هدد على حبارى؟؟؟؟

[راعي ام عشر]

السلام عليكم000
يالربع وصلتني الصوره عن طريق التليفون والحقيقه قلبت الصوره يمين
ويسار ابتعرف على الطير اللي هاد على الحبارى ماعرفته 0000 برأيكم
ايش نوع هالطير؟؟؟؟؟ واليكم الصوره000

http://up4.m5zn.com/photos/00111/SOTU50N2OXJV.jpg

[قلب شاهين]

والله مادري وش نوع الطير بس أقرب ماله حر ؟ والله أعلم ،،

ومشكور على الصورة ،،

تحياتي / قلب شاهين ،،

[فارس الصمان1]

مشكووووووووووووووووور

[أبوإبراهيم1]

أعتقد انه من مطافيق الجوارح وليس طير (صقر)
وهو يماسح الخرب ولا يبيه لأنه مانزل كفوفه
وجهة نظظظظررررر

[الطبشي]

السلام عليكم ورحمه الله وبركاته .... اخوي اتوقع فرخ شاهين جبلي

[طيرحوران]

اللي اشوفه طير حر مايبيله كلام
لكن الغريب في الصوره الخرب معطينا وجهه والطير معطينا وجهه والطير مابعد نش الخرب علشان يفتر الخرب ويعطيه وجهه
صوره غريبه عموما
ومشكور ياراعي ام عشر

[أبو فهد العيد]

ما اقدر احكم على الطير اللي في الصوره لأنه مهوب واضح.
لكن انا متأكد ان الثاني هو الخرب!!!!!يقاله جاب شي جديد! هههههه

[نبع الدموع]

شرح اخوي قلب ذيب ماهو بواضح لاكني اشوف ان هالحمَار لحر

[راعي الشلفاء]

السلام عليكم
الصوره مركبه و الدليل ان الطير مقبل و الخرب معطيه قفه وهذا ما يصير مستحيل

[الطبشي]

اللي اشوفه طير حر مايبيله كلام
لكن الغريب في الصوره الخرب معطينا وجهه والطير معطينا وجهه والطير مابعد نش الخرب علشان يفتر الخرب ويعطيه وجهه
صوره غريبه عموما
ومشكور ياراعي ام عشر


اخوي طير حوران والله دار راسي انا اشوف الطير مقفي ماهوب معطينى وجهه
مسح على الخرب وهو مقفي والخرب معطينا وجهه وعطاها المصور صوره

[راعي الشلفاء]

اخوي طير حوران والله دار راسي انا اشوف الطير مقفي ماهوب معطينى وجهه
مسح على الخرب وهو مقفي والخرب معطينا وجهه وعطاها المصور صوره




وشلون مقفي ماتشوف الجنحان الطير مقبل

[راعي ام عشر]

شاكر للجميع المرور والتفاعل000 كلا باسمه00

[أبو رداد]

هههههههه صوره جميله
ونوع الطير صعب تشخيصه
واشوف الطير مقفي .......

[بو هاشم]

الله يعطيك العافيه


على هالصور ماتوقع انه طبيعيه
شكلها مركبه

[راعي المقناص]

يالربع الطير مقفي احفظ الصورة وقربها توضح لك كما ذكر أخوي الطبشي

[طارق الحربي]

الطير مقفي مافيها كلام عقب مامسح على الخرب بس سرعه التصوير تخلي الصورة غريبه شوي يتوقع الشخص انها مركبه


والطير اتوقع انه جبليه

[abu naif]

الله والعالم ان الطير مقفي (متعدي الحبارى ) يعني قد هد عليها

[شبراق]

مشاءالله تبارك الرحمن
التصوير راااااائع مشاءالله
تسلم يمينك
بالنسبة للطير مهب واضح

[طلآل]

السلام عليكم ,,,

الي اشوفه الطير مقفي مافيها كلام وللحين ماوصل الخرب يعني التصوير تم بلحظه الهدد والطير متوجه للخرب تم التصوير وهو بعده ماوصلها

[بو غازي]

السلام عليكم ورحمه الله وبركاته
الطير مقفي والطير فرخ شاهين
ويعطيك الف عافية راعي ام عشر على الصورة

[جارح العين]

الله يعطيك العافيه

[لعّاب المنايا]

ودي بس ما طلعت الصورهـ