معقوله تصير!!! الصقار يسوي هالسواة!؟؟؟ [الأرشيف]

أبو فهد العيد

26/05/2008, 10:47 PM

السلام عليكم ورحمة الله وبركاته،
وبعد،
بصراحه مااعرف كيف ابدأ ولااعرف من وين ابدأ!

انا امس جلست مع رجال صقار . وموثوق فيه.وهو معنا في هالمنتدى.
وسرد لي قصه،صارت لزميله. بصراحه ضاق صدري يوم سمعت السالفه.وقلت معقوله الصقار يسوي هالسواة!!
السالفه ومافيها ان زميل خوينا
كان قانص في السعوديه،يقول وانا اقص الجره،لقيت ناس سابقيني على الحبارى،وقد طيروها وفكوا طيرهم ، يقول:
فمشيت وراهم من باب الفزعه،
وهم شايفين ان معي طير ،ويدرون اني صقار.
يقول:الحبارى طارت والطير لحقها ثم حل عنها،فجهزت طيري،عشان ابهده.لان طيرهم حل
عن الحباره .فتفاجأت انهم تركو
الطير ولحقوا الحبارى ورموها بسلاح.ثم رجعوا لطيرهم.
يقول:وقفت عندهم وقلت مالكم حق في اللي فعلتوه.ولاادري كيف افسر هالحركه!!؟؟
انتهت السالفه.
يااخوان ..ياصقاره.. يارجال..
هل هالحركه ممكن تصدر من رجل فضلا عن انه يكون صقار..
هل بلغ الحسد هذا المبلغ من الصقاره لكي ينفروا من بعض..
نحن نشكي قلة المطر وتدهور الأوظاع.ولا نعلم ان السبب هوالتحاسد بين الناس بشكل عام..
اعذروني على الاطاله .لكن هو شي بالنفس.وماعندي الاالمنتدى الغالي والرجال الطيبه .. افضفض لهم باللي في نفسي..
ولاتحرومنا من ردودكم العطره.

همس الرعد

26/05/2008, 10:59 PM

يا رجال ماهو كل من شال طير صقار

والحين والله كثرت هالاشكال

والله لو طيري ما قدر ع الحبارى والله ما اقربها بسلاح

خير المزن

26/05/2008, 11:01 PM

كلام في محله

سوبر152

26/05/2008, 11:04 PM

يقولون في المثل 00من سبق لبق00 يعني الحبارى لمن رآها أولا مع احترامي لمشاعر كل صقار

أبو فهد العيد

26/05/2008, 11:14 PM

يقولون في المثل 00من سبق لبق00 يعني الحبارى لمن رآها أولا مع احترامي لمشاعر كل صقار
الاختلاف ليس في الحبارى لمن تكون،
الإختلاف في ان الصقار يجب ان يعرف آداب الصقاره ويحترم ايضا كل صقار،،
لو أن اللي وجد الحبارى معه سلاح ولا معه طير،،ماشرهت عليه، لكن معك طير وتهمش قوانين الصقاره،فالصقاره قبل
ان تكون هوايه،فهي تربيه،
وايضا رجوله.

جار ابو علي

26/05/2008, 11:19 PM

الله يجزاك خيرعلى هالموضوع

وصراحه مالهم داعي بهالحركه التي لاتصدر من صقار ابدا

وهذا الحسد اعاذنا الله منه

وفق الله الجميع

غليص

26/05/2008, 11:42 PM

مساك بالخير يا النشمي هذي السالفة عادي وتحصل عند وتحصل عند البعض
ولا ويعدونها مرجله ويتناقلونها
حصلي نفس الموقف والله يشهد مره جالس اتغدى ولا التيلفون يرن واحد من الربع يبغي الفزعه
عنده حبارى والله ما كثر خبر اشل الطير وهو معروف عند الربع حباراه ما تروح بعون الله ابد مسمينه الشباب المنقذ واحرك وصلت على حسب الحروه والله واشوف السيارات
قلت في نفسي وش جابني
وانا من طبيعتي ما حب المواتر عند الهدد جاني الرجال قال طيرك عزام جاهز قتله توكل على الله بس شنهي المواتر هذي قال لا عادي الشباب يبغون يشوفون الهدد قلت لا
والله اشوف موتر الرجال وهو صقار معروف بس ( !!!! ) الطرفي أعرفه ويعرفني وطبعه خسيس عند الهدد وعنده طير شباك وأنا سامح من الهدد المهم حلف الرجال قتله وين الحبارى قال في الوادي قتله حركها ورفيقي الله يهداه قلعها وهي بين زروع المهم خذت عن الطير من التكايه يوم انه شافها طارت من عندها صاروخ في السما
والله تم يرتفع معاها وعينها على الزرع يوم عطاها لحوق وتعلاها وشوي وتحط للطير تكبر ما شفنا إلا الصاروخ طالع من الأرض ترى الرجال مثل ما توقعت يوم شاف الطير حطط الحبارى فك الشباك علق طيري وحول به
في ذمتكم يا الربع قولولي شنهو موقفكم ذيك الساعه .:confused:

