يوسف الخليفة1
31/05/2008, 10:43 PM
ابا العلا وشبك على الراك غنيت=ما تدري انه جاوبتك المحاني
لجت كما ذيبن بروس المباهيت=في سرمدي الليل والفجر داني
يابا العلا من وين اكلت وتغديت=ما شفت انا الدخل بهذا الزماني
ابريل قفا واصرمن المنابيت=له سبعة ايامن وليلة ثماني
ما للمصيد اليوم يا صاحبي صيت=حتى الغرانيق اهجرن المكاني
هو انت مثلي ياابا الاقفار حنيت=والا طريحن في سراب الاماني
وش صار للدنيا حباله مفاليت=لا سلك مرقاعن ولا هي متاني
جربت انا الاقفار باقبال واقفيت=ودهلت اشيجع مع بلاد قحطاني
ومن حد رفحا لينه ارطاوي حليت=كله مشيته من طمان لعداني
ولقيت خلق الله على ما توريت=تفاوتوا ما بين عالي وداني
جربت من بعض الرسوم وتوحيت=وترا التجارب هي دلول المعاني
يا زين من صد بفلاتن عن البيت=في عزلتن ما داجه المودماني
ينسى غثا الزحمات بارض المكاشيت=بادعوب لولاحن بعيدن يباني
في طلحتن مافيها من برعمه ميت=واغصونها لدنن ثناها لياني
مورق رطيب الخبط حدره حتاويت=ريانة السيقان وارضه طماني
تستاهل انك يم قفره تعنيت=تشرح هوا بالك بليا مباني
هي ولعة النجاع ما منها مليت=وافرح بقرمن بالصحاري لقاني
اسير انا وياه وان تاه دليت=واسامره وارفاه ويضا رفاني
وان حل ركن الله زهمته وصليت=وبعد السلام الذكر يشفي كياني
واوزبت لسفوع المعاميل وادنيت=مهيله للكيف والعمر فاني
هذي حلاة الدو كان انت خاويت=هذي علومي من فصيح البياني
واصبحت مع دورات الايام وامسيت=ولا لقيت من الطواري سماني
( يوسف الخليفة )
لجت كما ذيبن بروس المباهيت=في سرمدي الليل والفجر داني
يابا العلا من وين اكلت وتغديت=ما شفت انا الدخل بهذا الزماني
ابريل قفا واصرمن المنابيت=له سبعة ايامن وليلة ثماني
ما للمصيد اليوم يا صاحبي صيت=حتى الغرانيق اهجرن المكاني
هو انت مثلي ياابا الاقفار حنيت=والا طريحن في سراب الاماني
وش صار للدنيا حباله مفاليت=لا سلك مرقاعن ولا هي متاني
جربت انا الاقفار باقبال واقفيت=ودهلت اشيجع مع بلاد قحطاني
ومن حد رفحا لينه ارطاوي حليت=كله مشيته من طمان لعداني
ولقيت خلق الله على ما توريت=تفاوتوا ما بين عالي وداني
جربت من بعض الرسوم وتوحيت=وترا التجارب هي دلول المعاني
يا زين من صد بفلاتن عن البيت=في عزلتن ما داجه المودماني
ينسى غثا الزحمات بارض المكاشيت=بادعوب لولاحن بعيدن يباني
في طلحتن مافيها من برعمه ميت=واغصونها لدنن ثناها لياني
مورق رطيب الخبط حدره حتاويت=ريانة السيقان وارضه طماني
تستاهل انك يم قفره تعنيت=تشرح هوا بالك بليا مباني
هي ولعة النجاع ما منها مليت=وافرح بقرمن بالصحاري لقاني
اسير انا وياه وان تاه دليت=واسامره وارفاه ويضا رفاني
وان حل ركن الله زهمته وصليت=وبعد السلام الذكر يشفي كياني
واوزبت لسفوع المعاميل وادنيت=مهيله للكيف والعمر فاني
هذي حلاة الدو كان انت خاويت=هذي علومي من فصيح البياني
واصبحت مع دورات الايام وامسيت=ولا لقيت من الطواري سماني
( يوسف الخليفة )