عندي مشكلة في طبلون الباترول 2004

[الفذ]

عندي مشكلة في طبلون الباترول 2004 سوبر ! ؟

الطبلون زنون :D

المشكلة ان امبير البانزين ما يتحرك الا الى نصف الامبير

يعني اذا وصل النصف تراه خلص البنزين !

وأيضا ما يحول من التانكي الصغير للكبير مادام اللمبة شغالة :mad:

ولا أقدر أطفيها الا بفصل البطارية :confused:

ثم تنطفي وبعد أيام ترجع وتولع :no:

رحت لعدة كهربائيين ولاأحد منهم يعرف لها :j

اللي عنده لها حل يتحفنا به :)

جزاه الله خيرا

[ابوعقل]

وده للوكاله فحص

لا يلعبون عليك الورش تاراهم نصابين

يخلونك تغير قطع وهي سليمه

وده الوكاله

[مساير الليل]

http://www.mekshat.com/vb/showthread.php?t=136877


شف هالرابط يمكن تلاقي حل للمشكلتك

[كروزيا وبس]

انا ما اعرف في الباترل شي

ملاحضه:ليش كل الناس في المنتدى يشتكون من الباترل

تبغا النصيحه:اشتر ربع تيوتا

تحياتي/

[باترول للأبد]

^
^
^
^
ههههه الواحد لأختربت سيارته على طول يبدلها

[بن درويش]

البترول مايحول من الثانى لين الرئيسي هاى الفيوز خربان وده الوكاله احسلك

[الفذ]

مشكورين لكن الرابط لمشكلة الطرمبة للباترول العادي كما فهمت

ولكن عندي أنا فتك والمشكلة ان لمبة sub tank تولع وبعدها ماأقدر أستخدم التانكي الاحتياط

وأيضا امبير التانكي الأساسي مايتحرك الا الى النصف

أكرر

شاكر مروركم وردودكم

[Magellan]

أتذكر قديم إن واحد أعرفه صار له حادث وغيّر تانكي البنزين
يقول إنه إذا وصل للربع معناته السيارة تحتاج التزود بالوقود
إكتشف الخلل من تبديل التانكي بآخر أصغر ...
هذا شيء ،،
الشيء الآخر المشكلة تكون بالعوامة ماترسل معلومات صحيحة يعني خربانة
ويحدث كثيرا لو عبيت من محطة بشكل سريع وبصورة متكررة ممكن يخرّب العوامة

[ابونايف الروقي]

مشكلتك في الكتاوت والرابط حق مساير الليل صحيح

[NSS]

حياك الله اخوي,, ان واجهت نفس المشكلة بالضبط وان شاء الله الرابط يفيدك

http://www.mekshat.com/vb/showthread.php?t=135325 (http://www.mekshat.com/vb/showthread.php?t=135325)

[الفذ]

مشكور أخوي على المعلومة

أرجو منك أن ترسل لي رقم جوال الكهربائي لوتكرمت ومكانه على الخاص

أبغى أتصل فيه وأسأله عن الخلل اللي عندي

ولك شكري ودعائي

[NSS]

طال عمرك الكهربائي موجود بالكويت,,,,,

[سوبر VTC]

عسى الله يعينك على حل مشكلتك فيه الكهربائي العثيم في بريده عنده خبره بالباترول اذا احتجته ارسلك رقمه،،،،،،
احد الاخوان يمزح يقول ( غير الكفرات و يزين );) ;)

[الفذ]

أشكرك أخي سوبر

والله يمكن من الكفرات

لانهن لجة ويفشلن باصواتهن

كفرات دنلوب بصراحة عيبها الاصوات اللي يطلعها

[ابوشجاع911]

انا ماني مهندس بس عندي شعور ان الخلل من الزار الكهربائي اللي تضغطه عشان تبدل بين التوانك غيره اصلي وشوف !

[gsb]

اتوقع مشكلة كهرب بسيطة جدا بس تبي كهربائي فني جدا (حقيقي غير متلقف على الشغلة ومتعلم عندنا) يا كتاوت يافيوز اوماشابه (كهرب)

* متى بدت تظهر عندك المشكلة هل قبل ظهورها غيرت شيء فكيت شيء ؟

[الفذ]

يبدو أن المشكلة تتكرر كثيرا في الباترول اللي طبلونه زنن

والمشكلة موجودة في السيارة من قبل ما أشتريها

ويمكن تكون من الطبلون

ماأدري بالضبط

[الفن تايم]

السلام عليكم
انا عندي نفس المشكلة لكن التانكي الاسبير تمام ...المشكلة بأن عداد البنزين الرئيسي يلخبط .. ويخلص البانزين والامبير على النص.. وبعض المرات يصير تمام خاصة اول ما اشغل.. المهم ولا اطول عليكم رحت لاثنين من المعروفين بالكهرباء (العثيم ـ ونسيت الثاني) وقرروا كلهم ان المشكلة هي(( المعالج حق الطبلون )) ولا احد يصلحه.. والمشكلة فقط في طبلون الزنون.. وان الحل الى الآن هو تغييرر الطبلون.. والله يعيننا اجمعين على نيسان ومصعهم لارقابنا..

[gsb]

ترى نوب الشغلة اتفه مما تتصور يمكن غبار يسوي المشاكل هذي.

كمان سؤال لأصحاب البترول السفاري الي يعانون من المشكلة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

هل سياراتكم شد بلد الكهرب ولامركبين اضفات كشفات (اكباس)
محولات بطاريات اضافية انوار زنون غير الوكالة ونوش ثلاجات مراوح كهرب واي اجهزة كهربائية اخرى؟؟؟

احذروا العبث بالكهرب والتركيبات الي مالها فايدة غير المشاكل

قد تكون السيارة بحالة جيدة بعد تجهيزها بفترة بس بعدين تظهر المشاكل

والسبب العبث ماهو زين الكهربائيين عندنا ماشاء الله احسن من كهربائيين شركات اليابان .

[Black VTC]

المشكلة عندي من زمان sub tank والوكيل يقول يبي له طبلون جديد ... هذا باختصار حل المشكلة ....

[فزاع النعيم]

السلام عليكم ورحمة الله وبركاته
مشكلتك صادتني وغيرت طرمبه اول شي وبعدين عوامه واخر شي فكيت طبلون خويي وركبته وطلع المشكله بالطبلون ووديته عند واحد بالخضرية متخصص بالطبلونات ولقى الايسي محترق وغيره والحمد الله

[التعـ King ـديل]

للرفع والنفع اذا صادفتك نفس المشكله تودي السياره عند كهربائي متخصص نيسان

امثال ابو صالح التركي وسليمان الخطيب وابو ابراهيم الثنيان بالرياض

او العثيم بالقصيم

والشغله ابسط من ماتتصور زي ماقال اخونا فزاع النعيم اي سي بالطبلون يتغير وترجع السياره زي ماكانت

انتبهو من الكهربائي اللي يتعلم ويخليك تفكك نص الموتر بلا فائده

[ابوسند9]

الحل بها الرابط وب 70 ريال
http://www.mekshat.com/vb/showthread.php?t=626819
بلا عثيم بلا تركي كلهم استغلال في استغلال والشغله ما تاخذ دقيقتين و ب 500 ريال حسبي الله عليهم