يوسف الخليفة1
28/05/2008, 04:45 AM
في المرة السابقة سمعت عواء سحمان فأعطيته الإشارة ولم اسمع له أي حسيس فمكثت تقريبا إلى منتصف الليل
ولم يحضر حتى ظهر الصباح فأقلقني هذا الأمر وجلست على صخرة وبدأت أخاطب نجد ببعض الأبيات وردت
نجد بأبيات مثلها فقلت لها
( أبو عبد الله )
يا نجد شوفي مرقبن في مفاليك=يم الشنانه صامدن مع عجاجه
يا نجد جور الناس طمن معاليك=يا نجد جور الناس زاد انزلاجه
يا نجد شومي عن عدون عثا فيك=سيلن بدوك زاد جرف اندجاجه
يا نجد فار الدم ربعك مضانيك=لا تبرمين الراس مثل الخواجه
يا نجد ضوح البرق عقب مساريك=مقفي عقب ما كان يقبل لعاجه
يا نجد ماحلا ماك باقصى مجاريك=واليوم غير حالي الما هماجه
يا نجد قلبي رجفنه دواكيك=كل رجفتن يعقد كريمن حجاجه
يا نجد ردي فالخليفه يحاكيك=ما ني من اللي بالحكاوي خداجه
يا نجد لجا القيظ جلدي يصاليك=الثريا تخفق يختفيبك سراجه
لرفرف المرزم بشرقن كما تريك=افرح يعل الصيف خفف سياجه
افرح لبان سهيل يا نجد واغليك=والكون يجري بامر ربي دراجه
يا نجد لجا البرد ناري تمسيك=بنسريتن ثار بجملك اهتياجه
يا نجد ذيبن بالعوالي عوا فيك=هرول على ارضك عكروله مزاجه
يا نجد شان المرخ باقصى المساليك=واثمامك اصبح مثل موزن خماجه
يا نجد حذرا قولت ام التهاليك=يا نجد ليقولون تسا هلباجه
يا نجد دلي بالفلا حايرن فيك=من الدلم لينه تعدى العجاجه
ومن حد سلمى راسمينن شماليك=لما قرينن للدلابح سجاجه
يا نجد يظهر فيك بعض الركاريك=لما شكى كيره وقشيعه واسواجه
يا نجد حذرا لا يجي شرك يرديك=ترا الغلو بصالحينك هماجه
يا نجد قولي ما خطر لك وانا اوحيك=ترا تقي الله دوم انفراجه
واضمك بصدري واجود غطاويك=واحطك بدارن نظيفن زجاجه
ترا اللي مثلي محرمن لك يسليك=يا نجد صدي عن دروب السذاجه
ما ني قوماني من احبار وبتاريك=لمن ديكه صاح قطقط دجاجه
مثلي موحد قال للرب لبيك=مخراجنا باسمه وساعة ولاجه
الواحد القهار بالغيث يسقيك=عظيم يسر للرسول العراجه
يا نجد طير الدور غرد يهنيك=كل ما اسفهليتي يزيد ابتهاجه
يا نجد قمرين على الراك يبكيك=يبعث لك لحونه سرورك علاجه
يا مزنة القبله عسى الله ينشيك=ويضا يسوقك سم نجد وفجاجه
يا نجد لا تنسين قافن يوصيك=عن كل دناسن تدنت ابراجه
حذرا ثراك يضم خبثن ملاويك=سبلن خطوها كل ابوها عراجه
يا نجد خلقن بالمعاسير تشكيك=والقول يا ليته مقالة سماجه
يا نجد ليلك مع نهارك حلا فيك=يا نجد بطناجك على ارضك مساجه
واصبر على بردك وقيضك واخليك=عمرن محدد ما يزود بحراجه
يا نجد من يقدر عن دهور يحميك=الا من اوجد من غنمها نعاجه
الرب سبحانه بالامواه يرويك=وان شا بعث زلزال خضك رجاجه
هبت رياح الكون يا نجد تلحيك=وحنا خطاوينا على ارضك سجاجه
