ابي ادخل البحر ومعلوماتي عن البحر صفر

[تساقط المطر]

السلام عليكم اخواني
انا عندي نية اشتري طراد مستعمل وادخل فيه البحر للنزهه والصيد بالخيط وحقيقه ماعندي اي معلومه عن البحر لا من ناحية تقلباته ولا عندي معلومات عن السمك الا سعر الكيلو وبعض انواعها ولا اعرف شي عن التعامل مع ماطور الطراد من ناحية الصيانه ومشاكله المتوقعه ومستحيل ادخل البحر وانا صفر بهالمعلومات اخوان ابيكم تشيرون على اذا فيه ناس يدربون على دخلت البحر في الخبر او الدمام او نوادي مختصه تعطي دروس بهالشغله ولكم كل الشكر

[الوافي السابع]

اخي العزيز

كلنا فالبدايه كنا صفر ومع مرور الوقت والايام والسنين تعلمنا
وبصراحه البحر يخوف واللي يبي يدخل هالعالم لازم يقوي قلبه لانه رايح يشوف ايام سود
انا ما اخوفك بس انصحك قبل ما تتخذ القرار لازم تجلس مع اشخاص ذو خبره عاليه بالعربي نواخذه
وهم ينصحوك بكل شي
اتمنى لك التوفيق
دمت بود

[jwan]

اه اه اه ا ه اه يا بحر

الله يوفقك ويسر امرك اسمع البحر لو كان انسان لجالسته طوال حياتي


كبداية تعلم من اخوانك الي في المرسى واسئل والسؤال ماهو حرام كلنا كنا مانعرف شئ بلبحر وصدقني كل ما احببت البحر البحر يعطيك ويعطيك الله كل الخير

[هاوي صيد]

نصيحتي لك اول شي شف احد تدخل معاه البحر من الصيادين وجرب البحر وكيف دوار البحر وصدقني كنت ناوي اشتري طراد وهونت لما دخلت مره واحد فقط 1= كان وقت دخولنا للبحر غلط كان الموج عالي وفيه هواء2= الشخص اللي دخلت معاه البحر ماهو خبير بمواقع الصيد 3=اهم شي التوكل علا الله ثم يكون معك شخص خبير وتعرف رقم خفر السواحل لو لاقدر الله تعطلت تتصل فيهم ويكون معك ماجلان للتحديد مكانك بسهوله والله يوفقك

[الخييلي502]

اشهد انك جبتها عالجرح
وانا والله ياخوي تساقط المطر ودي اجرب البحر .. بس مشكلتي خواف ولاني براعي بحر وصيد
ومالي خبره ابـــــد
الا وش رايك ندور لنا واحدن خبير ونخاويه

(( اضم صوتي لصوتك))

اخوك:الخييلي502

[( ابو تركي )]

أهم حاجة لا تروح لوحدك وخليك مع الشباب المتعلمين ولا تستعجل وإنشاء الله تستمتع

[بو علي العلوي]

الله يوفقك وإن شاء الله بعد فترة نلقاك حوات كبير تقبل تحياتي

[عاشق تالا]

صيحه لوجه الله
تحتاج من 5 الى 8 طلعات مع نوخذه تتعلم فيها على صيانة المكينه وطرق اصلاحها
وكيف تتعامل مع الجو وكيف اذا دار الهوى بشكل مفاجىء
الاتصال بالارصاد ومعرفة سرعة الرياح
اماكن الصيد والتعامل مع الجي بي اس
بكل صراحه البحر غدار وانا ما اخوفك
مثل ماقال اخونا الوفي السابع
بس بعض الاوقات تمر على الواحد لحظات سوده الله العالم فيها
وفي نصيحه لاتستخسر ريال واحد في امور السلامه او اثناء شراء القطع الاصليه وكن شديد الحرص في الصيانه الدوريه على الطراد
ربي يوفقك ويحفظك ويرزقك من واسع فضله
تحياتي لك

[AL-QAHTANI77]

السلام عليكم ورحمة الله وبركاته

طويل العمر مثل هالامور تحتاج خبرة واجتهاد في نفس الوقت

فلازم انك تروح وتجي مع ناس لها خبرة ومتمرسين

لان في البحر ظروف مايعلمها الا الله وحاول انك تسئل عن كل كبيرة وصغيرة

مافيها شي لان احنا تعلمنا من الصفر ولين الحين نتعلم

على سبيل المثال سمكة ضربت على خيطك لازم تعرف وشهي هالسمكة وتشلون تشل الميدار عنها

مكينة اختربت لاقدر الله دار هوا شخص انصاب لاقدر الله لازم يكون حسن التصرف موجود

والله يوفقك ياخوي ونشوفك نوخذه أد الدنيا ونشوف صيدك

دمت بحفظ الله ورعاه

[سداح الاول]

