افيدوني بمعنى هذا الكلام اللي مكتوب على الشوزن

[ابوعاشق فهد]

stevens model 94 series p
2 3/4&3 inch shells
savage arms westfield mass u s a -
ومحفور عليها رقم خمسة وحوله مربع ايش معنى هذا
ومحفور عليها بالخط العريض GA12

هذي الشوزن ام روح (طلق واحد) امريكية اسأل من يعرف مميزاتها وعيوبها وهل هي قوية ام غير ذلك
طول الماسورة (الصبطانة 81.5 سنتيمتر) يعني بالانش 32 انش

[ردن]

ماركه ستيفينزموديل 94 طول السبطانه 32 انش

****

وانشالله يفيدونك الاخوان

[مصوّب الدّخل]

.
.
ابوعاشق ..

مساك الله بالخير ..

أولا البندق هذي لا تفرط فيها لأن ماركة ستيفنز ممتازة مررررة .. طبعا خبرتي قديمة بالشوزن قبل أترك الصيد حسبي الله على من حال بيني وبينه ..!

ثانيا ترجمة هالكلام :

سلسلة ستيفنز 94
3 / 4 بوصة
بندقية رش رصاص
وستفيلد- الولايات المتحدة الامريكية

هذي ترجمة حسب ما أتوقع صراحة لأني أهجي الإنجليزي شوي شوي وأجيب بالمعنى خبرك خابر ..
.
.
وهذا النوع الجديد منها :
http://www.armsbid.com/8webpix/771.jpg

[ابو سفيان]

نوع جديد وهذي الي قدم وشهي يخوك

[ممتر البران]

مرحبا ستيفنس غنيه عن التعريفف
لكن عندي سوال من متى وهي معك ولا توك شاريها
بالعربي وين لقيت الكلمه هذي مكتوبه على الماصوره ولا وين؟؟؟
savage


وهذي وين لقيتها؟
stevens
احتري الاجايه شاكر ومقدر
تحيتي لكم
ابو سعد

[ابوعاشق فهد]

السلام عليكم اشكر اخواني على سرعة الرد

الكلمات مكتوبة على السبطانة
البارودة قديمة معي
وكنت اسمع انهن ما يتحملن الفشق الحديث لان ضغوطه عالية فكتبت ما حفر عليها لعل احد الاخوان عنده خبره يفيدنا
ولنا فترة طويلة ما استخدمناها واذكر قبل ثلاث سنين كنت اتقنص بها كان فيه نوع من الفشق القوي ينشب بيها يا الله نطلعه والفشق الخفيف النتاش يخرجة

[الستانس]

نموذج ستيفنز سلسلة ف 94
2 3 / 4 بوصة و 3 قذائف
الاسلحة وحشية وجماعيه وستفيلد امريكي

هذي هي الترجمه واحنا حاضرين في أي شي.

[ابوفهيدان]

حبيبي بندقك طيبة والله يطعمك منها ويكفيك شرها
ودام مكتوب عليها 4/3 2 و 3 هذا يعني ترمي لغاية 3 انش يعني حدها ضغط 52 وتحت