المساعد الشخصي الرقمي

مشاهدة النسخة كاملة : يا الربع شرايكم بوانيت F150


جرناس
11/12/2003, 08:25 PM
السلام عليكم
يا شباب ابي رايكم بوانيت فورد قماره ونص دبل قير
الي جربه او يعرف عنه شي وهذي صوره له
http://www.majalisna.com/gallery/52/52_611_1058852571.jpg

بصراحه الموتر عاجبني ابيكم تفيدوني
وسلامتكم
القناص
13/12/2003, 01:01 PM
حلو جداً

بس الداكوتا احلى

http://www.urbanjunglesuv.com/images/WAAG_Ram_Small.gif

http://images.stoneage.com/auto/Intellichoice/03210DakoRT%5B%5B%5D%5D%5B%5B%5D%5D2482.jpg


http://www.autogazeta.com/c/8/b/GPR.jpg

هذ في امريكا مثل اللاند كروزر عندنا ما يسمعون في الداكوته ابد ابد:cool:
desprado
14/12/2003, 02:57 AM
ما عنك وعن الدودج رام طع شوري واسمع نصيحة مجرب
عروان
14/12/2003, 09:01 AM
بسم الله الرحمن الرحيم

فيه واحد من الربع راعي حلال بالبر. شرا له فورد F150 غمارة بدون دبل.

وركب له كفرات شاهين . انا نشدت الرجال عنه وقال انه ممتاز بالصيف في الرمال

ينسم هواه شوي و يتمشى بالرمال تقول دبل. لدرجه انه وحسب كلامة يقول سحب له

سياة صغيرة مغرسة بموتره.


الموتر انا جربتة بنفسي. خفيفة و نشيط وغمارتة وسيعة شلون اجل ابو غمارة ونص.

وصرفيته للبنزين معتدله.


تحياتي لك
القماري
14/12/2003, 11:14 AM
أخوي
واحد من الشباب الطيبين (شرواك) عند الـ F150 ولونه (أحمر) وقير عادي لكن الموتر دبل (فورويل4X4) ومديله 98 ، كاد والد والديه (صيف وشتاء) عيني عليه بارده ويمدحه وبالفعل ركب له كفرات شاهين وغطى الصندوق بالبلاستيك ( تقول أسد مروض ) وصاير يروح ويجي عليه ويجاري أصحاب اللاند والباترول والجيوب في التطعيس والممشى ، وعلى حسب كلامه الموتر صرفه للبنزين معقول جدا ( عكس الموديلات السابقة 90 - 96 ) إلى تشفط شفط.
هذا ما أعرفه من واقع تجربه والعلم عند الله
جرناس
14/12/2003, 07:52 PM
السلام عليكم ورحمة الله وبركاته
مشكورين اخواني وما قصرتوا
والي يحب يضيف شي جديد عن الموتر وكلام الاخوان
يتفضل مشكور
ومشكورين اخواني مره ثانيه:)
مطحن
15/12/2003, 10:20 AM
اخوي انا مجربه بنفس ما اقول يقال لي

هججججج من ورا الشمس بخمس

ترا ان جربتوه تتخرب على غيروه

الموتر بوه راحه خرافيه ..... نشاط يوحححححش (طالعن بوه دركال تقل جدار وجهوه ضرب بالنفود من شدة الانحدار) ,,,,, تماسك ورساوه تقل على لكزز خصوصا بالبر .... انا مره حذفتوه على 120 ابدخل على درب ومتوقع انوه ياخذ الملف عرض لكن قسم بالله تقل على مزفلت مهوب معقول ..............

كان معي غماره ونص 98 ابيض ....... XL ,,, قير عادي

حوضوه وسيييييع جدا المراتب كذلك ....... يشيل 6 رجال بالرااااااااااااااحه .... قيروه خفيف

العيوب ,,,,,

الدبل ما من موووووووور ابد اذا ربض الله يعينك عليه بس مداموه يمشي فهو زين بالرمل

الدبل الثقيل ما يسقيك من الما ..... تبي تشوف الفرق قارنوه بالتيوتا وانت تعرف قصدي

الكلتش على طوووووووول تطلع ريحتوه وكان عندنا بالشركه منوه كثير كانوا الشباب اذا رجعوا من الطلعات على طول الورشه تغيير كلتش .... والتغييره الوحده تكلفك 2000 (الفين ) ريال مع القطع ...

قطع الغيار ما تلقاه حتى عند الوكاله احيانا لان قطعوه تختلف من موتر لموتر ..... هو يجي فئات بالذات المكينه حتى وهو نفس الموديل يختلف

القطع غاليه جداااااااااااااااا ........ والمشكله انوه يستهلك كثير

المشكله الخطيره فعلا هي انفراط الفرامل وهذي بالذات كثيره جداااااااااا وحصلت مع اكثر من واحد من الزملا ..... حتى واحد منهم صدم عايله واقفه باشاره ولكن ولله الحمد ما كان فيه اصابات بليغه ......... وواحد قطع الاشاره على سرعه فوق 80 ،،، الاشاره اللي شرق مخرج 15 الدائري الشرقي بالرياض اشارة ماكدونلدز اذا تعرفه ,,, قطعه على سرعتوه لان الفرامل فوت والقصص من هالجنس كثيره ...............

المهم انا برايي ابعد عنوه ......... وانت استخر واستشر