ويوم القيامه ارضك تدك تدكيك=وتبس ضلعانك ابانن وعاجه
وما كان من نجد إلا أن ردت بهذه الأبيات التالية فإليكم هي
( نجد )
يابو عبد الله ماني اجحد ولا اخفيك=يابو عبد الله ترا عيني مسهاجه
تزرا علي وما تحمل مزاريك=واقبل اعذراي ما بقولي سماجه
لا شك اودك يا نظر عيني واغليك=ولا اتحمل نجعتك دون حاجه
يا بعد حيي صر شفيقن وابديك=خلن وكر وانت نداوي سواجه
لا شك خلق الله تبدل دواليك=تغيروا ما غير بقيت ابراجه
خلايقن جت هالليالي مشاويك=ما عندها غير الردى والرجاجه
اسهج عدوي بين هالخلق واغليك=والا مزاجي صابرن مع عجاجه
قل للمزن وش ابعدك عن مناشيك=الا ذنوب الخلق خالف نهاجه
قل للكريم اللي يودك ويغليك=اصبر ترا صبرك تقرر علاجه
لي زفرتن بالقيض تلفح وجانيك=تغيرت بوجيه ربعك بهاجه
نسريتي تاتي من اقصى المساليك=تهبه ديارن على ارضه ثلاجه
الذيب زبنته ضلوعن تهاليك=والصدر له طعسن بمسرا دواجه
واشجاري اليباس ما له تساليك=ما لي قصب يسقي ضماه اندجاجه
ما نيب تسا قل فيها التحاريك=افزع مع الغالي اليا عاز حاجه
ترا عدوي حصل ارضي مشاويك=والا حبيبي تعتدل له هواجه
والشرك ما لي فيه حيله وتحريك=تبا ليمنى نشرت له رواجه
يا حبي ما قصرت قل لي واسليك=واصبر لما الواحد يجيك انفراجه
تضمني واحس انا بالدفا فيك=ضمت شفيق لغروته في زواجه
بلغ طيور الدور وضعي كما الشيك=مرصود له بالبنك ماين يواجه
نوحي يا ورقا وابحنيني بسليك=واشوف نوحك ما له اليوم حاجه
نوحك طرب واخاف انا بحني اخويك=وان كثرت الونات صارت ضجاجه
يا قلبي افرش لك على ارضي سراميك=واخلي الوعره لجيته زراجه
لجل تجوبن ما تعثر خطاويك=واخطاك بخدودي مشوع بزجاجه
كله لجل ترضى يا عيني واداريك=واداري الخاطر ليقفل مزاجه
الشكوا لله تاكل ارضي عضاويك=امر الولي ما لي عنه من هجاجه
ولا ادري تدفن بارضي هذي او بذيك=او انك ابحر تلاطم امواجه
والكل منا رايحن دون تشكيك=والكل باعماله بالاخرى يواجه
وصلاة ربي عد ضرب النيازيك=واعداد سومات السلع في حراجه
فلم أخرج بنتيجة واضحة إلا أنني تسليت معها وأخذت بعض أخبارها فقررت أن أصعد ذلك الجبل الأحمر الشاهق
حيث يوجد غار في أعلاه فإما أن أجد سحمان أو اسبر البر البعيد لأستدل على بعض معالم الطريق وقد أتيت لكم
بصورته لتشاهدون شموخه وفي الغار قلت اباتا من الشعر فإليكم الصورة والقصيدة
http://www.a7bk-a-up.com/pic/a2a37129.jpg
عديت في راس الطويله كما الطير=اللي فقد فرخن من العش ما طار
احبر سطورن بها القاف تحبير=وازعج مع البيدا تواريخ واشعار
وزويت نفسي وسط غار بمعاسير=ارقب عيارن ما درج فيه ديار
واسلي حسوسي عسى بجيتي خير=يالله عسى المقبل من الوقت معطار
