هذي عزبتي و قولولي رائكم (اول مشاركه)

[الجضعاء]

السلام عليكم و رحمة الله و بركاته

هذي صور لعزبتي حقت الشاهي و القهوة و قولولي رايكم

http://www.x66x.com/download/218148371f1192ae0.jpg

http://www.x66x.com/download/419548371f125c6e8.jpg



http://www.x66x.com/download/484148371f11c8dd4.jpg

http://www.x66x.com/download/189348371f1206070.jpg

هذي صورة البرادي والبكرج على النار مسوين الشاهي و القهوة

http://www.x66x.com/download/192448371f12336d1.jpg

هذي صورة العزبة من الخارج

http://www.x66x.com/download/75048371f1284049.jpg




هاه وش رايكم فيها .. قولولي ارائكم و ايش نواقصها

[ابو سفيان]

اول شي يخوي اقول الله يحيك بين ربعك وان شاء الله تفيد وتستفيد
ثانيا في نواقص
1- الفناجيل والقهوة وين لا تحط بتقول كاسات الورق فيه لكن ما تغني لانها بتغلق وتقعد بها
2-وين التمر
3-الدراقه حقت النار ونها
4- قدر الضغط الكاتم وينه هذا القدر ما ينفعك
5- انا انسان عندي بكره دوام لو بدور نواقص الله بتتعب معي لكن اترك المجال لغيري يطلعون النواقص
وفيه روابط ان بحثت في الموقه وفي المواضيع المميزه تحصل العزب الكامله وتقبل مروري

[الجضعاء]

مشكور اخوي ابو سفيان على مرورك

لكن الفناجيل في شنطتها شوفها حقت السنيدي
و القدر ذا ليش ما ينفع يعني هذا ما يسوي كبسه و هذاك يسوي كبسه

[ابن الاخيل]

ماشاء الله عزبتن طيبه

الله يهنيك :)

اخوك: ابن الاخيل

[رأس الزعامه]

فيه نواقص كما قال أبوسفيان

[عبّار]

مرحبا أخوي
بو سفيان يقصد و الله العالم ان قدر الضغط أسرع في مسألة الطبخ و يوفر نصف الوقت تقريبا اذا مب اكثر.

و مرحبا بك

[العاااازف]

هههههههههه
ياحليل المعاميل نظيييفة ههههههههههههه
اما الدافووور مشالله عليه ((يلق))
امزح تعاال شف داافوري والله معااارك علييييه هو وعزبتي
الله يبارك لك فيها ولاتزعل امزح :)

[الجضعاء]

ياخوي في العجلة الندامه و في التأني السلامه::d

[الجضعاء]

هههههههههه

ياحليل المعاميل نظيييفة ههههههههههههه
اما الدافووور مشالله عليه ((يلق))
امزح تعاال شف داافوري والله معااارك علييييه هو وعزبتي

الله يبارك لك فيها ولاتزعل امزح :)



ياخوي العزبة جديده ما لها اسبوع مكملها قلت اشوف نواقصها منكم

[مسامرالليل]

اخي الكريم : الجضعاء
حياك الله بين ربعك واخوانك وان شاء الله تستفيد وتفيد من خلال المشاركات
وبالنسبه للعزبه طيبه , وشكلك تحب الشاي بالحبق ;)
على العموم ان اردت المزيد فابحث من خلال الموقع وستجد الكثير من مشاركات الاخوان , وطبعا يعتمد ذلك
عليك فى المقام الاول وش اللى تبغاه انت لاءن عزب الكشتات كثيره
والذرايه مهمه للدافور من شان الهواء لايضعف النار
تقبل مروري السريع

[الجضعاء]

مشكور اخوي msamer و باذن الله بكره اشتري الذرايه

[سسته]

هلابك اخوي
انا ابقولك شي .... الاخوان ماقصرو معك وان شاء الله انهم يفيدونك .... لاكن حط في بالك شي مستحيل تكمل العزبة الا اذا طلعت فيها .... يعني تطلع اليوم وتكتشف انك ماحطيت في العزبة كذا .... اذا رجعت البيت تحطة ... والطلعة اللي بعدها نفس الطريقة الين تصير العزية جاااهزة ... وانتبة تعطيعا احد ترا يحوسها مهما كااان ....
ابسائلك .. عزبتك فيها مفك صلصة ... اكيد لا ...

