طيرين ضائعة من راعيها عندي حر قرناس وجبلية!!

[hawwamT]

الطير الاول قرناس أشعل وراسه ابيض ومزيون بالحيل ولقيته في الخبت في الدمام ...بحثت عن راعيه بالجوال وطلع راعيه أحمد السديري وسلمته طيره في نفس الموقع اللي لقيت طيره فيه..فجاني مصفي الطبلون..ونزل القهوة والشاي وشكرني بحرارة وعزمني عنده ولكن اعتذرت بسبب السفر..وماتصدقون كم فرحت لفرحته بعقلان الطير..
الطير الثاني جبلية مزيونة ..وقبل أمهدها نظرت في الحجل ووجدت رقم التلفون واسم راعيه ..واتصلت عليه وفرح ومدح الطير...وفي انتظار جيته في اليوم اللي تواعدنا ...اتصل بي ويقول ( ماتقدر تجيب لي الطير لأن البلد زحمة وانا انتظرك في المكان الفلاني لأن عندي شغل بكرة وأخاف أتأخر) يبيني أنا أجيه على مسافة 47 كم ؟؟

يالله كل يوم نأخذ دروس في الحياة من الناس
ومن يفعل المعروف في غير أهله

ملاحظة: أرسلته الطير بطريقتي الخاصة

[قلب شاهين]

كفو والله ،،

ياليت كل الصقاقير مثلك عندهم أمانه وخوف من الله ،،

بيض الله وجهك وجعله في ميزان حسناتك ،،

تحياتي / قلب شاهين ،،

[KAYD]

بيض الله وجهك ولك أجر ان شاء الله
والاخ الله يهديه راعي الشيهانه كان قلت له ابهد الطير وانت صوت له عشان يجيك
شف الفرق بين الصقار الاول راعي القرناس والاخ الثاني راعي الشيهانه
الله يعطيك العافيه
تحياتي

[الزعـبي]

بيض الله وجهك وجزاك الله خير ...

ليت كل الصقاقير مثلك ...

[فهد بن مشبب العاصمي]

الله يبيض وجهك ويجزاك الف خير

الله ان شاء الله بيرزقك شيء طيب . .لأن من ترك شيئا لله عوضه الله خيرا منه

يعجبني الرجال الامين اللي مثلك وشرواك اللي يحط نفسه محل راعي الطير .. ويحس بضيقة صدر راعي الطير لأنه ضاع طيره

وراعي الشيهانه الله يصلحه بس :)

[المان العرب]

بيض الله وجهك والله يكثر من امثالك وغيرك ناس واااجد ماسوها

[لعّاب المنايا]

كفو والله وبيض الله وجهك

[قنيص غبر]

الله يجعلها في ميزان حسناتك

[وقاااااد]

بيض الله وجهك على هالفعل يعداك اللوم
كثر الله من امثالك
وانت سويت اللي عليك
والرجال اللي يقول جب لي الطير عزالله انه مايستحي على وجهه

[الساهر2003]

اخوي الطيب زين وفعلك زين واللي مايستحي منك لا تستحي منه المفروض انك ماترسل له الطير خله يجي عند مكانك الحاجه له انت اللي عليك سويته وجزاك الله خير وممكن تصبر عليه يومين اذا ماجا لمكانك ولا السماء وسيعة

[بن قرمله]

الله يكثر من امثالك والله يجزاك خير

[سنجااار]

بيض الله وجهك وكثر الله من امثالك واصابعك ماهي سواء

[الطبشي]

السلام عليكم ......الله يكثر من امثا لك ويجعلها في ميزان حسنا تك

[مدرب الطير]

عز الله انك قرم والله يعطيك على قد نيتك
وتستاهل كل خير والله يكثر من امثالك
وعقبال ما تطرح طير النادر لك

[جارح العين]

بيض الله وجهك وكثر الله من امثالك

[بو هاشم]

الله يكثر من امثالك

[قرناس ارامكو]

بيض الله وجهك وجزاك الله خير

ليت كل الصقاقير مثلك

[أبو فهد العيد]

بيض الله وجهك وكثر الله من امثالك

[طير طاير]

