برميل مندي بالصور

[البريق السحري]

السلام عليكم ياجماعة

امس مريت على محطة ولقيت عندهم برميل مندي صغير وشكله حلو والغريب في الموضوع اني شريته ولا اعرف استخدمه وبغا فزعتكم الي يعرف كيف يسوي المندي فيه يفيدني الله لايهنه واتركم مع الصور.


http://www.mekshat.com/pix/upload02/images71/mk17809_bermeelmandi (1).jpg


http://www.mekshat.com/pix/upload02/images71/mk17809_bermeelmandi (2).jpg


http://www.mekshat.com/pix/upload02/images71/mk17809_bermeelmandi (3).jpg


والسلام عليكم

[اول 111]

1_حط في حطب علي الحسب الدجاج قليل 5 وسط ولحم 7 وسط حطب
2_بهذا الوقت ضبط الكشنه وبهر الدجاج ولحم
3_حط الرز فوق الكشنه اهم شي الماء تفور
4_نزل المركاب وثبت في البرميل
5_نزل القدر والحم والدجاج
6_غط القدر
7_علق الدجاج او اللحم
اذا كان دجاج من ساعه الي ساعه ونص اذا كان لحم من ساعه ونص الي ساعتين
موفق ان شاء الله

[أبن الجنوب]

عندي ملاحظه على هالنوع من البراميل عندي واحد مثله جايبه من الجنوب بس للأسف تصدع الطين اللي داخله من النار والسبب أنه هناك فراغ بين البرميل والطين الخزف لحقت عليه في اخر لحضه شلت طبقة الجبس البيضاء وطشيتها وسويت خلطه اسمنت ورمل وحشيت الفراغ مظبوط وهالحين صار له 5سنوات شيل وطلعات للبر وهو متماسك حاول تلحق قبل مايتصدع وبعدين تندم والله يبارك لك

[البريق السحري]

يعطيك العافيه اخوي اول بس فيه بعض الاستفسارات البسيطه
1- لازم حطب ولا ينفع فحم
2- اذا حطيت الرز فوق الكشنه احط عليه مويه فايحه وخليه على النار شوي ولا ماخليه
3- كيف كمية المويه اخليه فوق الرز بقفلتين زي الرز العايدي ولا اقل
4- اغطي القدر بقصدير واخرقه ولا كيف ولااغطيه بطباقة القدر نفسه
5- كيف اعلق الدجاجه وهل الدجاجه اخليها كامله ولا انصاف واذا كانت كامله يصلح احشيها مكرونه زي الغوزي
6- اذا طبقت البرميل احط فوقه بلكه واسمع ناس يقولون حط خيشه رطبه
معليش اخوي اول كثرت عليك الاسئله تحملنا الله يجزاك خير ترى خويك غشيم مندي.

يعطيك العافيه اخوي ابن الجنوب بس اذا شلت الجبس وحطيت اسمنت مايتغير الطعم وعند مين اصلحه مع العلم اني ساكن الجبيل .

[عاشق السيل]

ماقصروا الشباب الله يعافيهم ،،

وعساه عليك بالعافية ،، وتقبل مروري يالغالي .....

[الخادم]

السلام عليكم ياجماعة

امس مريت على محطة ولقيت عندهم برميل مندي صغير وشكله حلو والغريب في الموضوع اني شريته ولا اعرف استخدمه وبغا فزعتكم الي يعرف كيف يسوي المندي فيه يفيدني الله لايهنه واتركم مع الصور.


http://www.mekshat.com/pix/upload02/images71/mk17809_bermeelmandi (1).jpg


http://www.mekshat.com/pix/upload02/images71/mk17809_bermeelmandi (2).jpg


http://www.mekshat.com/pix/upload02/images71/mk17809_bermeelmandi (3).jpg


والسلام عليكم






الغالي
موضوع جميل و نقاش له فايدة
اخوي من وين شريتة و ممكن احصلة بالرياض و كم قيمتة

[اول 111]