[الضاري]

الله يهنيك فيها أخي
وهذا رابط لموضوع سيفيدك في هذا الخصوص
تفضل من هنا ..
طلبات الرحلة المتكاملة V.2 (http://www.mekshat.com/vb/showthread.php?t=20203)

[الجضعاء]

هلابك اخوي
انا ابقولك شي .... الاخوان ماقصرو معك وان شاء الله انهم يفيدونك .... لاكن حط في بالك شي مستحيل تكمل العزبة الا اذا طلعت فيها .... يعني تطلع اليوم وتكتشف انك ماحطيت في العزبة كذا .... اذا رجعت البيت تحطة ... والطلعة اللي بعدها نفس الطريقة الين تصير العزية جاااهزة ... وانتبة تعطيعا احد ترا يحوسها مهما كااان ....
ابسائلك .. عزبتك فيها مفك صلصة ... اكيد لا ...
ايوه فيها مفك صلصه يا سسته

[بواسامه]

الحقيقه عزبة روعه ومتكامله بالاساسيات
والنقص وارد في اي عزبه ويتبين لك هالشي حسب روحاتك والطردي
عموما نبي نجرب هالقدر يالشيف اقرب طلعه وصور للطبخه
وحزمة هالحبق نشفها في ظلال وحطلها في طابوق مثل الشاهي عشان تستفيد منها
ويلزمك بيز وليفه للقهوه
الله يوفقك يالجضعاء
وان حصل تجعل للشاهي والقهوه ومعاميلهن عزبه
وللطبخ والقدور وعفشهن عزبه
لام غالب استخدامك في الطلعات الخفيفه للقهوه فقط

[لا تشيل هم]

و عليكم السلام و رحمة الله و بركاتة

ما شاء الله على عزبتك

و لي عليها ملاحظتين

الاولى ان القهوة و الهيل في علبة بلاستك وهذا له تأثير على الطعم و خاصة الهيل لانه حار و يأثر على البلاستيك و لذالك الافضل يكون زجاج


اما الثانية فانصحك بدافور بريموس فهو افضل دافور جربته ( ملاحضه يجب ان بكتب على دافور بريموس صنع في الهند بالعربي لان هذا النوع اصلي) و سعره بحدود 70 الى 90 على حسب المحل


شكرا

[الجضعاء]

مشكور اخوي على ردك
بس البيز و الصفايه (الليفه) موجوده

[الجضعاء]

اخوي لا تشيل هم :
بس دافوري ايطالي اجود نوع

[NissaN 1990]

ماشاء الله وحياك الله بين أخوانك وربعك وأما عن العزبه كامله والكامل وجه الله وعني أنا ما أقدر أطلع النواقص إلا إذا عزمتني على براد شاهي براس عرق وخاصه إذا قطعت من ها لحبق وحطيت بالبريق وهو يطبخ في هذي اللحظه راح أقولك عزبتك ممتازه وما عليها كلام،،


آسف على الإطاله وبالتوفيق ومثل ما قال أخونا سسته أنك راح تكتشف النواقص من خلال الطلعات ومهما تكمل عزبتك راح تنسى شي حتى لو كان عندك وأنت شاريه خاص للعزبه

أتمنى لك التوفيق ولا تواخذني على المداعبه ،،،

[قسوره2006]

ماشاء الله عزبه جزله


الله يطعمك من خيرها ويبارك لك فيها


وتقطعها بالعافيه


بس لزوم يوم تعزمنا


وتطبخ لنا


وتقهوينا

[الجضعاء]

ابشروا و حياكم الله و اذا ما شالتكم الجضعاء تشيلكم عيوني

بس انتم تعالوا الجضعاء و ما يسير الا اللي يسركم

[يحيي بن حمد]

منتازة جداااااااااااااا

[سكب]

احسن حاجه جرب وبعدين تعرف النواقص


راح بالي كله مع الموقع شكلك في المدينه

[ابوفهيدان]

الله يجعل في شربك وزادك منها عافية
اخوي انا عجبني القدر وخلك علي القدر العادي واترك الكاتم
بس والله لوتشوف عزبتي ان تقطها بالزبالة من سوادها
ودافوري مصدي بالعربي ما أكشخ فيها

[ابومحمد vtc]

ماشاء تبارك الله اخوي وجعله مبارك
وصدق اخونا (سسته!)