يالله عسى المقدم علينا تباشير=وبقيت انا مع مبطي الوقت بالغار
جازت لي الوحده بحمرن مكابير=عز الله اني بالطويلات صبار
اسلي احوالي على الزين ما غير=وانقش بوسط الغار للناس تذكار
من فوقي صقورن بروس المواكير=وكارا ومعها شياهين واحرار
تصيح لشافت نسورن كواسير=واترفرف بجنحانها فوق الاوكار
واخذت لي وقتن بجو التفاكير=لما توارا النور عن كل الانظار
والوقت توه ما دخل وقت العصير=واثره تباشير المزن فيها الامطار
وتراكب خشومه بلون المغاتير=واطرافها تلوي ركامه وتندار
وهبت صبا نسناسها كالمعاطير=تشحن مثاني مزنتن كنها نار
البرق يلسب جنبها يطفى وينير=ورعودها قامت تنادا بالاقفار
وبقيت انا بالغار لين التياسير=لما يزل السيل واتزول الاخطار
وبدت مراهيش السحايب نهامير=وتهامل الوابل طشاشن بالاحجار
وبدت شطوب الضلع تسرب مخارير=ثم دلا ماها يصفق بكل محجار
وتساربت عينن بعد المحاجير=وكل الخباري دورجت بين الاشجار
وامسى المطر كنه رشيق المحاوير=لدارت بزرعن من امواه الابار
وهبت نسايمها سواة المعاطير=والما تسارب من على روس الاحجار
وارتويت لغوف الهضاب المزاهير=والما بقى مع مبطي الوقت ما طار
وتخمرت كل النجود المغابير=والجو فاتح وارتوت كل الازهار
وفجأة يأتي سحمان إلى الغار ففرح بي وفرحت به فقلت لماذا لم تنزل عندما زهمتك فقال ظننت أن عندك أحد من
البشر فخشيت أن يقتلني فمكثنا في الغار إلى الصباح لأن المطر واصل هطوله إلى قبيل الفجر فرأيت رمال
بيضاء فسيحة من بعيد فقلت لسحمان فلنذهب إليها لعلنا نجد بغيتنا فانطلقنا إلى هناك فلما وصلنا وإذا أولها أرض
جرداء لا نبات فيها ثم تأتي بعض الأشجار الصغيرة فلما أدرت ناظري رأيت العجب العجاب رأيت ذلك الكوخ من
بعيد منفردا في تلك الصحراء فتعجبت لذلك فقلت لسحمان امكث هنا وأنا سأذهب إليه فإذا أعطيتك إشارة تحذير
فاهرب وانفذ بجلدك فلم يقبل بذلك وقرر أن يذهب معي إلى الكوخ وما يجري لي فسيجري له فانطلقنا على بركة
الله فماذا وجدنا هناك رأينا العجب طفلة تجلس بجانب الكوخ لوحدها ليس معها أحد وقد قلت أبياتا تحكي قصتها
فإليكم صورتها والقصيدة
http://www.a7bk-a-up.com/pic/87138270.jpg
توه صغيره ما تنامت بدنياه=تحمل بياض القلب داخل حشاها
سجت مع الدنيا على الزين مبداه=وانارت اللي حولها من صباها
تعرف خفاها من مبادي سجاياه=طفله تعرف طبوعها من حياها
بسمة حيا تظهر من اطرف شفاياه=ترسم لها حلمن يعانق مداها
فراشها رملن حمر يرسم خطاه=والثوب مع شمس الفيافي زهاها
لفح السمايم بالصحاري تحداه=شرسن عديم العطف يوم احتراها
لكن هذاك الكوخ بالقيض مذراه=وعلى ولي العرش قايم رجاها
مير الرضا فيها على العز قداه=تشكر وتحمد ربه اللي عطاها
