طبخه بدون عزبه

[هملان]

السلام عليكم ورحمة الله وبركاته
اذا كنت ناوي تروح بر قريب يعني رحله خفافيه رح للسوق وجب شوي خضار مشكله
ومر البقاله وخذ صياني قصدير تشبه صياني الفرن ورح للبيت او المعزبه خللم يقطعون الخضار
قطع صغيره ويحطون في كل صينيه دجاجه ونص وتخلط مع البصل والطماطم والخضاروالبهارت
والملح بعدين لف الصياني بورق قصدير ثلاث لفات بحيث يصير مكتوم خذ صياني حسب عددكم
شلها معك بالسياره وروحو للبر وشبو النار اذا جمرت افرد الجمر وحط الصياني عليه وخذ
بالملقاط جمر وحط فوق الصياني وبعد ساعه اخرج الصياني ولا تنسى الخبز يعني مامعك عزبه
الاعزبه الشاهي وان كانك مره مره خذ ترمس من البيت وخلها مكانها اذا خلصتو على شان
ماترجع في شي وسلامتكم

[عود رمث]

خووووووش كشته

ما بقي إلا تخلي ترمس الشاهي بلاستيك ولا قصدير علشان إلى جدعته ما تحسف عليه ؟؟:p

ولا تنسى الملقاط بعد جب بلاستيك :cool:

وكاسات الشاهي أكيد بلاستيك

واخوياك جبهم بلاستيك علشان تجدعهم إلى قضيتوا متعشين :rolleyes: :rolleyes:


شكرا على هالطبخة الحلوة ..

بس مانتب معي إن كثرة لف القصدير يكون عازل للحرارة يعني تبطي العيشة ما استوت ..



وتقبل تحيات أخوك / عود رمث

[فـ(الجـوف)ـتى]

على العموم مشكور0