- - هل تهوى هدد الحمام - - لماذا !؟ --

[قلب ذيب]

ارحبو ا ياصقاقير .
- - فيما يتعلق بالحمامه وتدهيل الطير عليها وتقويه ورفع لياقة الطير من خلال الهدد عليها .
1 - الاتعتقد ان الطير المجرا على الحمامه يقل اقباله على الطرائد الاخرى ؟
2 - هل لحوق الطير للحمام السلم مقياس لسرعته وسبقه ؟
3 - غليت - - الطير من السياره والحبارى بعيد ! وقام يحوم على السياره ينتظر متى تهد الحمامه ! اليس ذلك عيب أكتسبه الطير من كثر غل الحمام له ؟
4 - اليس الكثير من الصقاره والغير قادرين على المقانيص البعيده من حقهم ان يتفرجوا ويستانسون على هدد طيورهم على الحمام ؟
في انتظار مداخلاتكم الهادفه .

[وَسَام!]

وبك البقأ يابو مرحبا وهذي اسئلتك واجوبتي من خلال تجربتي
1 - الاتعتقد ان الطير المجرا على الحمامه يقل اقباله على الطرائد الاخرى ؟
لااعتقد بشرط انه يعلم مثلا على الحبارى ويتجرأ عليها ويصيد بعده اعتقد مافيه اي مشكله
لكن في البدايه انا ضد انه يهد الحمام ولكن ينوع له الهدد على الطيور الكبار دجاج حبش فروخ الرومي اذا لم تتوفر له الحبارى للتعليم .
2 - هل لحوق الطير للحمام السلم مقياس لسرعته وسبقه ؟
بعض الاحيان لاء لان فيه طيور ماتطلب الحمام بتاتا او تطرده في بعض الاحيان طرد بسيط لايذكر ولكن الحبارى ياسلام سلم وهذا حدث امامي طير مايطرد الحمام ولا يلعب على الشلو ولكن يدعيه راعيه بانه
يطلقه ويلحق الموتر.وفي اغلب الاحيان نعم لان الحمام هو فعلا اللي يعطي الطير اللياقه صح.
3 - غليت - - الطير من السياره والحبارى بعيد ! وقام يحوم على السياره ينتظر متى تهد الحمامه ! اليس ذلك عيب أكتسبه الطير من كثر غل الحمام له ؟
لكل واحد تعليمه ولكن اذا كنت من اللي يهد والموترمسرع علم الطير على الحذف والحمامه مرتفعه او بعيده .
واكثر مانعلم بهذه الطريقه الشياهين لانها طيور الاوقات الحرجه . ومن اكبر الاخطاء انك تهد الطريده للطير من السياره وهو يشوف سواءا كان طاير او موقع وخصوصا الفرخ لانه خبيث ماينسى.
4 - اليس الكثير من الصقاره والغير قادرين على المقانيص البعيده من حقهم ان يتفرجوا ويستانسون على هدد طيورهم على الحمام ؟
نعم وهذا عادة في وقتنا الحاضر اللي يحصل فيه التحدي.طبعا واللي طيره مايلحق يقول طيار طيري مايزين
الا على الحبارى

[أبو رداد]

موضوع (مهم) سلمت ايدك يابو ماجد
لي عوده ان شاء الله

[المزروعي]

1 - الاتعتقد ان الطير المجرا على الحمامه يقل اقباله على الطرائد الاخرى ؟
ليس بالشرط !! على حسب كثرة الهدد على الحمامه

2 - هل لحوق الطير للحمام السلم مقياس لسرعته وسبقه ؟
نعم !! إذا الطير لحق الحمامه السلم أو حمام الدحول فهذا دليل على أن الطير فيه سبق فاحش !

3- غليت - - الطير من السياره والحبارى بعيد ! وقام يحوم على السياره ينتظر متى تهد الحمامه ! اليس ذلك عيب أكتسبه الطير من كثر غل الحمام له ؟
كلا !! العيب هنا في الصقار لأنه عود الطير عندما يرجع عن الصيده يحذف له حمامه !!

