عاشق الصحراء
11/12/2003, 02:08 AM
السلام عليكم ورحمة الله وبركاته
بسم الله الرحمن الرحيم.
ارجو ان تحوز على رضاكم و قبولكم
قلتها بعد ان جائني خبر الامطار بالشمال و لم تحصل لي
رخصة من المسؤول.
قالو الضِلْع سايلْ .. و افرَغ السدْ سيله=انحدرْ في شعيبهْ.. و امتلا بالخباري
ثم رادَت ضَعاينْ.. بدوها للمخيله=يتْبعونَ الوِسيمَة.. بالبروقَ السّواري
و باذر العِشبْ رِضِّعْ .. من امزونٍ ظليله=ولِّدته الأراضي.. و احْضنَته المذاري
و فز قلبي لدارٍ.. برقها له شعيله=فزّت الطير طالعْ.. يم جولَ الحباري
اعشقهْ لو جفافهْ.. ارهقهْ كالنحيله=اعشقه يا تلوّنْ .. عِشبها بازْدِهاري
و النفلْ فارشٍ بهْ .. مثل زلٍّ اصيله=وِهْبة الله و لا هي .. سلعة بالتجاري
و الزماليق مالتْ.. زامياتٍ طويله=و النواويرْ تجلى .. همّها و الطواري
و المغاتير تقطفْ .. عشبها مستوي له=في فياضٍ وسيعهْ .. دون صكٍ عقاري
و المناقعْ تزاحمْ .. به افرقٍ جميله=الغرانيقْ, كدريْ .. النحمْ , و الخضاري
و ام سالم تقلّبْ .. بالهوى مسْتِميله=و غرّدن كيروانهْ .. مع اطيور النغاري
و النشاما تناخَوا .. سنّعوا تيس قِيله=شفّهم بالوناسه .. مهي جمع المصاري
كاشتينٍ بروضٍ .. و النسايمْ عليله=بالطبيعة تِقَهوَو .. مهي دكّة حواري
اشهد انه وناسهْ .. بين روضْ و خميله=بين صَفْوٍ مناخي .. و النقا بالبراري
الاجازهْ لغوها .. الاوادمْ قليله=زاد رمز الوظيفهْ .. و زاد معها انقهاري
الوظيفه لوتْ يَدّي و لا فيهْ حيله=زل عيد ارمضانْ و شـوفتَ الميْ جاري
نعنبو ذا العمل .. منه الضماير عليله=اوجسْ اعراضْ جلطه ْ.. من وظيفة اداري
كني صقرٍ لتاجر .. بس منظر يشيله=طول وقته ابيته .. ما يحب الصحاري.
عاشق الصحراء
بسم الله الرحمن الرحيم.
ارجو ان تحوز على رضاكم و قبولكم
قلتها بعد ان جائني خبر الامطار بالشمال و لم تحصل لي
رخصة من المسؤول.
قالو الضِلْع سايلْ .. و افرَغ السدْ سيله=انحدرْ في شعيبهْ.. و امتلا بالخباري
ثم رادَت ضَعاينْ.. بدوها للمخيله=يتْبعونَ الوِسيمَة.. بالبروقَ السّواري
و باذر العِشبْ رِضِّعْ .. من امزونٍ ظليله=ولِّدته الأراضي.. و احْضنَته المذاري
و فز قلبي لدارٍ.. برقها له شعيله=فزّت الطير طالعْ.. يم جولَ الحباري
اعشقهْ لو جفافهْ.. ارهقهْ كالنحيله=اعشقه يا تلوّنْ .. عِشبها بازْدِهاري
و النفلْ فارشٍ بهْ .. مثل زلٍّ اصيله=وِهْبة الله و لا هي .. سلعة بالتجاري
و الزماليق مالتْ.. زامياتٍ طويله=و النواويرْ تجلى .. همّها و الطواري
و المغاتير تقطفْ .. عشبها مستوي له=في فياضٍ وسيعهْ .. دون صكٍ عقاري
و المناقعْ تزاحمْ .. به افرقٍ جميله=الغرانيقْ, كدريْ .. النحمْ , و الخضاري
و ام سالم تقلّبْ .. بالهوى مسْتِميله=و غرّدن كيروانهْ .. مع اطيور النغاري
و النشاما تناخَوا .. سنّعوا تيس قِيله=شفّهم بالوناسه .. مهي جمع المصاري
كاشتينٍ بروضٍ .. و النسايمْ عليله=بالطبيعة تِقَهوَو .. مهي دكّة حواري
اشهد انه وناسهْ .. بين روضْ و خميله=بين صَفْوٍ مناخي .. و النقا بالبراري
الاجازهْ لغوها .. الاوادمْ قليله=زاد رمز الوظيفهْ .. و زاد معها انقهاري
الوظيفه لوتْ يَدّي و لا فيهْ حيله=زل عيد ارمضانْ و شـوفتَ الميْ جاري
نعنبو ذا العمل .. منه الضماير عليله=اوجسْ اعراضْ جلطه ْ.. من وظيفة اداري
كني صقرٍ لتاجر .. بس منظر يشيله=طول وقته ابيته .. ما يحب الصحاري.
عاشق الصحراء