السلام عليكم ورحمة الله وبركاته
أخوي// hawwamT الله يرفع قدرك
الله يجزاك ألف خير ويجعلها لك في موازين حسناتك ويباعد بها وجهك عن النار (( قولوا أأأأمين )) ويرحم بها وألديك.
أما بنسبه لصاحب الجبلية إلى قالك:( ماتقدر تجيب لي الطير لأن البلد زحمة وانا انتظرك في المكان الفلاني لأن عندي شغل بكرة وأخاف أتأخر)
وردك بـ ( يبيني أنا أجيه على مسافة 47 كم ؟؟ ) أخوي من تواضع لله رفعه
وخذ العذر لخوك المسلم وإلا أنت رايتك بيضاء من يوم دقيت عليه
و والله ثم والله أن كنت مكانك كان أوديها له وأحتسبها عند الله ومافيه شيء ضيع عند الواحد الكريم.
ومن منا لا يريد حسنه أو أجر قددددددددددد يدخله الجنة ولكم في اليهوديه التي أسقت الكلب وهي عاهره ودخلت الجنة بسبب السقيا.
أخوي الساهر 2003 والله أنك أكرم من كذا.

وتقبل مروري،،،

[محمد الفهيد]

الله يرزقك الابيض الي ماله صاحب

هههههههههههههههه
صابني فضول ابي اعرف كيف ارسلت له الطير بطريقتك الخاصه
قطعت سبوقه ؟؟ ولا ايش

[الساهر2003]

اخوي طير طاير
كلامك على العين والراس
ويوجد من الناس من يستغل الطيبة بشكل اخر او انه يستغفل الطيب من الناس ولا تنسى كلام عمر رضي الله عنه لست بالخب ولا الخب يخدعني
وحديث الرسول اللهم صلي وسلم عليه ماكان اللين في شيء الا زانه
ولا تشره علينا بطيبتنا تليعنا من اهل الردى
وجزاك الله خير

[محمد الفهيد]

اخوي طير طاير
كلامك على العين والراس
ويوجد من الناس من يستغل الطيبة بشكل اخر او انه يستغفل الطيب من الناس ولا تنسى كلام عمر رضي الله عنه لست بالخب ولا الخب يخدعني
وحديث الرسول اللهم صلي وسلم عليه ماكان اللين في شيء الا زانه
وجزاك الله خير


كلامك ذهب والله

[أبو رداد]

بيض الله وجهك اخوي
والله يديم المعروف

[الوافي4482]

بيض الله وجهك
والمفروض يوم شفت راعي الشيهان مهو حريص طيرت الشيهان :no:

[القرناس المهاجر]

بيض الله وجهك .. وكثر الله من امثالك :good:

بالنسبة لخويك صاحب الشيهانه .. دعنا نضع له إحتمال الكرماء .. فلربما كان يريدك تجيه ومن ثم يكرمك بطريقة حاتمية :D لانه خاف انك ماتقبل التكريم لو علمك .. والله اعلم

اخوكم .. القرناس المهاجر .. المجيرمه

[hawwamT]

بيض الله وجهك .. وكثر الله من امثالك :good:

بالنسبة لخويك صاحب الشيهانه .. دعنا نضع له إحتمال الكرماء .. فلربما كان يريدك تجيه ومن ثم يكرمك بطريقة حاتمية :D لانه خاف انك ماتقبل التكريم لو علمك .. والله اعلم

اخوكم .. القرناس المهاجر .. المجيرمه



ماني من اللي يقبلون العطية في حقوق الغير___ شيمة تربينا عليها.. خلك اليد العليا على الدوم
قله ياسعد لاتفهق البندق ترى خوينا عوير___ واشتر وبع.. ولا تتلقى الركبان.. وسوم سوم

[الحرالنداوي]

بيض الله وجهك

كفو والله

[ذراع الذيب]

كفو والله ونعم فيك وفي من رباك.....

[جار ابو علي]

كفوا الله يكثر من امثالك ويجزاك خير

[طارق الحربي]

الرجال مثلك طيبهم مخبور

والله ونعم

[شبراق]

بيض الله وجهك ماقصرت والله يكثر من امثالك

[عبد الرحمان68]

بارك الله فيك أخي الكريم و يا ليت كل الشباب يكونو مثلك

[الشقب1]

بيض الله وجهك وجعلها في ميزانك ....
واقول الي ساااسه طيب مو غريبه عليه وهذا يدل على ساسك الطيب ومعدنك الاصيل (( كفو ))