4 - اليس الكثير من الصقاره والغير قادرين على المقانيص البعيده من حقهم ان يتفرجوا ويستانسون على هدد طيورهم على الحمام ؟
ليس كل يوم !! فإن كثرة الهدد على الحمام يتعب الطير و حتى بعض الطيور لا تتقبل أي شي بعد الحمام و بالتالي يتعب الصقار مع طيره

و أخيرا شاكر لك هذا الطرح الجميل

[قلب ذيب]

وسام 11 مداخله جزله
ابورداد في انتظار رجوعك .
المزروعي شكرا لحضورك الصادق .

[فداع]

السلام عليكم مساء الخيرعلى الجميع مشكور اخوي قلب على الموضوع اسف على عدم الرد على الاسئله انا لا ارغب الهدد على الحمام لسباب كثيره منها فساد طيرالطلع

[جارح العين]

موضوع ممتاااااااز والله يعطيك العافيه

[قلب ذيب]

الاخ / فداع .
الله يحييك . انا ايضا لاأهد طيوري على الحمام ابدا , وسف تستغرب اذا قلت لك اني ماهد الشاهين لا على الحمام (ولا حتى الكراوين ) الابعد مايصيد الحبارى !!
- -لكن اعيالنا اليوم يهدون على الحمام لقلة الصيد , ولعدم ذهاب البعض منهم الي المقانيص البعيده .
جارح العين . شكرا لمرورك .

[نايف الخالدي]

هلا والله مشكووووووووووور اخوي على هالموضوع المفيد
انا مع اخوي وسام في كل الي قاله
والحمام يعطي الطير لياقه
بس كل شي يزيد عن حده ينقلب ضده
يعني كل شي بالمعقول الي يفيد ومايضر وانا اقصد كثره الهدد على الحمام

[قرناس حائل]

مساكم الله بالخير

صراحة موضوع مهم لكل صقار وأشكرك يا قلب الذيب على مثل هذه المواضيع

بالنسبة للحمام اعتبره من وجهة نظري الشخصية ( زين وشين )

زين من ناحية نعلم الطير للمراوغة والمناورات الصعبة لأن الحمامة أكثر مرواغة من الطرائد الأخرى

وايضا تزين نفسية الطير شوي لأنك لو ما تهدله حمام راح يمل الطير من الدعو وغيره

وفيه نقطة وهي تعود الطير على الأرتفاع بالحيل وشربه للهواء

اما سلبيات الحمام كثيره منها :
- تعود الطير على الحلة . - اذا هديت على حبارى وفيه حمامه ( مشكله )

- اذا هديت ما تمسك الطير الا بحمامه حية - كثر الحمام يخرب طلع الطير (طلع هواء فقط )

وأمور كثيره لا استطيع حصرها لكن التنويع حلو

وتقبلوا تحياتي

[قنيص غبر]

السلام عليكم ..

اولا كلام اخوي قلب الذيب مردود عليه ..
الحمام تكسب الطير لياقه اكثر عن التلواح او الملواح .. بعدين انا اسير عند جماعه صقاقير والهم مكانتهم في البلاد معروفين بالصقاره .. وعندهم طيور كثار من بيور الى الشاهير والجير و و و .. وهم يفضلون الحمام كثير . لان الحمام يجري الصيد علا المناوره والهدد فالعالي .. وانا يا خوي مابشتري طير غالي عندي وثاني يوم بهده على حباري .. لازم اجريه اول شي علا حمام ثم اكبر ثم اكبر ولاهي بعيب الواحد يهد على الحمام .. هنا في النهايه ينعرف الصقار وكيف يعلم طيره ..
هدد الحمام يكون مره او مرتين في الاسبوع ..
ثاني شي تبتدي من حمامه مشلول عنها ريش لكي يتعلم وكل يوم اتقلل في نتف الريش ... واكبر غلط ان اذا ماطلبها الطير ورجع تعلفه .. حتا يتعلم الطير ان الهدد هو عشاه فقط . وانك ماتهد من سياره ...
ولازم انك تعطيه من الحمام اذا صادها . لنه في من القاقير يخاف علا طيره ويعطيه فري .

فالاخير يا جماعه وكلنا لازم نعترف . انه مجرد الواحد يسير المدعى مع ربعه واصدقائه هي في حد ذاتها رحله يوميه .....

فالاخير يا قلب ذيب .. نحنا نسير مقانيص وطيورنا نهدها علا حمام قبل لا نسير . وتفع فعل الله يبارك فيها ..
والصقاره فن .