تبدي مع الشمس الضعيفه خفاياه=العين ترسم ما غمض من عناها
والرمش يكتب حرفها في محياه=الخط واضح والمعالم تراها
ما همه اللي عن همومه تناساه=زهرة خزامى ناشيه في خلاها
عينه تشوف الشمس لينه تعداه=لما سواد الليل قام يغشاها
ما كنه الا الطير حزة معشاه=شيهانتن حمرا وما احدن قناها
وحيدتن بالوكر والريش غطاه=في شوحتن ما فوقه الا سماها
بنتن تناوبها الروابع بصحراه=قامت تقلبها من اول ضحاها
له قصتن فيها العجب حين تقراه=عاشت ثلاث سنين ما احدن ضواها
كل يوم من سحم الضواري تمساه=شرسات حول الكوخ تطلب قراها
وهي تعيش بوحشتن توجب طناه=تزرا على العالم ورا ما رفاها
امه توفت واغمست في مناياه=وابوه سكن قبرن بسافي عراها
عاشت وحيده والخلايق تعداه=واخوانها ماتوا ودفنوا وراها
ما له ونيسن راحمن له ويرعاه=من يقدر يحول بها عن عزاها
طفله يتيمه منهو يكفل ويحماه=وين الرحوم اللي يغير قساها
اطلب عسى رب المخاليق يا قاه=يلطف بحاله ينقذه من عناها
وفجأة وتختفي الطفلة شيئا فشئا وكذلك الكوخ حتى اختفيا تماما على مرآ من أعيننا فقرأت بسم الله الرحمن الرحيم
والمعوذتين وآية الكرسي فلم يمسسنا أي سوء فذكر الله أفضل من الشعر وغيره فانصرفنا وجد بنا السير واشتد بنا
الممشى حتى غادرنا المنطقة فبدأت بنا منطقة أخرى نرى من بعيد تلالها فلما اقتربنا منها على حلول الظلام وإذا
أشجار السمر الكثيفة فقال سحمان لا أستطيع المبيت بين الأشجار لا بد أن أكون في مكان فسيح فقلت نمكث الليلة
قبل أشجار السمر حتى الصباح فلما استرخيت بدأنا نتحاور أنا وهو بالأبيات الأتية
(( أبو عبد الله ))
عزاه يا سحمان سبت المطاويل=ودرهمت لشعاف الخلا المستقله
واتريد عيني تحضن النوم واتقيل=لاوالله اللي ما غفت مسفهله
وامنين انام وخاطري هام ويحيل=والواهسات حبال قلبي تتله
(( الذئب ))
يا بو عبد الله يركد الوقت ويميل=هذي هي الدنيا عدالن وخله
لكن تواسى يالسنافي على الحيل=لي طلبتن لامرن ترانا نجله
قدم لنا من بعض الايات ترتيل=تطرد خنيق النفس من كل عله
(( أبو عبد الله ))
جبته على الجرح المعطب يابا الليل=فالنفس آيات الوحي هي شفا له
لبدا من السبع المثاني مقابيل=لما آخر الناس اختم اجزاه كله
الحرف له عشرة حساني مثاقيل=ويزيح ربي للفتى كل زله
(( الذئب ))
حقيقتن ريعت عقب البهاذيل=ترا الذكر يبعد عن النفس عله
تقرا باكتاب الله بجوده وتمهيل=اخير من حكي اللغو عند شله
والناس ما له عن قضى المولى تبديل=وليا صعب دربك ترا الله يحله
(( أبو عبد الله ))
هذي حقيقه ما بها شك وتحليل=واكتاب ربي شرحتن ما نمله
والناس كله من بعد جيلن وجيل=في رحمة الغفار ومن تحت ظله
وما سيحدث من الغد في تلك التلال وما بعدها ستشاهدونه في الحلقة القادمة بإذن الله تعالى ولكم مني تحية وتقدير