[الجضعاء]

احسن حاجه جرب وبعدين تعرف النواقص


راح بالي كله مع الموقع شكلك في المدينه


اي والله يالاخو اني في مدينة الرسول

بس ما قلتلي انت تعرف الجضعاء ؟؟

[صقر طيبة]

من زين عزبتك مصورها لنا
كلها برادي وقدر وفناجيل وقال عزبة
واضح انك منتة حق عزب من وضعك للبرادي على النار
الاثاثي ماهي كذا توضع

وشكرآ

[بواردي طيبه]

اول شيء امسي عليكم بالخير...

ثانيا..اخوي عزبتك كامله ..بس والله احسها عزبت خكاري...:d :d :d :d

اعذرني بس ..يمكن لأنها جديده وحلات البراد يوم يسود ويتعوج وبعدين اشرب ذاك الفنجال السنع..

على العموم انا من المدينه..وأعرف الجضعاء...!

يعني لو الشباب يوكلوني المهمه في التجريب أنا حاضر...هاه وش قلت؟

[اول 111]

مركاب او كرسي نار بلا صخر بلا هم
ملقاط
تاوه
لوحه سمك حق تقطيع البصل الطماط و الدجاج والحم الي اخ
انصح بقدر ثاني اصغرمن الموجود يصير غسيل رز او دجاج او رلحم الي اخ

[اول 111]

1-مركاب او كرسي نار بلا صخر بلا هم
2-ملقاط
3-تاوه
4-لوحه سمك حق تقطيع البصل الطماط و الدجاج والحم الي اخ
5-انصح بقدر ثاني اصغرمن الموجود يصير او تسوي مرقه غسيل رز او دجاج او رلحم الي اخ

واذا طلعنا فيه نشوف وش الناقص

[NuMaS]

ممـــتـــازة والله يهــنــيــك ... وفـالك النامـوس

[خالد030]

خوش عزبة عساها تطربك وتوسع صدرك

[الجضعاء]

[quote=صقر طيبة;1620355]من زين عزبتك مصورها لنا
كلها برادي وقدر وفناجيل وقال عزبة
واضح انك منتة حق عزب من وضعك للبرادي على النار
الاثاثي ماهي كذا توضع

وشكرآ[/quote


اترك الرد على الاخوان اعضاء المنتدى !!!

[mzeon]

بصراحه عسى الله يوفقك ويهنيك بها ويسعدك دنيا واخره وعقبال الكرفان

[المبتكر1]

الله يهنيك يالحبيب بها العزبة وودي اذكرك باشياء ربما ماذكرت قبل تحشي بها الجيوب حقت العزبة الا وهي :
شوي ملاعق حديد وخشب للتحريك
وسكاكين لحم وبصل
ومسن لسكين اللحم
وولاعات نار المكعبات البيض
وطاسات مقاسات مختلفة حديد تدخل ببعضها
وصحون سلطة ومثلها بس أفضل حديد للأشياء الحارة مثل الكبدة
ولمبة على البطارية سلك طويل
وكم سماط باغة خفيف
وملقاط
وكبريت
هذا واتوقع يبي لنا طلعة معاك نشوف بعد وتقبل تحياتي

[سكب]

والله مااعرف الجضعاء اعرف تراب تلك الارض من الصوره لاتلومني احبها حب شديد

[الصايخة]

يا حبي لكم يا اهل المدينه

اما العزبة فما كفاك في الرحله هو ما تحتاجة

والمثل يقول البر بريرة والدلع في الديره

[الجضعاء]

اعذرني اخي سكب فتلك الصورة ليست في الجضعاء

[مدرب الطير]

ما شاء الله تبارك الله طيبه

[الجضعاء]

للمعلومات العامه :
الجضعاء تقع في ولاية hp (هبت)
بجوار المسمى

بالعربي في المدينه المنوره

[رااعي الدله]

ماشاء الله عزبة متكاملة الله يهنيك وإن شاء الله تضبط لنا كبسة شي

[هواووي]

ماشاء الله عزبتن طيبه

[أبو بندر 2005]

من زين عزبتك مصورها لنا
كلها برادي وقدر وفناجيل وقال عزبة
واضح انك منتة حق عزب من وضعك للبرادي على النار
الاثاثي ماهي كذا توضع

وشكرآ
تبغاه ينقل مطبخهم كله معه؟؟؟؟؟
------------------------------------------------------------------

أخوي الجضعا العزبة ممتازة وانت حط اللي تحس انك محتاجه

[نمر ورقان]

بداية موفقة لعزبه بسيطة وان شاء الله في القريب العاجل تكون عندك عزبة تنقلها بقلص :d