شواااش

26/05/2008, 11:57 PM

والله يا ولد حنيظل ليش ما تصير .. الاوادم عقولها مهي وحده وقلوبها بعد مع ان محد ميت من الجوع في وقنا يعني لو ما رماها كان ما مات من الجوع

بو غازي

27/05/2008, 12:20 AM

السلام عليكم ورحمه الله وبركاته
الله يعينا واياكم على هنوع من الناس
هذا واحد عازمله والاثنين صقارين المهم يوم تغدوا راحزا يدوجون الا واثرها عند المعزب الي عازم الرجال بشر ضيفه قال ابشر بها المهم الحبارا عندهم هد عليها الضيف شةي يةم بغت تروح على طيره طلع البندق ويصيبها ويحولها لطيره ميتة هل هذه علوم رجال ؟؟؟؟؟؟؟؟؟؟؟؟ الله المستعان

قرناس حائل

27/05/2008, 12:37 AM

حدث ولا حرج

قالها واحد قبلي هنا ليس كل من شال طير صقار

تقبلوا تحياتي

فداع

27/05/2008, 12:57 AM

السلام عليكم ورحمة الله لا لااسف حاصله وبكثره اول تستغرب مثل هذه الحركه ويشع ذكرها بين الصقاقير وينبذ صاحبها من مجتمع الصقاقير اما الان يستغرب الطيب ان واحد يعزمك على هدد الاما ندر الان خويا يهدون على بعض فكيف تشره على واحد ما تعرفه راحت المرجله والكرامه الصقاره هوايه ومتعه ومرجله لكن بعض الناس فاهمينها غلط 00من سبق لبق00والثقه انعدمت اول تسال عن علوم الطير لن الرجل ثقه اما الان تسال عن الرجل هل هوصادق ولالا والدليل اذهب لسوق تجد كل الطيور فاعله واسف على اطالتي وتشعيب الموضوع وارجواني مزعلت احد

F J

27/05/2008, 01:05 AM

الل يسمعك يقول الصقار ملاك..!

اخوي هالايام ما تقدر تعمم على فئة من الناس لان الحين الاوضاع تخربططت ودخلت ببعض...

ابوالجازي

27/05/2008, 01:22 AM

الخافي اعظم
انا لي بالصقاره حول خمس وعشرين سنه وتركتها المقناص اللي راح 1428
والسبب ماتسببه الصقاره في الوقت الاخير من حزازيات ومشاكل
وتجد اللي معه طير طيّب مايخاونه الصقاقير يخافون يلحّق عليهم او اذا له الهدد مالهم تلحيق لان طيره صايد صايد الله لايعوق من شر
لكن تنعاف الصقاره في الوقت الراهن
وراحوا صقاقير زمان
مشكور يا ولد حنيضل على الطرح المميز
طع شوري بع الطير واشتر كاميرا;)

الساهر2003

27/05/2008, 01:29 AM

اخوي اصابع يدك ماهي سوا والمرجلة كايدة وتمطر ديرة الفسدة ولا تمطر ديرة الحسده
الله يهديهم
واما مسالت ان من سبق لبق ليه هذا ماقدر طيره يطرحها افتح المجال لغيرك واذا مافيه الا انت والحبارى فالله يقويك بالرشاش مو بالشوزن

المان العرب

27/05/2008, 01:30 AM

ايه بالله تصير انا قد صارت قدامي هالموقف

ابوفهيدان

27/05/2008, 03:13 AM

لابغيت الصقار الصح تراه مايشيل سلاح بطلعاته
لان هدفه صيد الحباري بالطير وبس ولو فيه جول قطا جنبة او غيره من الطيور الثانية مايقربها همه وشفه الحباري

بس اللي انت شفتهم ماهم اهل طير وبس اهل كل محتركة ماتروح علينا بطير ولا بببندق
الصح كان خلوك تهد عليها ولما تطرحها بطيرك تعزل عنها وتهديها لهم بحكم انهم اول من شافها وطلعها

الزعـبي

27/05/2008, 03:21 AM

والله الصراحه شي يقهر ..

الواحد قبل ما يقنص يدور الخوه الطيبه والا يقنص بالحاله ازين له ...