مع تحيات ( أبو عبد الله )
ولم يحضر حتى ظهر الصباح فأقلقني هذا الأمر وجلست على صخرة وبدأت أخاطب نجد ببعض الأبيات وردت
نجد بأبيات مثلها فقلت لها
( أبو عبد الله )
يا نجد شوفي مرقبن في مفاليك=يم الشنانه صامدن مع عجاجه
يا نجد جور الناس طمن معاليك=يا نجد جور الناس زاد انزلاجه
يا نجد شومي عن عدون عثا فيك=سيلن بدوك زاد جرف اندجاجه
يا نجد فار الدم ربعك مضانيك=لا تبرمين الراس مثل الخواجه
يا نجد ضوح البرق عقب مساريك=مقفي عقب ما كان يقبل لعاجه
يا نجد ماحلا ماك باقصى مجاريك=واليوم غير حالي الما هماجه
يا نجد قلبي رجفنه دواكيك=كل رجفتن يعقد كريمن حجاجه
يا نجد ردي فالخليفه يحاكيك=ما ني من اللي بالحكاوي خداجه
يا نجد لجا القيظ جلدي يصاليك=الثريا تخفق يختفيبك سراجه
لرفرف المرزم بشرقن كما تريك=افرح يعل الصيف خفف سياجه
افرح لبان سهيل يا نجد واغليك=والكون يجري بامر ربي دراجه
يا نجد لجا البرد ناري تمسيك=بنسريتن ثار بجملك اهتياجه
يا نجد ذيبن بالعوالي عوا فيك=هرول على ارضك عكروله مزاجه
يا نجد شان المرخ باقصى المساليك=واثمامك اصبح مثل موزن خماجه
يا نجد حذرا قولت ام التهاليك=يا نجد ليقولون تسا هلباجه
يا نجد دلي بالفلا حايرن فيك=من الدلم لينه تعدى العجاجه
ومن حد سلمى راسمينن شماليك=لما قرينن للدلابح سجاجه
يا نجد يظهر فيك بعض الركاريك=لما شكى كيره وقشيعه واسواجه
يا نجد حذرا لا يجي شرك يرديك=ترا الغلو بصالحينك هماجه
يا نجد قولي ما خطر لك وانا اوحيك=ترا تقي الله دوم انفراجه
واضمك بصدري واجود غطاويك=واحطك بدارن نظيفن زجاجه
ترا اللي مثلي محرمن لك يسليك=يا نجد صدي عن دروب السذاجه
ما ني قوماني من احبار وبتاريك=لمن ديكه صاح قطقط دجاجه
مثلي موحد قال للرب لبيك=مخراجنا باسمه وساعة ولاجه
الواحد القهار بالغيث يسقيك=عظيم يسر للرسول العراجه
يا نجد طير الدور غرد يهنيك=كل ما اسفهليتي يزيد ابتهاجه
يا نجد قمرين على الراك يبكيك=يبعث لك لحونه سرورك علاجه
يا مزنة القبله عسى الله ينشيك=ويضا يسوقك سم نجد وفجاجه
يا نجد لا تنسين قافن يوصيك=عن كل دناسن تدنت ابراجه
حذرا ثراك يضم خبثن ملاويك=سبلن خطوها كل ابوها عراجه
يا نجد خلقن بالمعاسير تشكيك=والقول يا ليته مقالة سماجه
يا نجد ليلك مع نهارك حلا فيك=يا نجد بطناجك على ارضك مساجه
واصبر على بردك وقيضك واخليك=عمرن محدد ما يزود بحراجه
يا نجد من يقدر عن دهور يحميك=الا من اوجد من غنمها نعاجه
الرب سبحانه بالامواه يرويك=وان شا بعث زلزال خضك رجاجه
هبت رياح الكون يا نجد تلحيك=وحنا خطاوينا على ارضك سجاجه
ويوم القيامه ارضك تدك تدكيك=وتبس ضلعانك ابانن وعاجه