والمعذره

[501]

بك البقاء يا ابو ماجد:
انا من الي لا يويد الهدد على الحمام اكتفي بالدعو من طعس الى طعس
بملواح جنحان حباري وشرط اني اذبح الحمامه واعلقه قبل لا يقبل
على التلواح.
واكتفي بشقلبة الطير ثلاث اربع الى السبع

وتقبل مروري ,

501

[أبو فيصل]

موضوع ممتاااااااز والله يعطيك العافيه يابو ماجد مدهر ما شاء الله

يكفي رد وسام11 كفى و وفى و تراني توني طحت في هدد الحمام ذالسنه و جاز لي مره والطير اللي ما ينومس في هدد الحمام وأنت منتب قانص برّا للحباري الواجد بعههههههههههه في السوق على اللي مثلي سابقآ <<< حلوه سابقآ قبل ما نطيح في الحمام

[قلب ذيب]

نايف الخالدي : كلامك عين العقل والاختلاف وارد و وهذا مانبحث عنه .
قرناس حائل : الله يحييك اثمن مداخلتك الجزله .
قنيص غبر : احيي ردك , ولم يكن هناك قصد في ان من يهد على الحمام لايذهب الى المقانيص البعيده , أكثر من يستخدم الحمام , وفي أكثر الاحيان لاتعرف طيورهم الملواح هم الاخوه في قطر , ومع ذلك مقانبصهم بعيده
وصيدهم جزل وخوتهم طيبه !
شكرا لك والوعد في صبخة الصرامي في الصقري ( ثرك من راعي الشارات ) هههههههههههه !!
501 : ارحب انت خويي ------ وينك في الصفري .

[قلب ذيب]

ابوفيصل الله يحييك .
- - يعني عندك هدد وتحدي بعد الربطه ههههههه
جايينك . وينك فيه ؟
عند نقلة الطير , وفيه جائزه .

[أبو فيصل]

هلا و غلا واذا وصلت حول أبو معيض أو النشاما اللي أنت خالهم في طرف البيضاء تراني حولك بس الوقت الفاضي لك عليه علشان كذا ردينا على الحمام

[المان العرب]

مشكور ياقلب ذيب على موضوع الطيب
وراي من راي اخوي 501 عزالله تريح من وجع الراس ادعه بشلو وشقلبه كم مره وقنص وباذن الله الحبارى ماهي رايحه انكان طير طيب هههههههههههه
تقبل مروري

[قلب شاهين]

مشكور على الموضوع وأستفدنا الحقيقة ،،

تحياتي / قلب شاهين ،،

[طيرحوران]

مشكور يابو ماجد على الموضوع
بالنسبه لي
الطير اللي يلعب على الشلو ولا يضايقك الاعبه شلو ولا اهده على حمام الا إذا كان فيه تحدي او صرت مالي نفس بالملواح فكيت له حمامه
الشياهين والجيره حمام اغلب الوقت
بالنسبه للفروخ سواء حر او جير او شياهين
افضل انه مايشوف الحمام إطلاقا الا بعد مايذبح من الروض حبارى والتبوع كراوين
وهذا ماحصل لي في الموسم الذي فات جير شاهين تبع صرات شغلتي افك له حمام علشان اشوف جناحه وفي الأخير ذبحني ماصاد من الروض كراوين وكلها بأسباب كثرة هدده على الحمام فقط
وبعت مافات الفوت جبت دجاج وبط وصرت افك له
لكن انشاءالله متوعد نفسي على اول النقله مايشوف الحمام الين يضري على صيد كل شيء قدامه
واشكركم جميعا

[الطبشي]

