدم شلال *** احداد غرزات سوات المسامير
وضرب الصوايد لابرق الريش غربال *** لااهوى عليها كسر العظم تكسير
فعل وطبع وشوفته تشرح البال *** ويردف على فروخ الشياهين والجير
كنه على التكيه ليا شيف رجال *** راكد امين ما بطبعه تناكير
ماهوب كفاخ ليا شاف الازوال *** ريشه سلم مابه ثلوم وتوسير
صايد فصيل وقلت اسميه فصال *** من فرعوبه شافها واهمل السير
ماهوب متردد ولاهوب جفال *** جاها كما ورد الظوامي على البير
مثل الشجاع لمقدم الجيش خيال *** يضحك ليا صكت عليه الطوابير
هذي وصوف الطير ياطيب الفال ***وصف دقيق واضح للصقاقير
والطير له في داخل القلب منزال *** اغليه وله عني معزه وتقدير
تمت وصلى الله على سيد الاجيال *** محمد اللي بشر االناس بالخير
الشاعر:مشعل العازمي
الله يحيك يابن حنيظل
وصح لسان الشاعر
واعتبر قصيدته مثل الفية ابن مالك لما شرح النحو وفصل كلام سيبويه ههههههه
سلمت يالغالي
وعندنا لو راد يبالغ في وصف الطير الحر يقول ماحصلنا له برقع بين العرب ههههههه



تسلم على هذا الموضوع الجميل !! لكن أسمحلي أنا أختلف معاك في هذا الشي !! الحر كلما صغر رأسه كان مطلوب أكثر بعكس الشاهين كبر الرأس في الشاهين أفضل !! طبعا صغر أو كبر الراس من علامات الجمال فقط ولكن هذه العلامات تختلف من الحر إلى الشاهين ! مثال الحر كلما كان مصرول كان أفضل و لكن لن تجد شاهين له ذواري أو سراويل ! كما أن قصر الساق مفضل لدى الحر بينما الشاهين معروف بطول الساق !!

و أخيرا يا مشرفنا الغالي الإختلاف لا يفسد للود قضيه
الله يحيك يابو محمد
واكيد الناس اذواق والله يديم الود ... والطيور كل ابوها مستاهل ان افسد الود مع خوي احبه في الله
ولخاطرك راح مااعلق على الرد ههههههههه


السلام عليكم ورحمة الله وبركاته
موضوع جميل يابورداد ,بالنسبه لصغر وكبر راس الطير مرتبط باشياء ثانيه مثل القحف والعين والمنخر وصبة الراس ,واذا توافرت جماليات الاشياء اللي ذكرتها ماعاد تفرق كبر او صغر راس الطير,وايضا حجم الطير (قياسه)ياثر على جماليات الطير
الله يحيك يراعي عساف
صادق وسلمت على المشاركه


انا في رأيي الشخصي
الحر افضله بكبر راسه اذا كان جبر وأفجح وقياسه عود
وايكون صغير لاقده وااارد ايران يعني قياسه في اــ16 وحولها
اما الشاهين ماصقرته وأحترمه ههههههههههه واتوقع صغر الراس فيه زين مع انه نادر
الله يحيك يابو جاسم
:good: ;) اتفق معك


أأيدك يا وسام 11 في الرأي :good:
الله يحيك يمذكور
كلامك وكلام وسام على الراس
ويامرحبا


اضم صوتي مع صوت وساااام
كلامك وكلام وسام وكلام ذكور
:good:




يعطيك العافيه يابو رداد على هذا الموضوع

وطبعا بالنسبه لنا ومنطقتنا كلما كان راس الطير اكبر كلما صار افضل وارغب
وشكرا

الله يحيك يابو سعد
مدارسنا متقاربه
سلمت على المداخله



يعطيك العافية يابورداد ورايك في محلة
الله يحيك يافرخ الشاهين
والحمد لله المتفقين معي في الراي اغلبيه هههههههههه


اعتقد ان صغر راس الحر اجمل
الله يحيك يابو ابراهيم
رايك من راي المعارضه هههههههههه


السلام عليكم ورحمة الله وبركاته

بالنسبه لي .
اشوف كبر الراس عند الحرار ميزه
وعند الشياهين عيب .
الله يحيك يقشاع الرمث
من حزبنا ههههههههههه
سلمت على التعليق يالغالي


انا اقول للحر كبر الراس ميزه جماليه
والشاهين راسها صغير تكون اجمل
الله يحيك ينايف
اغلبية البرلمان لنا هههههههه
شرفتنا بمرورك


الصراحه موضوع طيب وكلن له رايه وذوقه ...
الله يحيك يابو سعيد
الحياد زين بهالزمان هههههههه
سلمت على المرور


أنا أضم صوتي مع المزروعي ،،

ومشكور على الموضوع الراائع ،،

تحياتي / قلب شاهين ،،
الله يحيك يقلب الشاهين
من المعارضه ههههههههه
سلمت على مرورك


انا اشوف كل ما كبر راس الطير احلى
لان تكون عيونه اكبر منخاره اوسع
الله يحيك يابو هاشم
:good: من حزبنا
سلمت على المرور


يا هلا بابورداد
والله انا من ايد كلامك
الله يحيك يابو عوف
:good: احنا الاغلبيه هههههههه
سلمت على المرور


موضوع جميل
وانا مثل رايك
الله يحيك يجارح العين
:good: من حزبنا (كثروا الانصار وراح نسوي انقلاب) هههههههههه
سلمت على المرور


السلام عليكم ورحمه الله وبركاته 0 كبر راس الطير وصغره لازم يكون له مكملات فى كل شى فى العين والقحف والمنخر والبوز 0 اذا اجتمعت حلوا 0 تقبل مرورى 0
الله يحيك يراعي فاروق
التناسب طردي اغلب الاحيان
سلمت على المرور




بسم الله الرحمن الرحيم

السلام عليكم ورحمة الله وبركاته
صباح الخير ياخوي / ابو رداد
وش ظنك بقول ؟.. لاكبر راس الطير ميزه في الشياهين وفي الحرار.. وكانها وحوش كلها تسد لكن لاصار بيتي ابو راس صغير بيتعب ويتعبك لين
يعيد مراجله السابقه
*
والسلام
الفيتو
الحجاز

20/5/1429هـ

الله يحيك يالفيتو
ملاحظه طيبه
سلمت على المرور



السلام عليكم اخوي ابو رداد مشكور على المواضيع الرائعة والمفيدة لكل صقار @@
الله يحيك يسعد
والايملات صايره عشوش للفايروسات هههههه
اضغط كلك يمين واحذفه (دليت بالانكليزي)
سلمت على المرور

[alajmi110]

الله يعينك يا ابو رداد ما تتعب اصابع يدك هههههههههههه

[أبو رداد]

الله يعينك يا ابو رداد ما تتعب اصابع يدك هههههههههههه
هههههههههههههههههه
ورطت ... التوبه ان افرد في الردود مستقبلا ههههههه

[ذراع الذيب]

الله يعطيكم العافيه جميع
والشكر موصول لابورداد لطرحه المفيد.......

[بـــن خــتروش]

بو رداد الله حيه
انا في نظريه صغر الراس في الحر او الشاهين من علامات الجمال
وتسلم ياخوي