ســـكــتــون ديــانــا ؟؟؟؟؟؟

[ابووتركي]

السلام عليكم ورحمة الله
اسعد الله اوقاتكم جميعا بلا تخصيص
في منتدى اصبح منارا على الشبكة العنكبوتية
وشمعة لمجالس السمر البرية (ان شاء الله تكون المقدمة مناسبه:rolleyes: )

الموضوع ياشباب عرض على سكتون ديانا منظرها زين
بس عذروبها السبطانه بها حذفيه للاعلى وشلون تتعدل او نبدل سبطانه كامله
نبي استشارتكم ياذيابه الله يجزاكم خير.

علما ان اخوكم من هل الشرقيه .تحياتي لكم

[أقلط]

وعليكم السلام

نصيحة اذا كنت بحاجة اشتر جديدة وافتك من التصليح

وحياك الله وبياك بيننا في مكانك

تحية وترحيب

[ابو عمر النوح]

مساك الله بالخير أخوي ابو تركي ، أنا مثلك أعاني من نفس المشكلة و عندي وحدة وارد ديانا مشتريها لي الوالد رحمة الله عليه من عام 1401 هـ من الرميح في الرياض و متحسف بها و مسميها العوجا و عسى الله يرزقنا واحد يسعفنا في إصلاحها و اللي عندي تحذف يسار و تحت شوي علما إني غيرت الميشاف و العلمان فيها و لا نفع .

[winchester]

بسيطه أخوي عدل السبطانه
والطريقه ضع السبطانه بين السست والبدي (السياره ددسن) وأضغط بهدوء وخفه
وأن شاء الله تضبط
دمـت بود

[ابووتركي]

شاكر لكم ردودكم جميعا :o
لكن اهل الخبرة ما سمعنا منهم شي ولا يهون الشباب

اذا كان مالها حل الظاهر نقطها بالدرام ولا نخليها عصا للراعي :confused: :confused: :confused: :confused: :confused:

[EFI.4500]

باقوه تعدللللللللل

[ابووتركي]

اخي Efi

وشلون بالقوة تعدل

وشكرا على مرورك

[gsb]

ودها مخرطة ولا مرشة حدادة وألامنيوم عندهم مخارط تعدلها مظبوط وبوزن

[ابووتركي]

اخوي gsb تقوله صادق مخرطة والله
اخوي معليش لاتزعل انا انشد عن سكتون مهوب هوبات الله يهديك

اشكرك على مرورك ولاتزعل مني عرفى عن المخارط محدود

[راعي الشلفاء]

السلام عليكم
والله يا ابو تركي رحمتك من هلي يردون عليك حطه بين سست او وده للمخرطه وش هلخرابيط
وده ونا اخوك لم الرمايه يعدلونه ونت واقف ويخذون اظن 30 ريال وتجربه عندهم

[ابووتركي]

راعي الشلفاء بيض الله وجهك هذا الكلام العدل :good:

الشباب ماقصروا كلن وعرفه وان شاء الله الكل يستفيد ;)

اخوي راعي الشلفاء شاكر ومقدر مرورك الله لايهينك

[أبوقزاز]

ههههههههههههههههههههههههههههه

ابد خذ كلامه ماعندي زود عنه

اخوي\ راعي الشلفاء

[ما رميت بشوزن]

يب وين الرمايه ذا انا عندي ديانا 27هبلت بي اطلع طلعه اجيب 6 طيور بالكثير لا بعد يمكن اخطي 10 ولهب من ركاده وما ركاده انا زين رميي حتا منول كان معي وحده مهبوله اروح لم مكان مافيه شي يمكن ما اخطي

الى مره بس وين الرمايه خل ازينه عنده

ومشكورين

[mogbl]

لو تحط عليها دربيل ما يحل المشكلة

[أبوعبدلله99]

ولله وانا اخوك زي المشكله وركبت دربيل ومشي الحال

[أبوأحمد2006]

والله وأنا أخوك لا تبلش روحك بتصليح خذ جديده أحسن لك؟

[القنـاص2008]

اشتر جديد وفك نفسك من التصليح وانا من الشرقية وحياك معنا

القناص2008

[قناص الهمله]

الله يوفقك

[فتى مرات]

اخوي انت نفس حالتي بس رحت لرميح وضبطه لي 30ريال في فرع الملز ولا احلى منه
وارجو اني افدك
اخوك .فتى مرات.

[فتى مرات]

وازودك من الشعر بيت
يوزنه لك وتجربها عنده عنده مرمى على كيفك!!!

[أبوفهد السعيد]

عليك بالقوة اخوي
ما زود على الشباب

[الجواد الاصيل]

أخوي في محل في جده اللي هو (بن حميد) تراها يضبطها لك اذا كانت أول مره اما اذا قد انعوجت مرتين أو ثلاث ترى الحل هو إنك تغيرالسبطانه وهذا رقم المحل(026897676 )
وتقبل مروررررررررري .

[ابو عتب 511]

والله زي المشكله انا