طارق الحربي

27/05/2008, 03:37 AM

الصقاره مهو بس نقلة الطير

الصقارة مرجله واخلاق وتعامل واسلوب

اما سواة اللي تقول عنهم بعديه عن المرجله والاخلاق مهو بعيده عن الصقاره بس

رتقاوي

27/05/2008, 03:45 AM

اعوذ بالله
الله يبعدنا عنهم ولا يشركنا بقاع معهم

تحصل بالكويت عندنا :

هدد على هددك مومشكله خيره يانك تجسر طيرك وتخليه يحرص على صيدته ويدافع عنها او الله يعوضك.

ويحصل اكثر من مره يجيك موتر ويدعيك عليها مع العلم ان عنده بندق ( ويوجد العكس)

المسأله اخلاق وذوق وعقل

((السنياري))

27/05/2008, 04:42 AM

هذولي مهم صاحين

انا صارلتي مع شيبان ((انصدمت من ردت فعلهم))

الي كان عندهم خرب وطيرهم فرخ توه مطيحينه وضاهر مريض

يوم شافوني جايهم نقز بحلقي وحد فيهم ((شعندك لا تجي رح )) قلت ماني هاد ((وانا عند الله صاج ابي استانس بلمهد))

يوم طار الخرب

حذف الفرخ حذف من الدريشه

وانا اتفرج وضحك بنفسي

امهم خلف الخرب واحد راح يطرد الخرب واحد راح يطرد الطير

الي يطرد الخرب معه شوزن وشغال رمي مع ان الخرب مو حوله ولاحول 36

قلت الحين اهد هذولي خبلان وهديت والحمد لله لحقه وعلقه تعليق اول ماصفط راعي اشوزن على ((ليش تهد هذي حبارتنا)) سكت ولا كلمته لانه مو بعقله

عطيتهم حبارتهم ومشيت وخليتهم وكنهم انصدمو مني ليش ((عطانا الحبارى))

الصقار مو معصوم من الخطا كلانا نخطي

تبي اصقاره صح ماتجتمع شوزن مع طير

بـــن خــتروش

27/05/2008, 04:42 AM

مع احترامي للجميع من يفعل هذي الفعله لا يقال عنه صقار
الصقار ماخوذ من اسم الصقر
والصقر تقال غالبا عن الطير الحر
والحر اي الحريه وهي لا تنطوي على حرية الافعال والتعبير عند الصقار بل تنعكس على أسلوبه بإحترامه وتقديره وحسن معاملته لمن حوله مع وجود حرية التصرف ومن هالحرية عرفنا كلمة ونعم ونقيظها
السموحه على الاطاله بس الصراحه المواقف هذي ترفع الظغط

أبو فهد العيد

27/05/2008, 04:44 AM

الخافي اعظم

انا لي بالصقاره حول خمس وعشرين سنه وتركتها المقناص اللي راح 1428
والسبب ماتسببه الصقاره في الوقت الاخير من حزازيات ومشاكل
وتجد اللي معه طير طيّب مايخاونه الصقاقير يخافون يلحّق عليهم او اذا له الهدد مالهم تلحيق لان طيره صايد صايد الله لايعوق من شر
لكن تنعاف الصقاره في الوقت الراهن
وراحوا صقاقير زمان
مشكور يا ولد حنيضل على الطرح المميز

طع شوري بع الطير واشتر كاميرا;)

ماشا الله عليك يابو الجازي اخذت حقك وافي من الصقاره.. ومع ذالك اتحداك تخليها مانت قادر..قالوها ناس قبلك وماسرع من رجعتهم, ويرجع اشد من اول..!!!!!!

أبو فهد العيد

27/05/2008, 04:57 AM

يا رجال ماهو كل من شال طير صقار

والحين والله كثرت هالاشكال

والله لو طيري ما قدر ع الحبارى والله ما اقربها بسلاح
بيض الله وجهك.. وصدقت , ماهو كل من شال طير صار صقار..
ذكرتني بابيات للشاعر بدر الحويفي.
لو كل رجل يـنـقل الطـير صـقار *** كان الصقاره مـا تـغيـر سنعــــها
مير الصقاره تختلف فيها الافكار *** وهذا سبب عيب الطيـور ووجعها
الطـيـر له عند الصقـاقـير مـقدار *** عند الرجال اللي حقيـقه ولـعـهــا
والا الغشـيم يخـلـي الطـيـر بوار *** يشري من العالم ويـدمـر سلـعـها
ولاتامنه لا يشوي الصـقـر بالنار *** كلمة(مثل)كل(ن) بسمعه سمعها

أبو فهد العيد

27/05/2008, 05:19 AM

(خير المزن)
(جار ابو علي)
(غليص)
(شواااش)
(بو غازي)
(قرناس حائل)
(فداع)
(FJ)
(الساهر2003)
(المان العرب)
(ابو فهيدان)
(الزعبي)
(طارق الحربي)
(رتقاوي)
(R7AL_AL3OMR)
(بن ختروش)

بيض الله وجيهكم,,الله يعديكم كل مكروه..

