أبو فهد العيد
01/06/2008, 06:45 PM
هذي قصيده للشاعر المعروف < غازي بن عون > وهي من اجمل القصائد النبطيه.
.................................................. .......
سر ياقلم واكتب على بيض الأوراق***غرايب من محكمات الصناديق
يختار صاحبهن من الشعر مالاق***مثل الورود اليانعات المفاتيق
غرايب يدخلن مزاج أهل الأذواق***اللي لجزلات المثايل عشاشيق
من خاطر من غفلته تو مافاق ***وعاف الزمان اللي يبوق المواثيق
ولا عاد فيه الناس تمشي بميثاق***ولا عاد بين العدل والبطل تفريق
والناس صاروا فيه حايز ودفاق***وصار الضعيف ضحية للتفافيق
وتحطمت فيه المكارم والأخلاق***ولا عاد في مكره بالاجواد تفريق
فيه النسا يمشن عرايا بالأسواق***والمسلمين يقلدون الزناديق
يالله ياللي نرتجي منك الأرزاق***ياكاشف الكربات يافارج الضيق
يارافع سبع السماوات الأطباق***ومرسي أراضي بالجبال الشواهيق
يامرسل عيسى والأسباط وإسحاق***ومنجي عبده من أهل المجانيق
ياللي بطشت بقوم صالح هل الناق***وجعلت يوسف بالنبيين صديق
ياللي جعلت جموع الأحزاب تنعاق***ومزقتهم عن خاتم الرسل تمزيق
وجعلت نوره بين الأفاق شعاق***ياللي بعثته رحمة للمخاليق
الطف بحال اللي عليه الفظا ضاق***يسوقه الهوجاس غرب وتشريق
من كثر هم مرهق فكري إرهاق***أفيق منه أحيان وأحيان ماافيق
وروابع تلعب بي أشكال وارناق***حطن لهن بين المعاليق اراويق
ما أنام لين نور الفجر ينساق***سبة هواجيس تحش المعاليق
مهوب من كثر الطرب وإلا الاشواق***ولا غرام معلقات العشاريق
طوق علي الذنب من كل الآفاق***وروابع سدت علي الطواريق
فوقي من الأوزار من غير مااطاق***أثقل عليه من دقينات وطويق
ارجيك ترحمني إلى قيل من راق***لاصرت ماعاد استطيع ابلع الريق
لاجا الوعد والتفت الساق بالساق***وأتلى الكلام الغرغرة والتشاهيق
يالله عسانا يوم نشفات الارياق***من خلقك اللي من جهنم معاتيق
اغفر خطايانا إلى كشف عن ساق***ليا من خلقك قربوا للتحاقيق
أليا أنورت وجيه الأبرار بإشراق***من رحمة المولى وحسن التوافيق
أبهم جنان الخلد تفرح وتشتاق***ويسقون فيها من لذيذ المواذيق
يعطون مايهوون مع كاس ديهاق***ويطوف غلمان عليهم بااباريق
وكواعب حور وقوارير رتاق***وأثمار وانهار عليهم مدانيق
وأهل جهنم سلسلوهم بالأعناق***والكل منهم يم زنزانته سيق
يجيلهم فيها تزافير واشهاق***وطوق عليهم من زمهرير تطويق
طعامهم فيها حميم وغساق***وشرابهم مهل يذيب المعاليق
وصلاة ربي عد مالاح براق***على النبي وعداد نبت الزماليق
.................................................. .......
سر ياقلم واكتب على بيض الأوراق***غرايب من محكمات الصناديق
يختار صاحبهن من الشعر مالاق***مثل الورود اليانعات المفاتيق
غرايب يدخلن مزاج أهل الأذواق***اللي لجزلات المثايل عشاشيق
من خاطر من غفلته تو مافاق ***وعاف الزمان اللي يبوق المواثيق
ولا عاد فيه الناس تمشي بميثاق***ولا عاد بين العدل والبطل تفريق
والناس صاروا فيه حايز ودفاق***وصار الضعيف ضحية للتفافيق
وتحطمت فيه المكارم والأخلاق***ولا عاد في مكره بالاجواد تفريق
فيه النسا يمشن عرايا بالأسواق***والمسلمين يقلدون الزناديق
يالله ياللي نرتجي منك الأرزاق***ياكاشف الكربات يافارج الضيق
يارافع سبع السماوات الأطباق***ومرسي أراضي بالجبال الشواهيق
يامرسل عيسى والأسباط وإسحاق***ومنجي عبده من أهل المجانيق
ياللي بطشت بقوم صالح هل الناق***وجعلت يوسف بالنبيين صديق
ياللي جعلت جموع الأحزاب تنعاق***ومزقتهم عن خاتم الرسل تمزيق
وجعلت نوره بين الأفاق شعاق***ياللي بعثته رحمة للمخاليق
الطف بحال اللي عليه الفظا ضاق***يسوقه الهوجاس غرب وتشريق
من كثر هم مرهق فكري إرهاق***أفيق منه أحيان وأحيان ماافيق
وروابع تلعب بي أشكال وارناق***حطن لهن بين المعاليق اراويق
ما أنام لين نور الفجر ينساق***سبة هواجيس تحش المعاليق
مهوب من كثر الطرب وإلا الاشواق***ولا غرام معلقات العشاريق
طوق علي الذنب من كل الآفاق***وروابع سدت علي الطواريق
فوقي من الأوزار من غير مااطاق***أثقل عليه من دقينات وطويق
ارجيك ترحمني إلى قيل من راق***لاصرت ماعاد استطيع ابلع الريق
لاجا الوعد والتفت الساق بالساق***وأتلى الكلام الغرغرة والتشاهيق
يالله عسانا يوم نشفات الارياق***من خلقك اللي من جهنم معاتيق
اغفر خطايانا إلى كشف عن ساق***ليا من خلقك قربوا للتحاقيق
أليا أنورت وجيه الأبرار بإشراق***من رحمة المولى وحسن التوافيق
أبهم جنان الخلد تفرح وتشتاق***ويسقون فيها من لذيذ المواذيق
يعطون مايهوون مع كاس ديهاق***ويطوف غلمان عليهم بااباريق
وكواعب حور وقوارير رتاق***وأثمار وانهار عليهم مدانيق
وأهل جهنم سلسلوهم بالأعناق***والكل منهم يم زنزانته سيق
يجيلهم فيها تزافير واشهاق***وطوق عليهم من زمهرير تطويق
طعامهم فيها حميم وغساق***وشرابهم مهل يذيب المعاليق
وصلاة ربي عد مالاح براق***على النبي وعداد نبت الزماليق