يـــــــــــاصقاقير أدخلو هالحيـــــــــــــــن

[أبوإبراهيم1]

السلام عليكم ورحمة الله وبركاته



هل؟

الطير اللي يأتي في الدعو من بعيد تقريبا 2كم
مع الأرض غالبا أسبق في الهدد او الذي يكون متوسط الارتفاع او المنقط فوق
مع العلم ان الاجواء واحدة (يعني في يوم واحد)
ماهي آرائكم مع التحية.

[الزعـبي]

اكيد الي مع الارض بيكون اسرع لانه يتعرض لهواء اقل وما ياخذ وقت في الطلوع والنزول ..

[المان العرب]

سلام عليكم
مشكور على موضوع الطيب راي طال عمرك الي ماسك الارض اسبق
تقبل مروري

[قلب شيب]

الله يحييك ياابوابراهيم .
- - دائما القرناس خاصه البيتي ( يمسك الارض ) ولايرتفع !
- - اما الفروخ فهي اللي ترتفع في السما , وهذا هو الدارج في الطيور خاصه عند دعو الملواح .
وسلامتك .

[قلب ذيب]

ماقاله قلب شيب هو عين الصواب .

[amur kestrel]

رايي من راي المان العرب

[صقار قديم]

السلام عليكم ورحمة الله ،

في رأيي ان الطير الذي يطير " مع الارض " حسب تعبيرك سبوق ومفضّل عند الصقار ، لكن ليس بالضروره أن يكون أسبق من الطير الذي " ينقط " و قد اثبت تجارب الكثير من الصقاقير ذلك

أعتقد انك ما طرحت هذا الموضوع الجميل الا لتخبرنا بعلم ٍ ما

تحياتي لك وأشكرك على الموضوع الشّيق

[قنيص غبر]

انا مع الاخوان .. لاكن بدون ماتنقصون من الطير اللي يطير فووق لنه الطيار فوق يحتاج عضلات اقوى ..

وشكرا

[المزروعي]

الطير إللي منقط فوق أسبق بكثير و أفضل بألف مره عن الطير إللي يلقط الارض !!

لأن الطير إللي يرتفع على التلواح مستحيل تروح عنه صيدته لأنه متعود على الصعود دائما .
و الطير إللي يرتفع على التلواح يكون أصبر على صيدته بسبب قوة عضلاته و هذا بسبب تعوده على الإرتفاع و مواجهته ضد تيار الهواء العالي القوي وبالتالي تكون لياقته قويه .

[501]

من تجربتي انا اشوف الطير الي لاقط الارض(مسوحل) تكون ضربته للطريده اقوى واشد
وهذا من واقع التجربه .

501

[فداع]

السلام عليكم ورحمة اللة من واقع تجربه ان الطيرالسبوق دائمن يلقط لصيدته الارض سوا مرتفعه اوطامنه بعيده اوقريبه لانه واثق من نفسه اللا في حالة الطلع البعيد في ارض وعره يرتفع يثبت والشكرلجميع

[أبوتركي]

حي الله أبوابراهيم ،،، سؤال وجيه ،،، ،،، ،، انا أعتقد ان الارتفاع أو مسح الارض مالها علاقه بالسرعه وانما هي تكتيك من الطير ،، فالطير اللي يرى إن الملواح صيده وانها ممكن تختفي من أمامه يرتفع من أجل التوكيد ،، ،،، واذا كان يظن انها صيده ولاشافته فتلقاه يلقط لها الأرض مباغته

[أبوإبراهيم1]

اشكـــــــــــــــــــــــــــــ الجميع على التفاعل ــــــــــــــــــــــــــــــــــــــــــــــــــ ـــــــــــر

[رتقاوي]

