الوكري؟؟؟

[حراا اشقر]

السلام عليكم ورحمة الله وبركاته
انا يا ربع بغيت اخذلي وكري بالكويت .....لاكن وين القالي وكرية وعلى كم اسعارهن .....وهل الوكري يطرح حباري او كروان ؟


بغيت تساعدوني في هاذا ويعطيكم العافية .....ما قصرتو...والسلام عليكم

[صقر الرحيبة]

هلا بك اخوي

ادخل خيمة بيع الصقور ومستلزماتها وانشالله بتلقى طلبك

[رامى السيد]

انشاء الله اهل الكويت يفيدونك وعلى العموم هو رخيص اما عن صيد الوكرى للحبارى فلا وانما يصيد كراوين وحمام تمام والله يوفقك

[F J]

على حد علمي لا يمكن يتجاوز 2500 او 3000 ريال


وهو بالقوة يطرح الكروان

[أبو فهد العيد]

السلام عليكم.
بالنسبه لصيد الوكري..
فهي مهيب واحد..في وكري يذبح وفيه اللي مايذبح..
وفيه من الوكارى اللي يصفط الحرار والشياهين..وانا مجرب.لكنهن قليل..

[نبع الدموع]

يعطيك العافية اخوي
الوكري سلمك الله بالنسبة لمكانة في الكويت الله اعلم ان شاء الله اهل الكويت
يفيدونك و السعر في الموسم من 2000 ريال سعودي لين 3500 للوحش
من جيهة يصد الحبارى و الكراوين اذا كان الطير سبوق (سريع) و فية سطاوة
يطرح الحبارى و الكروان ان شاء الله.

[حراا اشقر]

يعطيكم العافية وما قصرتو عار هالردود

[قلب شاهين]

أنا أنصحك تروح محلات الطيور وتنشد الصقاقير ويعطونك العلم ،،

وترا ياجماعه مايصير تستهينون بالوكري لهذي الدرجه :(

انا اعرف وكارى قد طرحت حباااري مو حبارى !!

بس على حسب صملة الطير ،،

تحياتي / قلب شاهين ،،

[..@القناص@..]

اخوووووي كل الطيور اذا دربتها تدرح الي تبغاه

[رقاب الضرابين]

اخوي السائل عن الوكري اقسم لك بالله العظيم عندي وكري
لويعطوني غيره ماابدله من غلوه عندي حبارته ما تروح وارنبه كذالك
والكراوين عندنا بالعراق قليله ولاكنه طلع وصيد يالربع انشر وصارت
له سمعه

[قرناس ارامكو]

ادخل خيمة بيع الصقور ومستلزماتها وانشالله بتلقى طلبك

[لعّاب المنايا]

الطير وكري والحباري قليله

إن لقيت الوكري الطيب إن شاء الله بيطربك

[bo jara7]

سلام عليكم
انا عندي وكري للبيع وعارضه بالموقع والطير مشاءالله طياره حلو وسبوق والصراحه انا معتز بهالطير ولكن كثرت عندي الطيور وقلت ابيعها اذا تحب تشوفها تلقها بخيمه بيع وشراء الصقور
الطير موجود بالكويت

وشكرا

[جارح العين]

ماقصرو الاخوان

[شبيه الريح 99]

يربع لاتنقصون بحق الوكري :يكفي انة من فصيلة الحرار
الوكري صح انة ديزل لا كن الصملة الموجودة فية ماهي في اى طير علي مستواه
والوكري حمال اسيه صبور متحمل الجوع مايفرق عنده اختلاف الجو _
والله ياعندي وكري لويدفعون الى يدفعون محد يفرحبه اتحدابه اهل الحرار من خوي شروا
وياله معزة عندي ماهي لغيره من طيوري ولا نقص في حق احد يا الربع

[أبو طلال-نقوه]

السلام عليكم,
أخوي أنا من الكويت, و بالنسبه للوكري فالقليل منه الطيب و إذا تبي النصيحه إخذ شيهانه تبعه صغيره.
و سعر الوكري من 40 دينار إلى 130 حسب الحجم و الفعل و العمر و أماكن بيع ممكن تحصله شهر 9 مع فتح سوق الطيور و ألحين تحصله بالمرابط ولاكن لا تستعجل و دور واحد طيب إذا تحتاج إستفسارات ثانيه أو توك بادي الصقاره كلمني و أنصحك بإلي أعرفه و هذا إيميلي:
salemalrashidi@hotmail.com
أو راسلني على الخاصه.

[مغــادر]

السلام عليكم ورحمة الله وبركاته
اسمحولي انكم غلتوا في حق الوكري وكثيركم ماعرف الصقاره ولا تعلم الى عقب الوكري وانا منكم و والله ان فيه وكارى انها اسبق حتى من الجيره وتصيد الحباري و الوكري معروف بالحداده والفتنه,,,

[الطبشي]

الله يرزقك با الطير الطيب0000

[افزعواله]

الله يوفقك باللي فيه خير واقول لك ياخوي اني سمعت من شيابين مقوله وهي
(الطيور اخيرها وكري وأرداها وكري)