امراض تصيب الطيور افيدونا بها

[الفوار2008]

السلام عليكم ورحمة الله وبركاته
اخواني الأعزاء أعضاء مكشات
حياكم الله وبياكم
عندي كم سؤال عن بعض الأمراض وياليت القى لها جواب
/
/
/
/
1/ فيه بعض الطيور لما تحذف يطلع ريشها لولبي يعني ملتف على بعضه وش سبب هذا المرض وكيف اعالجه ؟؟؟
2/ عندما تتسخ عين الطير بسبب البرقع وتتكون غشاوه مثل الغمص على عينه ماهي الطريقه المثلى لتنظيف هذا الوسخ بدون التسبب بأضرار لعين الطير ؟؟؟
3/ الطير بطيئ الطيران ولو انه يجيب بالملواح 50الى 60 كيف استطيع ان اجعله سريع ؟؟؟
4/ اذا كسر جناح الطير مالحل الأمثل للتصرف في مثل هذه الظروف؟؟؟
5/ المخالب اذا كسرت او وقعت هل تنمو من جديد ؟؟؟

[محمد الفهيد]

فيه بعض الطيور لما تحذف يطلع ريشها لولبي يعني ملتف على بعضه وش سبب هذا المرض وكيف اعالجه ؟؟؟
اذا كان الريش ملتف على بعضه هذا صعب علاجه ، اذا الريشه تحس انها ناقصه في النمو ( ايكون هذا من اسباب علاج عطيته او نقص في بعض الفيتامينات وعادة ايبسها الطير ويرجع ايحذفها

2/ عندما تتسخ عين الطير بسبب البرقع وتتكون غشاوه مثل الغمص على عينه ماهي الطريقه المثلى لتنظيف هذا الوسخ بدون التسبب بأضرار لعين الطير ؟؟؟
اذا كانت عين الطير كبيره لآزم تبدل له برقع اكبر وتوسعه ، بتعرف الشي هذا اذا كان الطير يحتك وهو مبرقع واذا حصلت فيه ماده مكان عينه في البرقع
لآزم تبدله

3/ الطير بطيئ الطيران ولو انه يجيب بالملواح 50الى 60 كيف استطيع ان اجعله سريع ؟؟؟

اذا كان الطير يمسح معك الـ50 حاول تقللها له الى 5 مرات او اقل مدة 4 ايام اذا عرف الطير انك تعطيه على طول راح ايجيك بسرعه
اذا ماتغير معك ( شناذره )
4/ اذا كسر جناح الطير مالحل الأمثل للتصرف في مثل هذه الظروف؟؟؟

هذا موب مرض ، لاكن ماسمعت ان فيه طير تعالج منه
بس فيه عيادات متخصصه تعالجه على حد علمي ويريحون الطير فتره طويله
5/ المخالب اذا كسرت او وقعت هل تنمو من جديد ؟؟؟

اذا انكسرت تطلع انشالله
اذا طاحت ايكون فيه مرض وممكن تكون جذره (( الباشا )) اتجي الطير وخاصه في المقيض وايقولون سببها البعوض او اللدغ


انشالله اكون توفقت في الجواب

[المان العرب]

كلام محمد الفهيد صحيح عطاك العلم

[KAYD]

الله يجزاكم خير والله استفدت الكثير
تحياتي

[قلب ذيب]

1 - من اسباب الرئيسيه لتغير ظهور الريش وبالشكل الغير صحيح نقص فيتامين الحديد ,واكل الطير لعلف به رصاص الطلق ( يعطى الطير في بداية ظهور مثل ذلك الريش -الفار البري- وطيور الفلا الخاليه من الرصاص, ويعرض على البيطري ).
2 - تلوث العين يستبدل البرقع بعد غسل العين بماء دافيء نظيف .
3 - خلع الجناح يعضد ويبقى الطير فتره طويله كالخلع من المهاد والضرب من الطرائد اما الكسر فصعب تجبيره!!
4 - المخلب الساقط يظهر مع القرنسه , والمكسور وله بقيه ينمو كذلك .
لك تقديري .

[أبو رداد]

السلام عليكم ورحمة الله وبركاته

1/ فيه بعض الطيور لما تحذف يطلع ريشها لولبي يعني ملتف على بعضه وش سبب هذا المرض وكيف اعالجه ؟؟؟
اذا كان الريش منتوف مالها حل واذا كان طبيعي فهي نقص فيتامينات ولها علاج عند البيطري
2/ عندما تتسخ عين الطير بسبب البرقع وتتكون غشاوه مثل الغمص على عينه ماهي الطريقه المثلى لتنظيف هذا الوسخ بدون التسبب بأضرار لعين الطير ؟؟؟
اطحن السكر بحيث يصبح دقيق وضعه على عين الطير وادعيلي هههه
3/ الطير بطيئ الطيران ولو انه يجيب بالملواح 50الى 60 كيف استطيع ان اجعله سريع ؟؟؟
سالفه طويله وماعرفتنا الطير فرخ او قرناس ؟؟ تهد له حمام ؟؟ تكرمه على التلواح ؟؟ تقصر عليه او لا؟؟؟
4/ اذا كسر جناح الطير مالحل الأمثل للتصرف في مثل هذه الظروف؟؟؟
اقرب مفرخ طيور عليك لعطيه له هههههه سلمه لبدرالعرادي
5/ المخالب اذا كسرت او وقعت هل تنمو من جديد ؟؟؟
اذا اقتلع الجذر او نتيجه كبر بالعمر ماتظهر واذا كسر فتنمو ان شاء الله

[ذراع الذيب]

الاعضا الله يعطيهم العافيه ماقصرو......

[الفوار2008]

السلام عليكم ورحمة الله وبركاته
اخواني
كفيتوا ووفيتوا كل واحد بسمه
حقا استفدت من خبراتكم
ولكم مني
جزيل الشكر والعرفان

[دليله القنوص]

الشباب ماقصرو اخوي العزيز

[الشقب1]

السلام عليكم .. اخوي انصحك بحبوب الفتمينات او زيت السمك لانه يتحكم في الريش ولونها وقوتها ومرونتها .