قدّر الله علي وأكلت هذا ... وياجماعة لساني طاح بالأرض ! مع الصور [الأرشيف]

مشاهدة النسخة كاملة : قدّر الله علي وأكلت هذا ... وياجماعة لساني طاح بالأرض ! مع الصور

شاهد عيان

31/05/2008, 10:13 AM

السلام عليكم ورحمة الله وبركاته

السالفة ومافيها رحت لمطعم ياباني .. وطلبت أكل من عندهم قلت بجرب هالأكل هل هو زين أو لا ..

طلبت وجبه وكان من ضمن الوجبه معجون لونه أخضر يشبه معجون الأسنان بس لونه أخضر ..وكميته تقريباً نصف أصبع اليد ..

المهم رحت للطاولة وسميت بسم الله .. وشفت هاللي لونه أخضر حسبته مثل الكاتشب أو المايونيز ..

وآخذ منه ( تقريباً نصف الكمية الموجودة ) وأكلتها مع رز ..

وأنا آكلها أشوف اللي قدامي بالمقلوب ! :confused:

جاني صداع وحرارة بالوجه ودموع وحرارة داخل الأنف وأحس مخي بدأ يغلي من حرارته وأنطمست عيوني مابديت أشوف لمدة نصف دقيقه .. ولساني مايدري وين يروح من قوة الحرارة ..

ومن قوة حرارته أكلت بقية الأكل دفعه واحدة لعل وعسى يروح اللي بي .. والحمد لله ..

ثم رحت للمحاسب وقلت وشو هاللي موجود بالطبق لونه أخضر ؟ قال لي هذا أسمه WASABI

وطريقته يوضع قليل منه لتحسين الطعم ... ورفيقكم أكل نصفه :D

بحثت عنه بالانترنت ولقيت هذه الصور لأخذ الحيطة والحذر ..
لاحظ هو موجود بالطبق تحت يسار اللون الأخضر :

http://www.ichibanwasabi.com/images/wasabi_sushi.jpg

وهذا هو .. صورة المنتج :
http://waynesword.palomar.edu/images/wasabi1b.jpg

هذا للعلم ومن باب التجارب ..:D

ابو ايمن

31/05/2008, 10:43 AM

بارك الله فيك

ماعليش وانا اخوك .. دفعت ضريبة لنتعلم منها نحن ...

بس ماقصرت في بحثك وطرح هذه المعلومات .. لك مني تحية عطرة .

حق الفيتو

31/05/2008, 10:46 AM

اجل معجون اسنان

بس زين جت ع الحرارة اشوى الي ما خلطت الزيت مع الماء

شكرن وشرهتك عالي راح مطعم ياباني

كان مروري ازعجك اطلب من المشرف حذف الرد

مدرب الطير

31/05/2008, 10:54 AM

يااخي وشلك بهالمطاعم الله يقلع بليسك
رح لم اقلرب بخاري وخذلك للي تبي
مشكور على المعلومه بس لزم نجربه هو وين يباع فيه

فل اوبشن

31/05/2008, 10:56 AM

ههههه حمد لله على السلامة ودي اجرب هالواسبي ..

شاهد عيان

31/05/2008, 11:11 AM

الأخ ابو ايمن
تسلم يالغالي وهذا من باب التجارب والمعرفة ... :D
تحياتي ...

الأخ حق الفيتو
يشرفني مشاركتك بالموضوع وبالعكس مشاركتك زادت من حلاوة الموضوع
وأنا أطالب المشرفين بعدم التعرض لمشاركة الأخ حق الفيتو :no2:
تحياتي يالغالي ..

الأخ مدرب الطير
هههههه الحين تقول وشلك بالياباني ... وتقول وين يباع فيه ؟ :D
تصدق أفكر بأنه يصلح منتج لإزالة العرق !:good:
تسلم يالغالي وعلى هذه المشاركة الرائعة
تحياتي

الأخ فل اوبشن
هو زين إذا كانت الكمية خفيفه بس تعرف حنا الأكل عندنا بالجملة :D
تحياتي

حق الفيتو

31/05/2008, 12:13 PM

الأخ حق الفيتو
يشرفني مشاركتك بالموضوع وبالعكس مشاركتك زادت من حلاوة الموضوع
وأنا أطالب المشرفين بعدم التعرض لمشاركة الأخ حق الفيتو :no2:
تحياتي يالغالي ..

وناسة عندي واسطة http://forum.ma3ali.net/images/icons/icon17.gif

عريدان

31/05/2008, 12:58 PM

تسلم ولا عليك إلا العافيه أهم شي كثر من شرب الحليب الطازج والبارد قبل تنوم يعني كوب-كوبين لمدة ثلاثة أيام - سبعة أيام ولا يتكون معك إمساك أو بواسير .

راكان المطيري

31/05/2008, 01:01 PM

وتسبدي تسبداه انت وش تبي بعيشتهم

جبال الهملايا

31/05/2008, 01:11 PM

كرم الله النعمـــــــــــــــــــة

وخذ الحكمة العربية (( إذا حدتك الظروف عليك بــ(( المزة ))

الطرقي 1

31/05/2008, 01:16 PM

ماحرك داواك بالعافيه انشاء الله

الضيغم

31/05/2008, 01:20 PM

هههههههههههههه عزالله منت بخير ..

الله لا يهينك يالغالي على هالنصيحه والشيء اللي نجهلووه لازم نوخر عنوه ومانقربلوه ..

عالعموم بالهنا والشفا ياسنايدي ..

أبو أيمن توقيعك جننا الله يحفظكـ ......!!

ناصح

31/05/2008, 01:23 PM

أجل أحرق لسانك هههههه

بسم الله عليك

انتبه في المرة الجاية

لا تاكل شيء إلا وانت عارف وش أصله ..

عموما اسمح لي سوف أغلق الموضوع لانه لا يمت للطبخات البرية بشيء

شكرا لك