حفرلوجيا
13/12/2003, 07:51 AM
سلام يالربع
صاحب لي يوم الاربعاء الماضي طلب مني أوصله شلته مجتمعين يبون يكشتون للصمان .. سألني ليش ماتخاوينا ؟ اعتذرت وقلت مشغول .. والله ( يسمح ) دربك وأشوفك إن شاء الله يوم السبت .
مجرد مانطقت ( السبت ) تكهرب الرجال وقال : تراك ضغطت على الجرح اللي يكدرني وهو يوم السبت وقت الربيع والكشتات ! .. كيف ؟!
أقول لك .. تعرف أنا موظف مايحصل الكشتة إلا نهاية الاسبوع .. ويوم السبت اذا رجعت من البر تقلبه علي ( أم العيال ) مرات نكد وأحيانا سعد! .. مازلت لم أفهم ؟! .. قال خلني أبين لك موقفين بعد رحلتين مختلفتين تشوف التناقض على كيف كيفك !! .. سم .. أرسل ياصاحب .
قال : مرة رجعت يوم جمعة كاشت مع ربعي بالنفود ثلاث أيام .. وحصل تأخرنا في أحد الهجر وحنا بطريق العودة .. نصيت – الله يكرم من يقرأ – دورات مياة بإستراحة وأخذت دش وغيرت ملابسي ورجعت ( مهندم ) ماكأني كاشت بعد ماكنت اغبر .. يعني صرت ألق وراحت روايح الطبخ والنار اللي يتضايقون منها الربع بالديرة .. وصلت البيت متأخر وقابلتني ( المعزبة ) تسألني تبي شيء ؟! :love2:..قلت : لا .. مرهق وودي أنام !:(.. صحيت متأخر حول الظهر ماداومت .. سألت المعزبة وين القهوة والقدوع .. قالت بنفس شينة : اصبر خل أخلص من غسيل الملابس ! .. طيب يبطي الغداء ؟!.. قالت : ماطبخت قم هات غداء من المطعم ! :mad:إنا لله وإنا إليه راجعون شف وشلون رغم اني وصلت البيت مهندم و( هادي ) ..:cool:
عاد أنا قاطعته وقلت : بس عرفنا ليش النكد .. عطنا السبت الثاني اللي تقول متناقض .
قال : لا هذا غير .. كنت رايح للصمان خميس وجمعة وكانوا بعض عيالي مصاخين لكن الشلة ملزمين :confused: وحصل بكشتتنا كان مراحنا الليلة الأخيرة حول واحد زقرتي وعيار من المعارف ( راعي حلال ) وعنده نياق بالحاصبيات .. وصار يلزم علينا نشرب من حليبهن حتى ( تطقطق ضلوعنا ) .. كل وقت وكل ساعة جايب ( الطياس ) يقول ترى حليبها فياقرا ;).. ماأطول عليك رجعت ليلة السبت ونزلوني الشلة متأخر وكنت رغم اني ( مصيف ) لكن مستاسع صدري ومشتهي قهوة وقدوع ;).. طلبتها من ( أم العيال) بعد ماتطمنت ان العيال المصاخين متعافين وراقدين .. واسفهليت مع ام العيال وتطمنت على وضعهم وعطيتها علومي .. ونمت وصحيت بدري ومتعافي ( وعروق راسي تطقطق ) بعد مازهمتني أم العيال مجهزة مصابيب وحنيني :good: وتقول إذا أنت مصيف خذها معك تفطر بالعمل .. وهذا اللي صار .. ورجعت بعد الظهر واجتمعت مع العيال على الغداء اللي صاير أشكال وألوان و...
قاطعت صاحبي وقلت : ( سبتك ) الأول يختلف عن سبتك هذا .. هنا راعيت مشاعر أم العيال ولهفتها وصرت حنون بسؤالك عن عيالك وعطيتها علومك وطمنتها على وضعك .. يعني احترام مغلف بتقدير .. أما السبت الأول يا( مهندم ) ماشربت حليب نياق وعند وصولك طنشت ( السؤال ) عن أم العيال ولا طرى عليك إلا النوم وتركت الضعيفة ..
وتبي الحق إذا ودك ( سبوتك ) تصير سعد بعيدة عن النكد .. فـ ( لأهلك عليك حق ) .. قبل تكشت لازم تصير ظروف عيالك مواتية ومتطمن عليهم .. وإذا رجعت خلهم هم أول همك . ولا يغريك دايما فتنة الكشتة حتى لو ربعك حسافة ..
-------- وإذا حصل ( كرع ) بحليب النياق حتى تطقطق ضلوعك وعروق راسك !! .. لكن صاحبي ( المكشاتي ) قبل وصولنا شلته طرح علي اقتراح غريب يقول : ليت المكشاتيين يقتنعون نشوف ثلاث مواقع متفرقة نحط بها رعيان ( ونجمع قطة ) نشتري خلفات .. هالمواقع هي 1- بعد التنهاة وانت رايح للصمان .. 2- وراء أم رقيبة وأنت رايح للحفر .. 3- حول قرية العليا أو معرج السوبان من شرق .... يعني اللي يبي يكشت من ( مكشات ) للصمان ( بس ) يصير ( محاصر ) بحليب النياق بالداخل والطالع ..هاه ..:D
اقول انزل وصلنا ربعك .. مع السلامة .. ولاتنسى حليب النياق .. يا .. ( مهندم )
وسلامتكم
صاحب لي يوم الاربعاء الماضي طلب مني أوصله شلته مجتمعين يبون يكشتون للصمان .. سألني ليش ماتخاوينا ؟ اعتذرت وقلت مشغول .. والله ( يسمح ) دربك وأشوفك إن شاء الله يوم السبت .