هلا
انا انصح انك تسوي مثلي
انا طلعت كذا مره مع الشباب في طرادهم
لين حبيت البحر ورحت شريت واحد لحالي
بس نصيحه لا تطلع وحدك

بس اهم شي انك ما تخاف داخل البحر

[تساقط المطر]

اخي العزيز

كلنا فالبدايه كنا صفر ومع مرور الوقت والايام والسنين تعلمنا
وبصراحه البحر يخوف واللي يبي يدخل هالعالم لازم يقوي قلبه لانه رايح يشوف ايام سود
انا ما اخوفك بس انصحك قبل ما تتخذ القرار لازم تجلس مع اشخاص ذو خبره عاليه بالعربي نواخذه
وهم ينصحوك بكل شي
اتمنى لك التوفيق
دمت بود
اخي العزيز الوافي ياليت تقولي شنهي اصعب المواقف الي يمكن تمر على الواحد وهو في البحر وتخلي يومه اسود غير تعطل المكينه؟

[تساقط المطر]

اه اه اه ا ه اه يا بحر

الله يوفقك ويسر امرك اسمع البحر لو كان انسان لجالسته طوال حياتي


كبداية تعلم من اخوانك الي في المرسى واسئل والسؤال ماهو حرام كلنا كنا مانعرف شئ بلبحر وصدقني كل ما احببت البحر البحر يعطيك ويعطيك الله كل الخير
اشكرك عزيزي جوان كلامك حقيقه يطمني لان صراحه خايف ان سالفة شراء الطراد وخسارتي عليه تكون حماسه وقتيه يعني اطفر بالبحر شهر شهرين وبعدين اهد الطراد ويابوزيد ماكنك غزيت وتروح فلوسي على خالي بلاش لان صراحه ناس خوفوني من هالشغله وخاصه اني زرت مرسى في المنطقه الشرقيه ولقيت اكثر الطراريد الي موقفه برى المرسى مغبره وكفرات التيادر حقتها مبنشره وسئلت واحد في يشتغل في المرسى قالي كثير من اصحاب الطرادات اول ماشروها قعدو شهر في البحر وبعدين ملو وتركوها موقفه زي ماتشوف عموما اشكرك عزيزي جوان ولا توصي حريص هذا انا قاعد اسئل وماخليت احد من الي اعرفهم عنده طراد الا وأذيته بالسؤال

[تساقط المطر]

نصيحتي لك اول شي شف احد تدخل معاه البحر من الصيادين وجرب البحر وكيف دوار البحر وصدقني كنت ناوي اشتري طراد وهونت لما دخلت مره واحد فقط 1= كان وقت دخولنا للبحر غلط كان الموج عالي وفيه هواء2= الشخص اللي دخلت معاه البحر ماهو خبير بمواقع الصيد 3=اهم شي التوكل علا الله ثم يكون معك شخص خبير وتعرف رقم خفر السواحل لو لاقدر الله تعطلت تتصل فيهم ويكون معك ماجلان للتحديد مكانك بسهوله والله يوفقك
اشكرك عزيزي هاوي صيد الله يجزالك الف خير على نصايحك الطيبه

[تساقط المطر]

اشهد انك جبتها عالجرح
وانا والله ياخوي تساقط المطر ودي اجرب البحر .. بس مشكلتي خواف ولاني براعي بحر وصيد
ومالي خبره ابـــــد
الا وش رايك ندور لنا واحدن خبير ونخاويه

(( اضم صوتي لصوتك))

اخوك:الخييلي502
اشكرك اخوي الخييلي البحر من اسمه يخوف شلون تصير في وسط البحر ولا عندك احد يمر عليك اذا تعطلت اكيد يخوف لكن ماراح يصيبنا الا ماكتب الله لنا والخطر متوقع سواء انت في البحر ولا البر وصراحه انا مخطط اقعد سنه اباري السيف حتى امتلك شوية خبره تساعدني في مصارعة اهول البحر(الي يسمعني يقول بيروح للمحيط الهادي) وبالنسبه لخوتك والله اتشرف وياليت نلقا واحد نخاويه

[تساقط المطر]

أهم حاجة لا تروح لوحدك وخليك مع الشباب المتعلمين ولا تستعجل وإنشاء الله تستمتع
اشكرك عزيزي منيفه على كلامك الطيب

[تساقط المطر]

الله يوفقك وإن شاء الله بعد فترة نلقاك حوات كبير تقبل تحياتي
الله يخليك عزيزي أبوعلي

[تساقط المطر]