وما كان من نجد إلا أن ردت بهذه الأبيات التالية فإليكم هي
( نجد )
يابو عبد الله ماني اجحد ولا اخفيك=يابو عبد الله ترا عيني مسهاجه
تزرا علي وما تحمل مزاريك=واقبل اعذراي ما بقولي سماجه
لا شك اودك يا نظر عيني واغليك=ولا اتحمل نجعتك دون حاجه
يا بعد حيي صر شفيقن وابديك=خلن وكر وانت نداوي سواجه
لا شك خلق الله تبدل دواليك=تغيروا ما غير بقيت ابراجه
خلايقن جت هالليالي مشاويك=ما عندها غير الردى والرجاجه
اسهج عدوي بين هالخلق واغليك=والا مزاجي صابرن مع عجاجه
قل للمزن وش ابعدك عن مناشيك=الا ذنوب الخلق خالف نهاجه
قل للكريم اللي يودك ويغليك=اصبر ترا صبرك تقرر علاجه
لي زفرتن بالقيض تلفح وجانيك=تغيرت بوجيه ربعك بهاجه
نسريتي تاتي من اقصى المساليك=تهبه ديارن على ارضه ثلاجه
الذيب زبنته ضلوعن تهاليك=والصدر له طعسن بمسرا دواجه
واشجاري اليباس ما له تساليك=ما لي قصب يسقي ضماه اندجاجه
ما نيب تسا قل فيها التحاريك=افزع مع الغالي اليا عاز حاجه
ترا عدوي حصل ارضي مشاويك=والا حبيبي تعتدل له هواجه
والشرك ما لي فيه حيله وتحريك=تبا ليمنى نشرت له رواجه
يا حبي ما قصرت قل لي واسليك=واصبر لما الواحد يجيك انفراجه
تضمني واحس انا بالدفا فيك=ضمت شفيق لغروته في زواجه
بلغ طيور الدور وضعي كما الشيك=مرصود له بالبنك ماين يواجه
نوحي يا ورقا وابحنيني بسليك=واشوف نوحك ما له اليوم حاجه
نوحك طرب واخاف انا بحني اخويك=وان كثرت الونات صارت ضجاجه
يا قلبي افرش لك على ارضي سراميك=واخلي الوعره لجيته زراجه
لجل تجوبن ما تعثر خطاويك=واخطاك بخدودي مشوع بزجاجه
كله لجل ترضى يا عيني واداريك=واداري الخاطر ليقفل مزاجه
الشكوا لله تاكل ارضي عضاويك=امر الولي ما لي عنه من هجاجه
ولا ادري تدفن بارضي هذي او بذيك=او انك ابحر تلاطم امواجه
والكل منا رايحن دون تشكيك=والكل باعماله بالاخرى يواجه
وصلاة ربي عد ضرب النيازيك=واعداد سومات السلع في حراجه
فلم أخرج بنتيجة واضحة إلا أنني تسليت معها وأخذت بعض أخبارها فقررت أن أصعد ذلك الجبل الأحمر الشاهق
حيث يوجد غار في أعلاه فإما أن أجد سحمان أو اسبر البر البعيد لأستدل على بعض معالم الطريق وقد أتيت لكم
بصورته لتشاهدون شموخه وفي الغار قلت اباتا من الشعر فإليكم الصورة والقصيدة
http://www.a7bk-a-up.com/pic/a2a37129.jpg
عديت في راس الطويله كما الطير=اللي فقد فرخن من العش ما طار
احبر سطورن بها القاف تحبير=وازعج مع البيدا تواريخ واشعار
وزويت نفسي وسط غار بمعاسير=ارقب عيارن ما درج فيه ديار
واسلي حسوسي عسى بجيتي خير=يالله عسى المقبل من الوقت معطار
يالله عسى المقدم علينا تباشير=وبقيت انا مع مبطي الوقت بالغار
