هذي شفوفي قبل وقت النكوفه /يوم الخلايق بين شارب ومشروب

[الذعذاع الحربي]

بسم الله الرحمن الرحيم
الحمد لله والصلاة والسلام على أشرف الانبياء والمرسلين نبينا وحبيبنا محمد عليه أفضل الصلاة وأتم التسليم
أما بعد,,,,,
السلام عليكم ورحمة الله وبركاته
هذه قصيده متواضعه جدا قلتها من حبي للجيب والمقناص وطبعا( الخوة )أولا
أرجو ان تقرونها وتعطوني أي ملاحضه فيها وجزاكم الله خير


ياراكب اللي كاملات وصوفه
جيب على قطع الدروب ينوب
من وارد اليابان ترهيم جوفه
بديه مصفح ماعلق فيه ذاروب
ربع جديد مصفصفات بلوفـــه
ومشيه على قلبي تعاليل وطروب
لامن شريته مبعد بالحسوفه
شيك موقع بالمرابيح مكتــوب
اليا طرت لك ديرة لو بكوفه
عبه من الممتاز مشي ولاهوب
إحرص على زيوته وباقي حروفه
وشيك عليه من الصواديف لايعوب
وثور من الدقمه شرار يحوفه
متناضم الكهرب على السلف مشبوب
يعجبك في شكله وفعله وشوفه
مثل الخوي عند اللوازيم مندوب
بمقير ولا بعالي طفــوفـــه
على إختلاف الارض تلقاه مرغوب
وجه وتوجيهك على الله كلوفه
الواحد المعبود ماغيره ينوب
لديار مربا الصيد فيها تشوفه
هضب مهاديف طويلات وحدوب
مع خوة مافيهم اللي تعوفه
ربع محبتهم لها القلب مجذوب
يجلون عمسك بالعلوم الهدوفه
سوالف ماهي خثاريق وكذوب
هذي شفوفي قبل وقت النكوفه
يوم الخلايق بين شارب ومشروب




وسلامتكم

[جرير]

تسلم وصح لسانك

كلام جميل وقصيده زينه
ان لم اكن مخطئا اخر كلمه في البيت الاول تحتاج اعادة نظر.
لك التحيه