سنجااار

27/05/2008, 10:26 AM

اصابعك ماهي سواء ياولد حنيظل والحسد وارد في كل شي وياملك من المشاكل مع الطيور

سيف الظفير

27/05/2008, 11:28 AM

العلم والمعرفة والمرجلة كااااااااااااااايدة يا اخواااااااااااااان

نبع الدموع

27/05/2008, 11:39 AM

يعطيك العافية اخوي ولد حنيظل على هالموضوع بالنسبة لي اذا اني هديت ولا
صاد و ماحولي احد رميتها لاكن اذا حولي صقار و متذهب بطيرة لا و الله
باخلية يهد و بحبة خشم بعد.

أبو فهد العيد

27/05/2008, 12:21 PM

(سنجار)
(سيف الظفير)
(نبع الدموع)
بيض الله وجيهكم,, وصدقت ياسيف الظفير المرجله كايده...........

جارح العين

27/05/2008, 12:27 PM

والله اذا تبي السراحه معهم حق لاكن مو يرمونها
الان مثل ماتشوف الحباري قليله واذا هد الرجال ممكن مايلقون غيرها
ولاكن حتى هو المفروض يستاذن منهم الانها لهم

قلب شاهين

27/05/2008, 12:59 PM

أخي العزيز ولد حنيظل :

أسمح لي واسمحو لي ياصقاقير أني أشبه الصقاره بالسواقه !!
يعني مو كل من ساق موتر يعرف السواقه ويعرف قوانينها :no2:

والسواقه فيها آداب وأخلاق وقوانين وشروط ،،

والصقاره كذلك ،،

وهذا الموقف الي ذكرته يحصل كثير وسمعت قصص أشد وتقهر أكثر من من قصتك :no:

ووسع صدرك والأشكال هذي نشوفها كثير عندنا بالسعودية ،،

وتخيل أني أشوف ناس سكارا ومعهم طيور !!

لكن ما نقول الا الشكوى لله ،،

ومشكور على الموضوع ،،

بارك الله فيك وبيض الله وجهك ،،

تحياتي / قلب شاهين ،،

عتيج الصوف

27/05/2008, 01:39 PM

هذا الحسد اعاذنا الله منه ... لا بتعيش وبتشوف عندنا وعندكم خير

أبو فهد العيد

27/05/2008, 02:09 PM

والله اذا تبي السراحه معهم حق لاكن مو يرمونها
الان مثل ماتشوف الحباري قليله واذا هد الرجال ممكن مايلقون غيرها
ولاكن حتى هو المفروض يستاذن منهم الانها لهم
اشكر لك مداخلتك..
واقول ان الحبارى لاجل الطير وليست لاجل من سيأكلها..
والله ان الحباري اللي نصيدها اكثرها لطيورنا..نعلف الطيور منها ونعزل للطيور اللي تبي تعلوم..
والغرض الاول والاخير هو هدة الطير ..
والله اني افرح اذاعرفت ان طير فلان ذبح..بغض النظر اني اذوق الحبارى والا لا..لان الخير واااااااااااجد والحمد لله,,

أبو فهد العيد

27/05/2008, 02:12 PM

(قلب شاهين),, اشكرك على مداخلتك الرائعه.
(عتيج الصوف),,صدقت و بيض الله وجهك

المزروعي

27/05/2008, 03:01 PM

الله المستعان هذي و الله إللي مالها حل .

يا خوي روح دار بينك وبينهم تعوي ذياب !
دار الله واسعه و الله لا يحدني على مقناص فيه هذي النوعيه من الناس . إذا ما صار مقناص قفر و بعيد عن هذي المشاكل أجل ما فيه فايده هذا المقناص أبد لأن المقناص مش حباره وبس . لو أصيد عشر حبر بعد مهاوش و مشاكل والله ما لها طربه أبد.

أبو فهد العيد

27/05/2008, 03:12 PM

العمراني

27/05/2008, 03:42 PM

علووومهم مهي علووووم رجااااااااااال

لعّاب المنايا

28/05/2008, 03:13 AM

يا رجال وماخفي أعظم ماشفت شي ,,

المشكله اللي انت قانص معه عشرين يوم ويبعيك طير ويقول أنه صايد وتشتريه منه بأرض المقناص ومن بكره حبارى درج بالقاع ولاكنه شافها ,, هذي والله المصيبه ,,

مصائب قوم عند قوم فواااائد ,,,