وش رايك؟

[بو غازي]

السلام عليكم ورحمه الله وبركاته
اخواني ودي اخذ رايكم بموضوع زيارة الطير في المقيض
اذا كنت صاحب مقيض ورابط لك خمسين طير ؟
وكلمك راعي طير يبي يشوف طيره هل ستوافق او لا؟
ولاتنسى بانك راح تفتح باب يعني خمسين شخص راح يجون يشوفون طيورهم بعدين ممكن ان البعض يفكر ان الالفين او الثلاثةاو الافين وخمس هي تمكنه من انه حتى يطق باب الاستراحة ويطلع له العامل ويدخل الرجال ويقوله ابي اشوف طيري طيب يمكن انت بشوفة طيرك ممكن انك تضر طير اخر ؟ بدخولك هذا ؟
انا بصراحة مانيب راعي مقيض ولا شي لاكن ابي اعرف رايكم بالموضوع ؟
وشكرا لكم

[راعي عساف]

السلام عليكم ورحمة الله وبركاته
اول شي مشكور على هالموضوع المهم ,انا ضد الشي هذا ولو كنت راعي مقيض اول شرط عندي
ان صاحب الطير مايجي يقول ابي اشوف طيري ,لان معاه طيور خلق الله ومثل ماقلت يمكن طيور الناس
تتضرر من دخول الشخص وايضا مثل ماقلت راح تفتح عليه باب كل يوم مكلمه واحد بيشوف طيره
هذا رايي والله يعين اهل المرابط على هالنوعيه من الناس

[جارح العين]

طبعا كل واحد له حق يشوف طيره خصوصا انه مايشوفه الا بين فتره وفتره ويشتاق له
لاكن مايسمح لاحد يدخل المربط الي يبي يشوف يطيره يطلعونه له
ويشوفه ويلعب هو وياه لين يخلص

[بو غازي]

اشكر مرووركم الكريم وتعليقاتكم على الموضوع
نتمنى نشوف اراء الجميع

[alajmi110]

يا مرحبابك يا ابو غازي
اذا صاحب الطير حب انه يشوف طيره (هذا من حقه ) ما احد يقدر يمنعه ولكن بحدود
يعني راعي المقيض يقوله.... انا ما اقدر ادخلك على الطيور كلها ( وهذا من حق راعي المربط )
ولكن يحدد له ساعه معينه في اي يوم يجي ويشوف طيره
ولكن...... انا معا الشخص اللي يحرص على شوف طيره مثلً كل شهرين...
فيه واحد من الشباب رابط له طير عند رجال راعي مقيض يقول راعي الطير انا يوم اربطه باقي معه اربع اربع
يقول واجلس شهرين من يوم ما ربطته يقول وكلمه تلفون.... واسأله عن الطير يقول با قي معه اربع اربع
قاله تأكد يمكن الطير مريض والا شي قال الطير سليم........ واتضح اخر شي ان راعي المربط ما يعرف عن اي طير يتكلم عنه ( الا عقب ما جاها صاحب الطير )
انا با النسبه لي رابط ثلاثه طيور..... والله ما طرالي اجيها اشوفها ... ولكن كل شهرين اخذ علومهااا
ابو غازي الله لا يهينك وشاكر لك الموضوع الهام

[فارس 74]

اسعد الله اوقاتكم

انا والله ضد ان راعي المربط يسمح للناس بالدخول للمربط

واذا راعي الطير من النوع اللي يفكر كثير بطيره يخلي راعي المربط يطرح الطير ويشوفه

وشكرا علي هالموضوع المهم.

[أبو رداد]

وعليكم السلام ورحمة الله وبركاته

وش الضرر الي يصير اذا احد (شاف) طيري في المربط ؟؟
هههههههه اظن مافي ضرر ... خل الي يشوف يشوف
,,,
اعتقد ان الي وده مايشوفون طيره يسويله مقيظ خاص

[قلب شاهين]