وبك البقأ يابو مرحبا وهذي اسئلتك واجوبتي من خلال تجربتي
1 - الاتعتقد ان الطير المجرا على الحمامه يقل اقباله على الطرائد الاخرى ؟
لااعتقد بشرط انه يعلم مثلا على الحبارى ويتجرأ عليها ويصيد بعده اعتقد مافيه اي مشكله
لكن في البدايه انا ضد انه يهد الحمام ولكن ينوع له الهدد على الطيور الكبار دجاج حبش فروخ الرومي اذا لم تتوفر له الحبارى للتعليم .
2 - هل لحوق الطير للحمام السلم مقياس لسرعته وسبقه ؟
بعض الاحيان لاء لان فيه طيور ماتطلب الحمام بتاتا او تطرده في بعض الاحيان طرد بسيط لايذكر ولكن الحبارى ياسلام سلم وهذا حدث امامي طير مايطرد الحمام ولا يلعب على الشلو ولكن يدعيه راعيه بانه
يطلقه ويلحق الموتر.وفي اغلب الاحيان نعم لان الحمام هو فعلا اللي يعطي الطير اللياقه صح.
3 - غليت - - الطير من السياره والحبارى بعيد ! وقام يحوم على السياره ينتظر متى تهد الحمامه ! اليس ذلك عيب أكتسبه الطير من كثر غل الحمام له ؟
لكل واحد تعليمه ولكن اذا كنت من اللي يهد والموترمسرع علم الطير على الحذف والحمامه مرتفعه او بعيده .
واكثر مانعلم بهذه الطريقه الشياهين لانها طيور الاوقات الحرجه . ومن اكبر الاخطاء انك تهد الطريده للطير من السياره وهو يشوف سواءا كان طاير او موقع وخصوصا الفرخ لانه خبيث ماينسى.
4 - اليس الكثير من الصقاره والغير قادرين على المقانيص البعيده من حقهم ان يتفرجوا ويستانسون على هدد طيورهم على الحمام ؟
نعم وهذا عادة في وقتنا الحاضر اللي يحصل فيه التحدي.طبعا واللي طيره مايلحق يقول طيار طيري مايزين
الا على الحبارى



السلام عليكم.... انا اوافق كلام اخوي وسام 11

[بو هاشم]

والله اهوى هداد الحمام اذا كان بشتري طير ابي اشوف سبقه
او اخر الوقت عشان الكراوين

[أبو رداد]

1 - الاتعتقد ان الطير المجرا على الحمامه يقل اقباله على الطرائد الاخرى ؟
الاجابه سالفه طويله ههههه اختصرها بنعم ولا
نعم اذا كان الطير جديد ولم يكسر الحاجز مع الطيور الكبيره
ولا بالنسبه للطير القانص ويعرف صيده زين
وهذه المساله نسبيه وليست عامه
2 - هل لحوق الطير للحمام السلم مقياس لسرعته وسبقه ؟
نعم مقياس لكنها نسبيه
بعض الطيور السبق ماتعرف الحمام ولاتجهد نفسها عليه
(لان راعيها مارغبها فيه) وتلاقيه من اسبق الطيور في المقناص
3 - غليت - - الطير من السياره والحبارى بعيد ! وقام يحوم على السياره ينتظر متى تهد الحمامه ! اليس ذلك عيب أكتسبه الطير من كثر غل الحمام له ؟
نعم عيب لكن العيب في صقارة الصقار وليس من هدد الحمام
4 - اليس الكثير من الصقاره والغير قادرين على المقانيص البعيده من حقهم ان يتفرجوا ويستانسون على هدد طيورهم على الحمام ؟
نعم من حقهم
وأضافه لذلك للحمام فوائد في التدريب
منها يعلم الطير الصمله ويقوي المناوره
ويعلم ويرغب الطير في التعليق وصيد الطيار
ويشد عضلات الدعو مايشدها
,,,
هذا الكلام مايعني ان نترك التلواح
او التعليم على طيور اكبر
(وكل شي يزود عن حده ينقلب ضده)
عن نفسي (وكل صقار بصقارته راضي) هههههه
الطير الي اريد اتعب عليه
يوميا هدد على حمام او بط او صلال او المتيسر
واعطيه نسير من صيدته واريحه نصف ساعه الى ساعه
وبعدها دعو بتلواح خالي واعشيه على تلواحه
وسلامتك

[قلب ذيب]

الله يحييكم جميعا
عزالله انكم اثريتو الموضوع بمداخلاتكم الايجابيه , كل المداخلات طيبه وكلكم صقاقير اسعدني تواجدكم وردودكم
وتواصلكم الصادق .

[قشاع الرمث]

السلام عليكم ورحمة الله وبركاته

الحمام زين بعد ما يكسب الطير لياقه
مره او مرتين بالاسبوع . عشان يطرد الطير
وصقاره يشوف جناحة .

ولاكن لازم مايهد على حمام اقوا منه عشان ما يتعود يفلس .
ولا يهد له الحمام من الموتر عشان ما يلاحق المواتر.

ومشكور على اثارة الموضوع .

[ذراع الذيب]

انا مع اي عضو جاوب
والله يعطيك العافيه........