شاشة تلفزيون في السيارة

[الطيب]

السلام عليكم ورحمة الله وبركاته

انا من الناس اللي اسافر مع عائلتي بصفة مستمرة في عطلة نهاية الاسبوع و اعاني من مشكلة الاطفال اثناء المسير ... اما يكثرون من الصجة و اللجة ..... او يبلشوني ملينا .. ملينا ....... ولا كل شوي وقف نبي نفرغ الحمولة ............... ولا يتهاوشون....:mad:

و ابي طريقة تخليهم يلهون طول الخط ... و لقيت ان العاب السوني ممكن تصير هي احسن شي (مع مساوئ الاكثار منها)....

و لقيت ان السوني ما تطلب طقاقة (وات) لهادرجة و ممكن اشبكها بمحول 110 ...

لكن المشكلة في شاشة التلفزيون .... درت في الغرابي و لقيت بعض الشاشات لكن ماناسبتني


ليه ؟؟

علشان سيارتي باثفاينر و ابي الشاشة تكون في مكان مناسب للي راكب في المراتب اللي ورا ؟؟؟


احد مر بهالتجربة قبل كذا ؟؟

أرجو التكرم بالمساعدة ... و اقتراح مكان مناسب لتركيب الشاشة و السوني (طبعا المقصو هنا الشاشة الكريستالية LCD).


:)

[مرافق الطيبين]

هلا فيك اخوي

قدامك حلين واحد رخيص والثاني غالي

الرخيص انك تجيب من الشاشات الي في الغرابي وتشق لها مكان في مسندة او ظهر واحد من المقاعد الاماميه وبالطبع الشاشه وضعها مب صاير زين لانها مب بالمنتصف

او حاول انك تحصل شاشه تقدر تثبتها على التكايه الي بين المقعدين الاماميين وحطها في الاخر عشان ما تضايقك
واعتقد انه مكان مناسب وانك بتحصل بسهوله شاشه تركب لانها بتكون نفس طريقة تثبيت الشاشات الي تنحط على الطبلون


او انك تروح للوكاله اذكر انهم قد عرضو باثفايندر في معرض السيارات فيه شاشه لها قاعده دائريه وتتثبت في سقف السياره وتدخل وتطلع مثل شاشه الطياره بالظبط ولكن اتوقع ان السعر بيكون خيالي

[عاشق الصحراء 2]

هلا بك اخوي الطيب
الحل عندي
انا مريت بنفس المشكله واحسن حل هو......... بس غالي شوي
بالنسبه للشاشات الي عند الغرابي عيبها انها صغيره ومتعبة
والشاشه الي على التكايه تعكس الضوء وتوجع الرقبه
لاكن احسن حل هووووووووووووووو

شاشة كمبيوتر مسطحة قياس 15 بوصة
توضع خلف المقعد فهي مريحه للنظر لانها كبيره وامام الراكب الخلفي مباشرة
وفيه انواع منها يجي فيها مخارج تلفزيون يعني للبلايستيشن والفديو مثل شاشات الفلبس
واسعارها من 1000 الى 1500 بس شي

اما الشاشات الصغيره فهي غير عمليه وهذا رايي

[ابورشيد]

فيه شاشه في الغرابي ممكن تركب في السقف مكان اللمبه وممكن تسفطها وهي ايضا فيها لمبه واذا عندك سيدي في المسجل ممكن يحولونه لك الي فيديو سيدي
الشاشه حجمها كبير وممتاز وممكن تشتري اشرطة افلام كرتون من عند سوق الكمبيوتر في العليا المنسوخه بسبعه ريالات للشريط
لكن جربها وانت عندهم
ترا البياعين يجونك اول ماتوقف السياره ويعرضون عليك قوائم باللي عندهم
عز الله انك تبي ترتاح وتنبسط في الطريق وتقول ون حنا عن هذا من زمان

[desprado]

نصيحة ركب في الوكالة فرق السعر مو كبير ولكن اضمن والنوعية الي عندهم ممتازة

[اسير الجراح]

مشكوررررررررررر


اخوى ماقصرت الله يعطيك العافيه 0