يا مرحبابك يا ابو غازي
اذا صاحب الطير حب انه يشوف طيره (هذا من حقه ) ما احد يقدر يمنعه ولكن بحدود
يعني راعي المقيض يقوله.... انا ما اقدر ادخلك على الطيور كلها ( وهذا من حق راعي المربط )
ولكن يحدد له ساعه معينه في اي يوم يجي ويشوف طيره
ولكن...... انا معا الشخص اللي يحرص على شوف طيره مثلً كل شهرين...
فيه واحد من الشباب رابط له طير عند رجال راعي مقيض يقول راعي الطير انا يوم اربطه باقي معه اربع اربع
يقول واجلس شهرين من يوم ما ربطته يقول وكلمه تلفون.... واسأله عن الطير يقول با قي معه اربع اربع
قاله تأكد يمكن الطير مريض والا شي قال الطير سليم........ واتضح اخر شي ان راعي المربط ما يعرف عن اي طير يتكلم عنه ( الا عقب ما جاها صاحب الطير )
انا با النسبه لي رابط ثلاثه طيور..... والله ما طرالي اجيها اشوفها ... ولكن كل شهرين اخذ علومهااا
ابو غازي الله لا يهينك وشاكر لك الموضوع الهام

أنا أتفق مع كلام أخوي العجمي ،،

ومشكور جدا على الموضوع يابو غازي ،،

تحياتي / قلب شاهين ،،

[بو غازي]

العجمي
انا رأي من رايك
شايف خير
بعد مع رايك
بو رداد
بو رداد انا اقصد طير الرجال الي مقيض عند راعي المربط
اذا كل بين اسبوع مثلا جا يبي يشوف طيره مهوب طيري انا ولا طيرك يدخل عليه احد يبي يشوفه هذا موضوع ثاني
اشكر الجميع مرووركم الكريم ووجهات نظركم التي لابد لنا ان نحترمها
وارجوا التفاعل مع الموضوع اكثر

[سلطان 1]

لا بالله الا الحق اني اشوف طيرى 0 بس بين فتره وفتره 0 انا صار معى قد قيضت طيرين لي عند احد المرابط 0 وقال لى لا اشوفك الا بعد سهيل ب20 يوم 0 المهم وافقت على شرطه 0 وراحت الايام وبعد شهرين يالربع اراد الله وجاني واحد من اخوياى وقال خلنا نروح نشوف طيورك قلت الرجال يقول لا تجى الا بعد سهيل قال انا اعرفه وامون عليه قلت يالله رحنا للمقيض ويوم فتح الباب وشافنى راعى المقيض لا كنه مصفوق على وجهه 0 قال عسى ما شر قال خويى ابد نبى نشوف الطيور 0 قال والله طيورك واحد ضرب الشبك وانجرح صدره وربطته واللتوا المربط على كراعه وبغى يقص كراعه 0 قلت الثانى اربه سالم قال الثانى جاه جرح فى بوزه وكويته 0 المهم قلت ابشوفها ودخلنا على الطيور قسم بالله يالربع انى ما عرفت طيورى تقول صاير لها حادث سير 0 اخذت طيورى فى نفس اللحضه وعطيت الباب 0 وحسبى الله 0 بصريح العباره الصقار له الحق انه يشوف طيره من وقت الى وقت0

[المان العرب]

انا من راي العجمي وابو رداد وراعي فاروق
لوني في محلك ياراعي فاروق ربطة صاحب مقيض في محل اطير وقص كراعه وهاذا مايستحي في حلال المسليمين

[بن قرمله]

بشوف طيري وتجي العافيه انشاء الله

[ابرق العزاف]

شكرا لك
لااحب احد يدخل على الطيور اثناء المقيض
يشوف طيره من وراء الشبك 00 بعض روايح العطور تثر على الطير اثناء المقيض

[الرقعي]

السلام عليكم ورحمة الله وبركاته اما بخصوص انك يراعي الطير تجي بين فترة واخري وتشوف طيرك هذي مافيها شي بعكس هذي تجعلك تري طيرك علي حقيقته اذكان به مرض اوكسر اوضربه وتري كم باقي به من الريش بعض اهل المرابط تسئله عن الطير مك باقي معه يقول ثنتين وتجي بعد شهر تسئله كم باقي معه يقول ثنتين وتجي نهية الربطه كم باقي معه يقول ثنتين وناس تقنص ونت باقي ثنتين وشكرن

[alajmi110]