جازت لي الوحده بحمرن مكابير=عز الله اني بالطويلات صبار
اسلي احوالي على الزين ما غير=وانقش بوسط الغار للناس تذكار
من فوقي صقورن بروس المواكير=وكارا ومعها شياهين واحرار
تصيح لشافت نسورن كواسير=واترفرف بجنحانها فوق الاوكار
واخذت لي وقتن بجو التفاكير=لما توارا النور عن كل الانظار
والوقت توه ما دخل وقت العصير=واثره تباشير المزن فيها الامطار
وتراكب خشومه بلون المغاتير=واطرافها تلوي ركامه وتندار
وهبت صبا نسناسها كالمعاطير=تشحن مثاني مزنتن كنها نار
البرق يلسب جنبها يطفى وينير=ورعودها قامت تنادا بالاقفار
وبقيت انا بالغار لين التياسير=لما يزل السيل واتزول الاخطار
وبدت مراهيش السحايب نهامير=وتهامل الوابل طشاشن بالاحجار
وبدت شطوب الضلع تسرب مخارير=ثم دلا ماها يصفق بكل محجار
وتساربت عينن بعد المحاجير=وكل الخباري دورجت بين الاشجار
وامسى المطر كنه رشيق المحاوير=لدارت بزرعن من امواه الابار
وهبت نسايمها سواة المعاطير=والما تسارب من على روس الاحجار
وارتويت لغوف الهضاب المزاهير=والما بقى مع مبطي الوقت ما طار
وتخمرت كل النجود المغابير=والجو فاتح وارتوت كل الازهار
وفجأة يأتي سحمان إلى الغار ففرح بي وفرحت به فقلت لماذا لم تنزل عندما زهمتك فقال ظننت أن عندك أحد من
البشر فخشيت أن يقتلني فمكثنا في الغار إلى الصباح لأن المطر واصل هطوله إلى قبيل الفجر فرأيت رمال
بيضاء فسيحة من بعيد فقلت لسحمان فلنذهب إليها لعلنا نجد بغيتنا فانطلقنا إلى هناك فلما وصلنا وإذا أولها أرض
جرداء لا نبات فيها ثم تأتي بعض الأشجار الصغيرة فلما أدرت ناظري رأيت العجب العجاب رأيت ذلك الكوخ من
بعيد منفردا في تلك الصحراء فتعجبت لذلك فقلت لسحمان امكث هنا وأنا سأذهب إليه فإذا أعطيتك إشارة تحذير
فاهرب وانفذ بجلدك فلم يقبل بذلك وقرر أن يذهب معي إلى الكوخ وما يجري لي فسيجري له فانطلقنا على بركة
الله فماذا وجدنا هناك رأينا العجب طفلة تجلس بجانب الكوخ لوحدها ليس معها أحد وقد قلت أبياتا تحكي قصتها
فإليكم صورتها والقصيدة
http://www.a7bk-a-up.com/pic/87138270.jpg
توه صغيره ما تنامت بدنياه=تحمل بياض القلب داخل حشاها
سجت مع الدنيا على الزين مبداه=وانارت اللي حولها من صباها
تعرف خفاها من مبادي سجاياه=طفله تعرف طبوعها من حياها
بسمة حيا تظهر من اطرف شفاياه=ترسم لها حلمن يعانق مداها
فراشها رملن حمر يرسم خطاه=والثوب مع شمس الفيافي زهاها
لفح السمايم بالصحاري تحداه=شرسن عديم العطف يوم احتراها
لكن هذاك الكوخ بالقيض مذراه=وعلى ولي العرش قايم رجاها
مير الرضا فيها على العز قداه=تشكر وتحمد ربه اللي عطاها
تبدي مع الشمس الضعيفه خفاياه=العين ترسم ما غمض من عناها