الله يوفقك

الصورة من الواضح انها ليست من ارض الجضعاء وممكن تكون من هبت فوق

الجضعاء : مكان ممتاز ارضه شبيهه بارض بيضاء حرب
وهي تقع في بداية هبت على يدك اليسار قبل خيطي
ادعو الجميع لزيارتها والاخ صاحب الموضوع عليه يجيب العزبه

[هاني 15]

ماشاء الله
الله يهنيك فيهاا
ممتازه
لاكن ملا حظه على علب الهيل والقهوه ماينصحون بالعلب البلاستكيه غير صحيه فلو تستخدم لها علب تكون قزاز اوستيل بالنسبه لي علبه قزاز صغيره حجم علبه العسل الشفاء للهيل والقهوه علبه ستيل للقهوه اخذتها من السنيدي تجي حجميين
واسف على الإطاله
تقبل مدخلتي

[مداوي جروحي]

ماشاء الله عليك
الله يطعمك من خيرها ويكفيك شرها

[راعي بيشة]

عزبة طيبة ومع الوقت أكيد رح تكبر

لا تنسى السحال أو سطل لكي تضع فيه ما وتضع بها الفناجيل والبيالات

وننتظر مشاركاتك الأخرى

[سرهيد]

ما شاء الله عليك

اقترح عليك ان تضع عزبة الشاي والفهوة لحالها وعزبة الطبخ لحالها

وتحاول تضع السكر والشاي في اكياس علشان تقدر تضغط عليها وتصغر الحجم

مجرد اقتراح وكل انسان لا شك ادرى بما يريد

تقبل احترامي

اخوك

ابو عبدالله

[راعي الفقي]

تقطعها بالعافيه ان شاء الله

[EFI.4500]

الله يهنيك
لكل راعي هزبه رتيبه الخاص
يعني لو يبي يرتبها خويك ماجازتلك

[قرموش]

اول شي مبروك العزبه
ثاني شي لا الكاتم لا تنساه ترى الكبسة بدونه ولا شي

[فيتامين]

ماشاء الله يهنيك به

وتقطعة من كثر الطلعات

[عين الداب]

راعيها راعي كيف ودك تكون العزبه خفيفه واذا كثرتها تبلش في الترتيب

[مكشات عنيزه]

السلام عليكم

ماشاء الله باين ان العزبه جديييييييده
(تبادل عزب)ههههههه

الصراحه العزبه ممتازه وكامله
لكن هناك شي بسيط من الملاحظات
وطبعا بالنهايه راجع لقناعتك
1- ياليت تفصل عزبة الشاهي عن القهوه
والسبب انك احيانا تروح طلعات عصريه للتقهوي ما يحتاج انك تشيل عزبة الطبخ
لذا لويكونون مفصولتين افضل
2- انصحك تشيل كل العلب وتحط اكياس وتلقاه مفصله عند السنيدي
ويابلااااش خمس مقاسات بـ 10 ريال ولا ياخذن مكان وتقدر ترصهم بالعزبه
واذا كنت ملزم عليهم حط القهوه و الهيل بعلب قزاز افضل للطعم
3- الذرا تراه مهم جدا خصوصا اذا صارت هوا
ومن فوايده انه يوزع الحرارح على جوانب القدر
ويصير اول الرز مثل آخره بدون احراق
4- ما انصحك انك تحط سطل للفناجيل لاسباب صحيحه
لان من اسباب نقل الامراض هذا السطل لانه يجمع فنجالك وفنجال غيرك بماء واحد فيكون سبب لانتقال الامراض

هذي ملاحضات وليست نواقص
لان النواقص تعرفهن اذا طلعت
انا الى يومك وانا كل 3 طلعات ازود شي بالعزبه وهي له 4 سنوات

ونحتري طلعه بالعزبه نشوف هي تشتغل والا لا

[صقر العثمور]

مشالله تبارك الله مانقص شي بس باقي اللحم ؟؟؟؟

[ابوعبدالله 32]

مشاءالله عزبه متكامله 100% على 100@

[قف وناظر]

السلام عليكم
اخوي واضح انها اول طلعة بهالعزبة على العم
وم الله يبارك لك فيها
والموضوع جميل تستفيد انت منه ويستفيد غيرك لانه لم يخرج من بطن امه احد يعرف كل شيء

[البهبهاني]

الـــرجـــــــــــــل
يمزح معكم



ومشكورين

[قرموع]

عزبه طيبه وراعيها اطيب ومشكورررررررررر

[speed 557]

مـاشـاء الله