أبشركم يا الغالين !!!

[أبو فهدالقناص]

أبشركم ولدي تعلم على سكتون قوته 27 ويعرف يصوب وكل شيء وش رايكم أزعجن يبه أبي غير السكتون 27 أنا كبير خلاص .. وش رايكم وش أشري له ؟؟:D

[صقر20]

مبشر بالخير يبوفهد الله يطول بعمرك على عمل صالح
ويحفظ لك ذريتك ويوفقهم
(ينقل لخيمة أدوات الصيد)

[سلطان ال حسيان]

ماشاء الله
الله يصلحة ويقر عينك بصلاحة
رايي انك تعودة الحين على27 لين يحترف ال27 بشكل كامل واذاكبر شوي
عطة 80 ولايقرب الحين الشوازل الى اذا كان امام عينك فقط

[طحنون]

خلاص يالحبيب
طلعله عيار 50 اخر موديل
اللي يركب على السيكل











لاتزعل يالحبيب مجرد مداعبه
كمل جميلك وعلمه ركوب الخيل
والسباحه
وعلوم الرجال
رزه في صدر المجلس وخله يسولف مع الرجال النشامى
يتربى بعزك ان شاء الله
وتشوفه في اعلى المراتب

[F J]

لا يرمي بالشوزن والا بتجيه عقدة من السلاح


الله يحفظه ويخليكم له

[بارود برنو]

أبشركم ولدي تعلم على سكتون قوته 27 ويعرف يصوب وكل شيء وش رايكم أزعجن يبه أبي غير السكتون 27 أنا كبير خلاص .. وش رايكم وش أشري له ؟؟:D




سبحان الله ماشاء الله تبارك الله في يوم وليله تعلم........... اشك يابو فهد ان السلاح لك .... والحساب على المدام :D



لكن اشترله ......... خرازه ..... وبعدها ........ شوزن ........... وبعدها قله .... دراستك اولي من الصيد



ههههه عاد اعذرنا يابو فهد الساعه الان 20\1 مساء ...... مسموح قطع الاشارات :)


تحياتي لك

[راعي بيشة]

خذ له آر بي جي

ترى زين للدخل هههههه


يا خوي تو الناس ما أمداه

[ابو سفيان]

تبيه ينسى الشوزن اعطه شوزن ام حبه وخله يرمي بها دسته 25 طلقه يعني ينسى شي اسمه شوزن وعلى ضمانتي ويكون في علمك مو على شان اتقن الرمي في اهداف رح يصيد طيور يمكن يصيد عين واحد ولا خشمه التدرب مو خذ البندق ورمي التدريب لو خرجت لصيد ورح يصوب وش يكون ورى هذا الصيد يمكن ادمي يمكن حلال والمنتدى عندك ابحث فيه وتجد قصص مبكيه ارجو الحذر ألا هل بلغت اللهم فشهد

[المزروعي]

الله يبارك فيه و فيك ويجعله قرة عين لك . كل شي إلا الشوزن أبعده عنها لأن ما لها أمان أبد . و الله الشوزن السلاح الوحيد إللي ما أرتاح له و لا أدري ليش !
يا أخي ما في سلاح أسهل من السكتون و يرمي كل شي .

[أبوقزاز]

اقول طقله ام خمس اكستريما2ماترجف وصيد انت وياه

بس خله ينتبه مره

وان شاء الله ماعليه الى العافيه


لاكن وش نوع الصيد الي بيصيده؟

[محمد الفهيد]

السكتون 27 ايام لها كانت هديه من الشيبه الله يطول عمره قبل 17 سنه والى اليوم عندي موجوده احيلت للتقاعد بس نظيفه
تعلمت عليها بس في النهايه لها متعه
نصيحه حوله على الطيور
هههههههه

[sami2003]

اهم شيئ واهم شيئ واهم شيئ واهم شيئ واهم شيئ ان لا يكون هذا على حساب دراسة ومستقبل الولد لان اليوم المرجلة ماهي القنص والكشتات المرجلة والفلاحة هي النربية الصالحة والتحصيل العلمي حتى يكون الولد قادر على تكوين نفسة والحصول على اعلى الشهادات وباالتالي على الحصول على وظيفة .
هذا الاهم في زماننا هذا وطبعا لاباس في تعليم الولد الصيد والسباحة وركوب الخيل كما ورد في الاثر .
تحياتي .

[بندر10]

الله يصلحه ويخليه ذخر للمسلمين ووالديه

على طووووول شوزن تماتيك ترى الطيور هاليومين صايره نشيطه مايطيحها اي شي ومركبه حساسات ولذالك خل الشغل من اوله حامي لجل حتى ولو طارت يجيبه باذن الله
( اول القميري ما نمد عليه الشوزن الا اذا كانت مجموعه هالحين الله لا يبلانا مانرميها الا طيار ماهي حرفنه من قلهن وحذرهن وخوفك لا تضيع )