مــــــــــــــن ويــــــــــــــــــــــن تـــــنـــصـــحـــونــــي اجيبه؟؟؟؟؟

[طير شاهين]

بسم الله الرحمن الرحيم
السلام عليكم ورحمة الله وبركاته
كيف حالكم شباب...انشاااا الله بخير..
صراحه ابي استشيركم في شغله...انا داش في خاطري طير فارسي ، في ناس انصحوني اني اجيبه من سوريا و سوق الصقور موجود في منطقة( تدمر) في سوريا ، على ما اعتقد...و ياريت الشباب اللي عندهم معلومات انشاااا الله ما يبخلون فيها..:) :what: واذا في مكان احسن ومشهووور وجود الطير فيه..:) خبروني
:confused:
ولكم جزيل الشكر..
مع تحياتي...:cool: :cool: :cool:

[المري]

مرحبا اخوي الصقر الاشعل وحياك الله بالنسبة للطيور الفارسية ان أعرف واحد

من الربع يجيبها من ايران كل سنة ولكن ماأدري باقي من شي او لا؟؟؟


والفارسي قليل جدا وخاصة المغاتير منها لانها الان شبه معدومه ام الطيور الخضر

الفارسيات فهي متوفرة ولكنها تجيك صغيرة الحجم يعنى ماهي زي الروسيات احجامها

كبار...

اخوك / المري

[طير شاهين]

كيف حالك...
انا دزيتلك اميل على اساس اغير الاسم المستعار ، عشان اتوكل على الله واتغيره بس الظاهر انه الاميل ما وصل..
وبالنسبه للفارسي ، انا اللي اعرفه انه غير مسموح فيه انه يخرج من ايران:confused:
والي قالي هل الكلام صقار يشتغل في الجمارك ، اما على سبيل المثال سوريا عادي ماكو مشكله
وبصراحه يا خوي داش بخاطري فارسي او الجير الابيض ، (المهم يكون ابيض )
فقلت من سوريا راح يكون ارخص ، واذا اطلعت السالفه صج مسموح من ايران فيكون احسن واحسن;) :)

مع تحياتي...:cool: :cool: :cool:

[ميراج]

الصقر الاشعل حياك الله اخوى

الطيور عموما الباكستانى والتركى والفارسى فى سوريا أغلى من دول الخليج أنا رحت لسوريا وشفت الاسعار هناك
والطير الفارسى اللى مهوب أبيض أشقر أو احمر متوفر فى الرياض سواء وحش ولا فرخ ولا بيتى وطيور وافيه وأسعارها معقوله ( كل طير عليه شد فارس فارسى )

تقبل تحياتى

[طير شاهين]

هلا فيك اخوي ميراج
كيف حالك...
الحين الطيور اللي بسوريا سعرهم غالي:eek: :eek: !!!!!!!كيف؟؟
وكذا واحد قالي، انه راح يطلع عليك ارخييييص..اللي اعرفه انه بالخليج سعره غالي
طيب ممكن تكتبلي بعض الاسعار الي انت شفتها؟؟؟
ووين موجود سوقهم بالضبط؟؟؟
والله يجزيك خير

مع تحياتي...:cool: :cool: :cool:

[ميراج]

الصقر الاشعل حياك الله

بالنسبه لموقع السوق فهو فى دمشق فى وسط البلد وهو عباره عن شارع ضيق لاتدخل معه السيارات

والمحلات على يمين ويسار الشارع ومكتوب على جميع المحلات مكتب الطير الحر لفلان وكل مكتب يعرض

الطيور اللى عنده فى محله وإذا كان عنده طيور غاليه طيور شيوخ يخليها فى بيته .

وأشهر اللى يبيعون ويشترون فى السوق هم ناس يقال لهم الرحيباويه وأذكر يوم كنا فى تركيا فى موسم

الشبك إذا طرحنا طير الصبح يدرون عنه قبل العزب اللى يمينا ويسارنا وإذا كان الطير المطروح طيب ياصلونك

فى نفس اليوم ويشترون غالى لأنهم لهم زبائن فى الامارات وقطر والسعوديه .

أما الاسعار فهى غاليه جدا لان أى طير ابيض يعتبرونه ممتاز خصوصا إذا كان صافى أذكر مره بيع طير بى ثلاث مليون ليره سورى ما يعادل مئتان وتسعون الف ريال والطيورالمجاهيم العايديه مافيه اقل من ثمان الاف ريال

انا عندى احسن اسعار هو سوق الرياض لكثرة العرض

تقبل تحيات اخوك ابو طارق

[طير شاهين]

هلا اخوي...ميراج
الحقيقه ما ادري شقولك :( ضاق خلقي من هل الكلام
بس اللي انا اعرفه انه عملتهم بالنسبه لنا في الخليج راح اتكون ارخيصه حيل..
اذا على هل الكلام ، اجل ماكو فايده ، هذا اهو سعره في الخليج:(

مع تحياتي...:cool: :cool: :cool: