محول الكهرب الاسود الصغير خربان افزعوا لي

[سيد الجو]

عندي محول الكهرب اللي يشبك في الولاعه خربانقد شبكت عليه لمبة شاحن لابتوب وعقبها مهوب طبيعياذا شبكته يشتغل ويطفي ويتغل ويطفي بسرعه ويطلع صوت زنةوالفيوز اللي داخلة زين ما انقطع ولا فيه شي واضح علية انه محترق وش تتوقعن الخراب منه وهل تتوقعون يتصلح لانه عندي من زمان ولا ودي اشتري غيره الا اذا اضطريت (( عشرة عمر انا وياه ))

[أبو بندر 2005]

ياطويل العمر مربه على محل صيانة الالكترونيات ويصلحونة ان شاء الله لأن العناصر اللي فيه مهيب معقدة و اتوقع انها متوفرة

[ارتست]

عزيزي سيد الجو خذها نصيحة مني مالك غير مكان واحد في شارع الزل عند الثميري، لاني جربت قبل فترة وفريت الرياض فر... الشمال والغرابي.... والثميري لحد مالله لقيت واحد يصلحة ، لأن من قبل فترة وعلى حد تجربتي كل المهندسين يقولون لك اصلحة وفي النهاية يعلقونك ولا يصلحونه ..
وفي الأخر لقيت واحد
الوصف<<<<< انزل مع شارع الزل وجهك شمال(شارع الزل إتجاه واحد ) وقبل يجيك إجباري يمين(شارع الثميري) بتشوف مواقف يمينك (فيها دورات مياة عامة - تكرم) إدخل الموقف وبتلاقي في زاوية المواقف الشمالية الشرقية سكة صغيرة فيها محل العمودي او العودة(نسيت) خش قبله في سكه يمين في نهايتها واحد يصلح جهازك بإذن الله <<<بحدود 30 - 40 ريال

[ابو باسل]

انا زيك محتفظ فيه وكل يوم اغير الايسيات ويخرب اخيراً شريت جديد وريحت راسي لان تصليحه مرتين بسعر الجديد