السلام عليكم ورحمة الله وبركاته
ولا يهونون اخواني
من رايي ان الطير اللي لاقط القاع اسرع بالنسبه لوصوله الملواح ( بالنسبه للمسابقات)
والطير اللي يرقى بالعالي ما يحصل له مركز بالسباق
اعتقد انه هذا ما يقصده بوبراهيم
واخوي شبيب ذكر المواصفات النسبيه للطير من نظرته بالهوي من بعيد مثلا
واخونا المزروعي مانستغني عن خبرته بالنظره الشموليه .. بس على ما اظن انه مو هذا اللي يقصده بوبراهيم

[((السنياري))]

السلام عليكم ورحمة الله وبركاته



هل؟

الطير اللي يأتي في الدعو من بعيد تقريبا 2كم
مع الأرض غالبا أسبق في الهدد او الذي يكون متوسط الارتفاع او المنقط فوق
مع العلم ان الاجواء واحدة (يعني في يوم واحد)
ماهي آرائكم مع التحية.
الي يجي قاضب القاع اسرع من الي يرتفع

بختلاف الطيور فيه طيور من كثر ماهو قاضب القاع الموس والنايفه يحكن الارض وفيه طيور يرتفع يرتفع يرتفع لين ياصل للي يلوح ثم ينخرط لدرجت انك تتوهق وين تروح
حسب الي اعرفه

[الحر01]

يا اخوان الي مرتفع يكون اسبق بكثير من الي يطير مع القاع وشكرن

[سنجااار]

المفضل عند الصقاقير الطير الي يلقط الارض وهذا هو الاسرع وتحصل دائما بالقرانيس

ولا اوفق قلب شيب ان



- - اما الفروخ فهي اللي ترتفع في السما , وهذا هو الدارج في الطيور خاصه عند دعو الملواح .

وسلامتك .


ماهوصحيح ان الفروخ هو الي ترتفع فيه اكثر من فرخ هالسنه على الدعو يجيك لا قط الارض ومعنا قرناس وحش اذا دعيناه يجيك خطر ماينقط بكبد السماء
تقبل مروري بصدر رحب
سنجار

[الطبشي]

السلام عليكم . انا اشوف الطير الي يقضب الارض اسبق من الي يرتفع ....

[أبو فهد العيد]

تحياتي لك ياابو ابراهيم1.
اكيد ان الطير اذا قظب الارض . وصار يمسح, فهو اسرع لان مافيه هوى يرده..لكن الطير اللي يرتفع افضل واسرع في كلا الحالتين

[جارح العين]

اكيد الطير الي نازل اسبق

[بو هاشم]

اكيد الي مع الارض بيكون اسرع لانه مايواجه الهواء

[راعي شواش]

السلام عليكم - اذا على الملواح اكيد الي مع الارض بيوصل قبل . الملواح ماراح يطير لالالالالالالالا كن كانه على حبارى أو كروان الطير الي ما يرتفع مايونس راعيه ...

[قشاع الرمث]

السلام عليكم ورحمة الله وبركاته

ما فيه علاقة بين السبق والسوحله .

ولاكن اشوف الوحوش لافرخ ولاقرلاناس
غالبا يجن مرنفعات ولا اخذ له سنتين بيتي عرف
الشغله صار يجي مع القاع اسهل له.

[KAYD]

انا اشوف الطير الي يقضب الارض اسبق من الي يرتفع
بس انا مايطربني الا اذا شفته فوق
يعطيك العافية

[أبوإبراهيم1]

أشكر الجميع واسأل المولى ان تعم الفائدة

[ذراع الذيب]

المفضل عند الصقاقير الطير الي يلقط الارض وهذا هو الاسرع وتحصل دائما بالقرانيس


ولا اوفق قلب شيب ان



ماهوصحيح ان الفروخ هو الي ترتفع فيه اكثر من فرخ هالسنه على الدعو يجيك لا قط الارض ومعنا قرناس وحش اذا دعيناه يجيك خطر ماينقط بكبد السماء
تقبل مروري بصدر رحب
سنجار
[/center]
كلام سليمممممممم.