1- لازم حطب ولا ينفع فحم
ينفع لكن الطعم يختلف شوي
2- اذا حطيت الرز فوق الكشنه احط عليه مويه فايحه وخليه على النار شوي ولا ماخليه
خله شوي
3- كيف كمية المويه اخليه فوق الرز بقفلتين زي الرز العايدي ولا اقل
زي الرز العادي
4- اغطي القدر بقصدير واخرقه ولا كيف ولااغطيه بطباقة القدر نفسه
لاتغطي القدر بل تغطي البرميل ويستحسن تضع قصدير ثم الغطي البرميل بغطاه
5- كيف اعلق الدجاجه وهل الدجاجه اخليها كامله ولا انصاف واذا كانت كامله يصلح احشيها مكرونه زي الغوزي
بالعامود الموجدود بالمندي الي له راسين اذا كانت كامل او اذا تبيها مقطعه بالشبك الموجود بالمندي
واذا كامله يصلحه تحشيها مكرونه لاتقصها بالنص وحشها وحطها بالشبك
6- اذا طبقت البرميل احط فوقه بلكه واسمع ناس يقولون حط خيشه رطبه
بنسبه لي ماحط ابلكه عادي هذا بالاخيار لك
تحياتي ....
اذا اشكل عليك شي اسئل وحنا نجاوب

[البريق السحري]

لخادم انا شاريه من محطه على طريق الدمام الجبيل وسعره 200ريال بس يمكن يكون سعره في محل ثاني ارخص
وفي الرياض مدري وين ينباع واذا احد من اشباب يدري يفيدنا


يعطيك العافيه اخوي اول وماقصرة وفيت وكفيت ونشالله بسوي فيه ذا الويكند وانزل الصور

[قناص ساكتون]

انا والله مالي خبرة في المندي

والله يعطيكـ الفــ عافية

[عاشق السيل]

الغالي

موضوع جميل و نقاش له فايدة

اخوي من وين شريتة و ممكن احصلة بالرياض و كم قيمتة



إذا طلعت من الرياض على طريق القصيم أو على طريق الدمام أو على طريق الخرج أو على طريق الثمامة أو على طريق الحجاز شف المحطات اللي على يمينك مليانة ،، لكن الأسعار والله ماعندي عنها خبر !!

[abo fajr]

سلاااام

محلات السنيدي يوجد فيه انواع براميل المندي روح وشفها عنده واشتر اللي يناسبك

عاد لا تسئليني وين السنيدي بالرياض



ولي موضوع بنزله قريب كيف تعمل برميل مندي مخصوووص

[البريق السحري]

ابشركم سويت امس مندي في البرميل اعلاه وكان المندي دجاجه
وطلع المندي حلو بس الحق حق مافيه طعمة المندي نهائي كأنه مطبوخ على القز حتى الدجاجه طلعت رطبه شوي مكأنها دجاجة مندي!! ليش مدري مع العلم اني شاب على حطب والكميه مهيب قليله
تتوقعون وش السبب؟ بصراحه انفك مخي من التفكير احاول اكتشف السبب بس ماوصلت النتيجه وشكيت في بعض الاشياء
1- نوعية برميل المندي يمكن مهيب لهناك
2- الحطب يمكن يكون مغشوش
3- خليته فترة 50 دقيقه. يمكن المفروض اخليه فوق الساعه
4- يمنكن قاععدالقدر(قطر قاعدة القدر)كبيره شوي فمسكره على الحطب بنسبة 80 %
هذي الاشياء الي اشك فيها والله اعلم
ارجو من اهل المندي بالمنتدى حل مشكلتي الله يوفقكم.

[سليمان 10]

في هذا البرميل باستطاعتك ان تشوي لحم اودجاج والنار مشتعله بداخله وذلك من اعلى البرميل 000

[ابومحمد vtc]

اخوي انا شريته من المحطات الي على خط الجنوب 250 ريال
وجربت فيه كبسه عليها حمام لاحم طلعت ولا احلى منها

[اول 111]

ظاهر الوقت والقدر

[الشقب1]

تســـــــــــــــــــــلم على الموضوع .

[ابن طيبة]

انا شريت واحد مثله من محطة بنزين اول ماتخرج من الرياض طريق القصيم
بسعر 320 واستخدمة ثلاث مرات وهو ممتاز لاكن وزنه ثقيل شوى واحس اني سعره غالى ....