مجرد مانطقت ( السبت ) تكهرب الرجال وقال : تراك ضغطت على الجرح اللي يكدرني وهو يوم السبت وقت الربيع والكشتات ! .. كيف ؟!
أقول لك .. تعرف أنا موظف مايحصل الكشتة إلا نهاية الاسبوع .. ويوم السبت اذا رجعت من البر تقلبه علي ( أم العيال ) مرات نكد وأحيانا سعد! .. مازلت لم أفهم ؟! .. قال خلني أبين لك موقفين بعد رحلتين مختلفتين تشوف التناقض على كيف كيفك !! .. سم .. أرسل ياصاحب .
قال : مرة رجعت يوم جمعة كاشت مع ربعي بالنفود ثلاث أيام .. وحصل تأخرنا في أحد الهجر وحنا بطريق العودة .. نصيت – الله يكرم من يقرأ – دورات مياة بإستراحة وأخذت دش وغيرت ملابسي ورجعت ( مهندم ) ماكأني كاشت بعد ماكنت اغبر .. يعني صرت ألق وراحت روايح الطبخ والنار اللي يتضايقون منها الربع بالديرة .. وصلت البيت متأخر وقابلتني ( المعزبة ) تسألني تبي شيء ؟! :love2:..قلت : لا .. مرهق وودي أنام !:(.. صحيت متأخر حول الظهر ماداومت .. سألت المعزبة وين القهوة والقدوع .. قالت بنفس شينة : اصبر خل أخلص من غسيل الملابس ! .. طيب يبطي الغداء ؟!.. قالت : ماطبخت قم هات غداء من المطعم ! :mad:إنا لله وإنا إليه راجعون شف وشلون رغم اني وصلت البيت مهندم و( هادي ) ..:cool:
عاد أنا قاطعته وقلت : بس عرفنا ليش النكد .. عطنا السبت الثاني اللي تقول متناقض .
قال : لا هذا غير .. كنت رايح للصمان خميس وجمعة وكانوا بعض عيالي مصاخين لكن الشلة ملزمين :confused: وحصل بكشتتنا كان مراحنا الليلة الأخيرة حول واحد زقرتي وعيار من المعارف ( راعي حلال ) وعنده نياق بالحاصبيات .. وصار يلزم علينا نشرب من حليبهن حتى ( تطقطق ضلوعنا ) .. كل وقت وكل ساعة جايب ( الطياس ) يقول ترى حليبها فياقرا ;).. ماأطول عليك رجعت ليلة السبت ونزلوني الشلة متأخر وكنت رغم اني ( مصيف ) لكن مستاسع صدري ومشتهي قهوة وقدوع ;).. طلبتها من ( أم العيال) بعد ماتطمنت ان العيال المصاخين متعافين وراقدين .. واسفهليت مع ام العيال وتطمنت على وضعهم وعطيتها علومي .. ونمت وصحيت بدري ومتعافي ( وعروق راسي تطقطق ) بعد مازهمتني أم العيال مجهزة مصابيب وحنيني :good: وتقول إذا أنت مصيف خذها معك تفطر بالعمل .. وهذا اللي صار .. ورجعت بعد الظهر واجتمعت مع العيال على الغداء اللي صاير أشكال وألوان و...
قاطعت صاحبي وقلت : ( سبتك ) الأول يختلف عن سبتك هذا .. هنا راعيت مشاعر أم العيال ولهفتها وصرت حنون بسؤالك عن عيالك وعطيتها علومك وطمنتها على وضعك .. يعني احترام مغلف بتقدير .. أما السبت الأول يا( مهندم ) ماشربت حليب نياق وعند وصولك طنشت ( السؤال ) عن أم العيال ولا طرى عليك إلا النوم وتركت الضعيفة ..
وتبي الحق إذا ودك ( سبوتك ) تصير سعد بعيدة عن النكد .. فـ ( لأهلك عليك حق ) .. قبل تكشت لازم تصير ظروف عيالك مواتية ومتطمن عليهم .. وإذا رجعت خلهم هم أول همك . ولا يغريك دايما فتنة الكشتة حتى لو ربعك حسافة ..
-------- وإذا حصل ( كرع ) بحليب النياق حتى تطقطق ضلوعك وعروق راسك !! .. لكن صاحبي ( المكشاتي ) قبل وصولنا شلته طرح علي اقتراح غريب يقول : ليت المكشاتيين يقتنعون نشوف ثلاث مواقع متفرقة نحط بها رعيان ( ونجمع قطة ) نشتري خلفات .. هالمواقع هي 1- بعد التنهاة وانت رايح للصمان .. 2- وراء أم رقيبة وأنت رايح للحفر .. 3- حول قرية العليا أو معرج السوبان من شرق .... يعني اللي يبي يكشت من ( مكشات ) للصمان ( بس ) يصير ( محاصر ) بحليب النياق بالداخل والطالع ..هاه ..:D
اقول انزل وصلنا ربعك .. مع السلامة .. ولاتنسى حليب النياق .. يا .. ( مهندم )
وسلامتكم