قررت اشتري ام خمس وش الأفضل؟

[برادو97]

السلام عليكم ورحمة الله وبركاته

قررت شراء ام خمس وانا محتار بين إكستريما2 و سوبر بلاك ايقل 2 وش الأفضل من ناحية الوزن والدقة في التصويب وقوة الإرتداد,,, انتظر من اخواني المشورة والنصيحة،، وبارك الله في الجميع.

[ابوفهيدان]

رخيص خذ البيكال
غالي خذ البنيللي ام 2
وسط خذ براوننج

[سسته]

مدامك تقدر على الاكستريما ... ليش تشاور .... شيخه الشوازن ...

انا جربت البيكال والبراونق و سوبر بنلي وحاليا معي اكستريما

ابعطيك بالافضل :
الاكستريما ........ والله لو تشتريها والله منتب متحسف
البراونق ........
سوبر بنلي ......
البيكال .... والله لايحدك عليها ..... ( الرخيص مخيس ) ... لاحد يجيك ويقول صناعتها روسية ... روسيا اشتهرت باسلحة الحرب وليس اسلحت الصيد .... والله الموفق .

[ناصرأبونواف]

وعليكم السلام ورحمة الله وبركاته
أخي أنت طلبت النصيحه
خذها من أخوك لن ولن ولن تجد أحسن من البرتـــا إكستريما 2من جميع النواحي
لأنك لوأخذت البراونق القديمه فهي كثيرة الإعطال وتحتاج إلى صيانه ونظافه بإستمرار
ولوأخذت الجديده فيأتي منها أربع أنواع أرخص نوع بثمانية ألآف ريال رغم تحفظي على
بعض الملاحظات التي وجدتها فيها
لو أخذت بانللي M2 ستجد أن البانللي إيقـل 2 أحسن منها بس تحتاج إلى ترهيم الماصوره
ومعروف أن قيمة البانلي إيقل2 لن ينزل سعرها عن تسعة ألآف ريال وترهيم الماصوره أربع آلآف ريال
تطلع خسرانه الدعوه رغم تحفظي على الترهيم
أتمنا أن أكون مساعدآ لك في إبداء النصح
وفق الله الجميع

[عشه83]

الله يرزقك الطيب .... الله والعالم أن الاكستريما 2 الافضل حسب راي الاغلبيه.....بالنسبه لي البيكال مكفيه ومفيه بالغرض ورافعت راسي أفكر أخذ واحده ثانيه خشب .... وتقبل مروري

[ردن]

سوبر بنللي بلاك ايقل 2

:good: :good: :good:

[جساس.]

اكـســـتـــــــريــــــــمــــــــــــا
بلا منازع

[يوسف 206]

خذ سوبر بانلي سوبر بلاك ايقل 1 او 2 لك وللزمن البندق سلسه وخفيفة وزن ولا تخرب وقابله للترهيم لانها ماهب غازيه واذا ماملت عينك بالرمي وانت تقول ماني مرهم حط توصيله صفر

[الرادار الاسود]

اكستريما 2

وبس

[برادو97]

ابو فهيدان
سسته
ناصر ابو نواف
عشه83
ردن
يوسف206
الشروكي2
شاكر لمروركم الكريم وجزاكم الله خيرا,,,,,
وهل الإكستريما2 تأتي مموهة و28 بوصة ام لا؟؟؟؟؟

[ناصرأبونواف]

أولآ يا أخي العزيز/ برادو97
لا شكرآ على واجب
ثانيآ /الإكستريما 2 تجي 30 إنش وهذي ميزه من مميزاتها
ثالثآ / نعم يأتي مموه نوعين وجدآ جميله
ولاكن لا أنصحك بالمموه لأن التمويه في جميع السواجن معموله بواسطة الرش وتداخل عدت ألوان
وتعلم أن راعي الصيد وتنقلاته من مكان إالى آخر وإحتمال تعرض البندق للخدش وارد ولوتعرضت
البندق لخدش يصعب عليك إعادتها كما كانت بالنسبه للمموه ولاكن لوكانت سوداء بنفسك تستطيع
رشها هذا ما أحببت إطلاعك عليه والله يوفق الجميع

[سسته]

لاشكرا على واجب .... انت خذ الاكستريما 2 وفشق كاكا 36/6 ...
شرط ... مايمديك ترفع الشوزن على الشجرة الا والقميري اللي فية طااااااايح من الهيبة مهوب من الرمي ....

وميزة ثانية في الاكستريما 2 : انها مهيب اي شوزن .... والله انك تسطي تنزلها عند الرجاجيل ... اجل تنزل ببيكال .... دور ناس كاشتين وخذ الاكستريما ونزلها وسندها على الباب ... كل واحد يفق خشتة على طووول
يكفيك انها برتا ... وبالك بس تقول بيكال ولا سوبر بنلي ...

[الرادار الاسود]

الاكستريما ليست مموهه وانما مشجره ( صورة اعشاب مجففه وسنابل وغيرها)
التمويه يكون مثل الالوان الجيشية

http://www.alganasah.com/test/up/a1/IG_0091.JPG

http://www.alganasah.com/test/up/a1/IG_0093.JPG

http://www.alganasah.com/test/up/a1/IG_0094.JPG

http://www.alganasah.com/test/up/a1/IG_0095.JPG

[صامل الهدات]

سوبر بنللي بلاك ايقل 2



:good: :good: :good:


سوبر ورهم وريح راسك

[الحمض]

على قدر لحافك مد رجليك

[راعي البندق]

سوبر بنلي و بسسسسسسسسسسس

[alm7b-01]

ما شاء لله شكلها طيب

[مالقيت نك]

اهم شي لاتقرب البيكال ..
يبيله تنظيف على طول ورميه بارد
خذ البرتا اكستريما 2

[؛؛المزيون؛]

السلام عليكم
اخوي برادو 97
عليك باسوبر بلاك ايقل2
انا عندي احسن من البرتا لان البرتا يجيك الحاضن طويل زي البيكال وشكلها مايشد الانتباه اما البنلي تحفه وتصميمها تحفها اذا شريتا بس اقعد تخيل فيها
وبعدين فيه بعض الاعضاء يقولون السوبر يبغالها ترهيم ليه ياخوي ترهيم يعني بتكونو احسن من الايطاليين بعدين يمكن اذا رهمتها تنفجر فيك واذا انفجرت بتقول انت اكيد انفجرت من الترهيم اللي ماله داعي يجوون يقولون لك لا اكيد من سوء الاستعمال ويبدو عاد يطلعو لك من الاعذار اللي مالها اي صلاح ياخوي اذا شريت اشر سوبر بلاك ايقل2 ولااحد يهمك واذا كانت على الرمي مافيه احسن من رميها .
سلام..

[EFI.4500]

شف اخوي لاتتعدى الكستريما2