وعليكم السلام ورحمة الله وبركاته

وش الضرر الي يصير اذا احد (شاف) طيري في المربط ؟؟
هههههههه اظن مافي ضرر ... خل الي يشوف يشوف
,,,
اعتقد ان الي وده مايشوفون طيره يسويله مقيظ خاص
يا مرحبا فيك يا ابو رداد.......
انا راح اتكلم عن ربط الطير فا الارض ما هو عن الطلق
اذا انا جيت ابي اشوف طيري وهذا من حقي .... والطير الله يسلمك مربوط معه 30 او 50 طير وطيري طول الله في عمرك في اخر المربط وانا ابروح واجلس عند الطير واشوف صحته كم باقي معه من الريش ..... المهم
انا لازم اني راح امر على عدة طيور حتى اوصل لوكر طيري .... الطيور هذي ما راح تكافخ ما راح تملع
حط احتمال بعض الطيور يمكن ينكسر ريش من جناحه والا ينفضخ فيه ريش من مكافخ الطير.....
من يتحمل مسؤلية الطير في ذالك الوقت...
المسأله ماهي ضرر اني اشوف طيرك وتشوف طيري

[رتقاوي]

السلام عليكم ورحمة الله
والله ياشباب اللي اعرفه انه من بعض اسباب تاخير وتوقيف الطير بالحذف....

تردد الناس على الطير والمرور بين الاوكار.
نقل الطير من مربط الى آخر .
كثرة العلاجات الوقائيه المبالغ فيها .

ولكن مايمنع...
انك تباشر الطير مع راعي المربط بالتلفون او احد اخوياك .
او مشاهدته عبر القزاز العاكس في بعض المرابط .
او من خلف الشبك وقت العشا لمشاهدة طبيعه علف الطير وحرارته

وهذا من رايي الشخصي وثقتي بالمربط

[بو غازي]

السلام عليكم ورحمه الله وبركاته
اشكر جمييع من شاركنا رأيه
وعسى الله يظهر طيورنا غاسلة وصافة وتعودونه كل سنة انشالله
:)

[الطبشي]

السلام عليكم ورحمة الله
والله ياشباب اللي اعرفه انه من بعض اسباب تاخير وتوقيف الطير بالحذف....

تردد الناس على الطير والمرور بين الاوكار.
نقل الطير من مربط الى آخر .
كثرة العلاجات الوقائيه المبالغ فيها .

ولكن مايمنع...
انك تباشر الطير مع راعي المربط بالتلفون او احد اخوياك .
او مشاهدته عبر القزاز العاكس في بعض المرابط .
او من خلف الشبك وقت العشا لمشاهدة طبيعه علف الطير وحرارته

وهذا من رايي الشخصي وثقتي بالمربط


السلام عليكم ورحمه الله ... وانا اشارك اخوي رتقاوي الراى .... وشكرا ابو غازي على الموضوع المهم

[أبو فهد العيد]

مشكور على الموضوع الطيب.
اولا:من حق اي صقار انه يشوف طيره في المربط ويزوره,
لكن قبل مايجي للطير يكلم راعي المربط,, عشان يواعده في وقت محدد, مثلا يواعده في وقت علف الطيور,, اويواعده علشان يطلع له الطير.ويشوفه خارج المربط.
ثانيا:بعض اهل المرابط يربط فوق سبعين طير, فلازم اننا نراعيهم..

[بو هاشم]

منحق كل واحد انه يمر على طيره يطمئن عليه
بس يكون من فتره الى فتره ويكون جاي لوحده مو يجايب القبيله معه

[وقاااااد]

من حق راعي الطير يشوف طيره من فتره إلى فتره
ولاكن لايضر اطيور الناس يعني مايدخل بين المرابط والطيور تكافخ وتكسر
يشوف الطير من عند الباب او الشباك وانتهى الموضوع

[شبراق]

والله ما اشوف شي يمنع من اشوف طيري بعدين انا ابذي الطيور بدخوالي منب غشيم ابقعد اركض بوسط المقيض ابحوسهن ابشوف الطير وبمشي ومن حقي اني اتطمن على طيري كل بين فتره وفتره

[نبع الدموع]

انا الحمد لله اربط طيوري عندي و لاكني اتفق مع اخوي العجمي ولا ازيد علية شئ.

لا هنتم

[بو غازي]

شكرا للجميع
شكلي غيرت رايي بروح اسير على طيري
:)

[أبوإبراهيم1]

يفتح الباب ويوريك الطير من بعيد ومايضر

[KAYD]

انا اقول من حق الصقار يشوف طيره ولكن بحدود لايجيني واحد كل يومين ثلاثة يقول ابشوف طيري على الاقل كل 3 اسابيع او كل شهر وبخبرة راعي المربط يشوف افضل حل للدخول على الطير او قضبه
يعطيكم العافية
تحياتي

[جار ابو علي]

انا ايد الي يشوف طيوره مابين فتره وفتره
والله يعينك يارعي فاروق