والرمش يكتب حرفها في محياه=الخط واضح والمعالم تراها
ما همه اللي عن همومه تناساه=زهرة خزامى ناشيه في خلاها
عينه تشوف الشمس لينه تعداه=لما سواد الليل قام يغشاها
ما كنه الا الطير حزة معشاه=شيهانتن حمرا وما احدن قناها
وحيدتن بالوكر والريش غطاه=في شوحتن ما فوقه الا سماها
بنتن تناوبها الروابع بصحراه=قامت تقلبها من اول ضحاها
له قصتن فيها العجب حين تقراه=عاشت ثلاث سنين ما احدن ضواها
كل يوم من سحم الضواري تمساه=شرسات حول الكوخ تطلب قراها
وهي تعيش بوحشتن توجب طناه=تزرا على العالم ورا ما رفاها
امه توفت واغمست في مناياه=وابوه سكن قبرن بسافي عراها
عاشت وحيده والخلايق تعداه=واخوانها ماتوا ودفنوا وراها
ما له ونيسن راحمن له ويرعاه=من يقدر يحول بها عن عزاها
طفله يتيمه منهو يكفل ويحماه=وين الرحوم اللي يغير قساها
اطلب عسى رب المخاليق يا قاه=يلطف بحاله ينقذه من عناها
وفجأة وتختفي الطفلة شيئا فشئا وكذلك الكوخ حتى اختفيا تماما على مرآ من أعيننا فقرأت بسم الله الرحمن الرحيم
والمعوذتين وآية الكرسي فلم يمسسنا أي سوء فذكر الله أفضل من الشعر وغيره فانصرفنا وجد بنا السير واشتد بنا
الممشى حتى غادرنا المنطقة فبدأت بنا منطقة أخرى نرى من بعيد تلالها فلما اقتربنا منها على حلول الظلام وإذا
أشجار السمر الكثيفة فقال سحمان لا أستطيع المبيت بين الأشجار لا بد أن أكون في مكان فسيح فقلت نمكث الليلة
قبل أشجار السمر حتى الصباح فلما استرخيت بدأنا نتحاور أنا وهو بالأبيات الأتية
(( أبو عبد الله ))
عزاه يا سحمان سبت المطاويل=ودرهمت لشعاف الخلا المستقله
واتريد عيني تحضن النوم واتقيل=لاوالله اللي ما غفت مسفهله
وامنين انام وخاطري هام ويحيل=والواهسات حبال قلبي تتله
(( الذئب ))
يا بو عبد الله يركد الوقت ويميل=هذي هي الدنيا عدالن وخله
لكن تواسى يالسنافي على الحيل=لي طلبتن لامرن ترانا نجله
قدم لنا من بعض الايات ترتيل=تطرد خنيق النفس من كل عله
(( أبو عبد الله ))
جبته على الجرح المعطب يابا الليل=فالنفس آيات الوحي هي شفا له
لبدا من السبع المثاني مقابيل=لما آخر الناس اختم اجزاه كله
الحرف له عشرة حساني مثاقيل=ويزيح ربي للفتى كل زله
(( الذئب ))
حقيقتن ريعت عقب البهاذيل=ترا الذكر يبعد عن النفس عله
تقرا باكتاب الله بجوده وتمهيل=اخير من حكي اللغو عند شله
والناس ما له عن قضى المولى تبديل=وليا صعب دربك ترا الله يحله
(( أبو عبد الله ))
هذي حقيقه ما بها شك وتحليل=واكتاب ربي شرحتن ما نمله
والناس كله من بعد جيلن وجيل=في رحمة الغفار ومن تحت ظله
وما سيحدث من الغد في تلك التلال وما بعدها ستشاهدونه في الحلقة القادمة بإذن الله تعالى ولكم مني تحية وتقدير
مع تحيات ( أبو عبد الله )