صيحه لوجه الله
تحتاج من 5 الى 8 طلعات مع نوخذه تتعلم فيها على صيانة المكينه وطرق اصلاحها
وكيف تتعامل مع الجو وكيف اذا دار الهوى بشكل مفاجىء
الاتصال بالارصاد ومعرفة سرعة الرياح
اماكن الصيد والتعامل مع الجي بي اس
بكل صراحه البحر غدار وانا ما اخوفك
مثل ماقال اخونا الوفي السابع
بس بعض الاوقات تمر على الواحد لحظات سوده الله العالم فيها
وفي نصيحه لاتستخسر ريال واحد في امور السلامه او اثناء شراء القطع الاصليه وكن شديد الحرص في الصيانه الدوريه على الطراد
ربي يوفقك ويحفظك ويرزقك من واسع فضله
تحياتي لك
عزيزي عاشق تالا نصايحك خل اجاوب عليها وحده وحد
بالنسبه للطلعه مع نوخذه هذا اكيد ولايمكن ادخل البحر قبل مامر بتجربة دخول البحر مع نوخذه
وبالنسبه لتعلم صيانة المكينه وطرق اصلاحها صراحة أنا مافكرت ادخ البحر علشان اصير ميكانيكي انا ابي ادق سلف وامشي غيره ماني مستعد لذلك قررت اشتري مكينتين جديده ياماها واليوم رحت للخريف واخذت اسعارها وحقيقه لقيت سعرهم مناسب بكذا اكون مرتاح البال وانا في البحر
وبالنسبه لتعلم كيفية التعامل مع الجو وكيف اذا دار الهوى بشكل مفاجئ ابيك الله يخليك تقولي شنو سالفة اذا دار الهوى بشكل مفاجئ وشنهي اخطاره المتوقعه ؟
الجي بي اس عندي خبره كافيه عليه
نجي الحين لسالفة اللون الأسود
شنو سالفة هاللحظات السوده والي الله عالم فيها ابي اعرف عنطني امثله واللي يرحم والديك
أما من ناحية السلامه فلا توصي حريص انا داخل بحر ولا يمكن اتهاون في مسئلة السلامه والحرص على الصيانه الدوريه
اشكرك عزيزي عاشق تالا على نصايحك واهتمامك وتقبل مني فائق الود والاحترام

[تساقط المطر]

السلام عليكم ورحمة الله وبركاته

طويل العمر مثل هالامور تحتاج خبرة واجتهاد في نفس الوقت

فلازم انك تروح وتجي مع ناس لها خبرة ومتمرسين

لان في البحر ظروف مايعلمها الا الله وحاول انك تسئل عن كل كبيرة وصغيرة

مافيها شي لان احنا تعلمنا من الصفر ولين الحين نتعلم

على سبيل المثال سمكة ضربت على خيطك لازم تعرف وشهي هالسمكة وتشلون تشل الميدار عنها

مكينة اختربت لاقدر الله دار هوا شخص انصاب لاقدر الله لازم يكون حسن التصرف موجود

والله يوفقك ياخوي ونشوفك نوخذه أد الدنيا ونشوف صيدك

دمت بحفظ الله ورعاه
اشكرك عزيزي القحطاني على نصايحك الطيبه

[تساقط المطر]

هلا
انا انصح انك تسوي مثلي
انا طلعت كذا مره مع الشباب في طرادهم
لين حبيت البحر ورحت شريت واحد لحالي
بس نصيحه لا تطلع وحدك

بس اهم شي انك ما تخاف داخل البحر
العزيز سداح الأول اشكرك على نصايحك الطيبه

[تساقط المطر]

اليوم رحت للخريف ولقيت عندهم مكاين ياماها 40 حصان قيمة الوحده 10000 ريال وقررت اشتري ثنتين بس قالي البايع انه فيه نوعين من المكاين نوع اسمه شوطين وهذي تخلط البنزين بالزيت ونوع اسمه اربع اشواط ويقولي هذي بس بنزين وسعرها اغلى بألفين ريال صراحه سئلت بعض الشباب وقالولي ان النوع الأول هو الأفضل والأقل خراب وقطعه متوفره ابي تشيرون علي وش الأفضل ؟

وابي تشيرون على هل اركبهم على طراد 21 قدم ولا 18 قدم وهل تنصحوني بالظاعن جديد ولا أدور مستعمل وكم تتوقعون اسعار الظاعن الجديد والمستعمل

ولكم مني كل الشكر

[م_شاهين]

البحر ادمان استخير الله

[هدير الموج]

بإختصار سوي لنفسك اختبار بسيط وشوف اذا نجحت فيه واستمتعت تعلم بحر واذا تعبت ابعد بعيد والاختبار هو انك تطلع ببوت مكان قريب بالبحر المفتوح يعني مثلا لو بجده روح القطعه الكبيره واجلس 3 ساعات اذا استانست وشفت نفسك مبسوط فأنت ولد بحر ولك مستقبل اما اذا استفرغت اللي في بطنك كله وصرت تصيح الله يخليكم رجعوني بموت ودخت فاحسن شي روح جرب صيد البر اهون لك من صيد البحر