[البريق السحري]

ابوسليمان
ابومحمد
اول
الشقب
ابن طيبه
شكراًعلى المرور

[دهران]

الأخ الغالي / الخادم

ما شاء الله تبارك الله وعاه مبارك

بشّر عساه زين (( يعني جربته ؟؟؟؟ ))



عندي ملاحظه على هالنوع من البراميل عندي واحد مثله جايبه من الجنوب بس للأسف تصدع الطين اللي داخله من النار والسبب أنه هناك فراغ بين البرميل والطين الخزف لحقت عليه في اخر لحضه شلت طبقة الجبس البيضاء وطشيتها وسويت خلطه اسمنت ورمل وحشيت الفراغ مظبوط وهالحين صار له 5سنوات شيل وطلعات للبر وهو متماسك حاول تلحق قبل مايتصدع وبعدين تندم والله يبارك لك

أنا مع أخوي أبن الجنوب لكن المشكلة إن الأسمنت والرمل بيزيد وزنه أكثر لكن كلامه ما عليه تعدي ....


أنا بالنسبة لي قد شفته في محطة الحجاز اللي قبل (( القدية )) وأنت طالع من الرياض غرباً (( طريق الرياض مكة السريع)) .


وهذي بعض الصور اللي إلتقطتها هناك :



http://www.mekshat.com/pix/upload02/images72/mk17809_bermeelmandi (1).jpg


http://www.mekshat.com/pix/upload02/images72/mk17809_bermeelmandi (2).jpg


http://www.mekshat.com/pix/upload02/images72/mk17809_bermeelmandi (3).jpg


http://www.mekshat.com/pix/upload02/images72/mk17809_bermeelmandi (4).jpg


http://www.mekshat.com/pix/upload02/images72/mk17809_bermeelmandi (5).jpg


وتقبل اعذب وأرق تحية.

[صقر العثمور]

اصبر لين النار تجمر ولاتستعجل باخراجه من البرميل عطه وقت وبالعافيه

[اوسكار]

شفة عند محطه يمين استاد الملك فهد بالرياض المحطه الي قبل المطب تصير على يدك اليمين والاستاد على يدك اليسار بالزاويه توجد المحطه والله نسيت اسمها المهم سعره عندهم 85 ريال تقولي مو معقول اقولك والله اني مشتري واحد منهم

[الخادم]

إذا طلعت من الرياض على طريق القصيم أو على طريق الدمام أو على طريق الخرج أو على طريق الثمامة أو على طريق الحجاز شف المحطات اللي على يمينك مليانة ،، لكن الأسعار والله ماعندي عنها خبر !!

اخوي عاشق السيل
ماقصرت و الله يرحم و الديك

[عذب الروح]

ماقصروا الشباب الله يعافيهم ،،

وعساه عليك بالعافية ،، وتقبل مروري يالغالي .....

[البريق السحري]

يعطيكم العافيه على المرور

[ريح الرمث]

تكسره بالعافيه بعد 1000 مندي متنوع :)

[السد الغزير]

والله انك فنان يالبريق السحري ... طريقة حلوة ومميزة .

[البريق السحري]

والله انك فنان يالبريق السحري ... طريقة حلوة ومميزة .
يعطيك العافيه على المرور الكريم

[مكشات وبس]

بالعافيه .... وهني إن شاء الله

[أبوحمدBenelli]

الإختراع جديد علي

تسلم ياصاحب التقرير

[سسسسسف]

وين الطريقة

[mp3]

يوجد في محلات الفخار في الشفاء وانت نازل الرياض

[خايف عليك]

موضوعك ماله داعي

[البريق السحري]

موضوعك ماله داعي
اذا ماكانله داعي ليش ترد وتكلف على نفسك
يمكن ماله داعي عندك بس عند غيرك له داعي
وياليت يكون اسلوبك ارقا من كذا في المره الجايه
لان اسلوبك يدل على تربيتك

[بندر الكبيري]

موضوعك ماله داعي


اعوذ بالله من بعض الانفس الشينه

ياخوي احترم الرجال وبلاش قلة ذوق

[م.بندر]

السلام عليكم ورحمة الله وبركاته
مبارك عليك هالزين
الله يطعمك خيره ويكفيك شره


هذا رابط فيه طريقة الطبخ في البرميل

http://www.mekshat.com/vb/showthread.php?t=204975

وهذا رابط لبيع البراميل موجود في مكشات
السعر 120 ريال

http://www.mekshat.com/vb/showthread.php?t=205558

[ألأطلسي]

لوسمحت كم سعره اخي الكريم

[العود&& الازرق]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