ازعجونا والله !!!

[قنيص غبر]

السلام عليكم جميعا ..

فيه موضوع اريد اثيره . ماكان ماخذ اهتمامي لكن لما زاد عن حده قلت لازم اثيره فالعام . وهو ان بعض الاعضاء يرسلون لك رسائل خاصه وكثيره لدعوتك الى منتدى ثاني !! ومنهم من عرض علي اكون مشرف وما الاخره .. احب اعرف هل هناك قانون في المنتدى بشطب اي شخص يعلن عن منتدى مشابه او اي شي !.؟

والسلام عليكم

[الطبشي]

اخوي قنيص غبر انشاء الله يفيدونك المراقبين ..... ولا عليك منهم انت بين اخوانك والله لايحرمنا مواضيعك الشيقه.......

[وَسَام!]

اخوي قنيص غبر اخذ اللي يجوز لك واللي مايجوز اتركه واذا دعيت لمنتدى آخر ماهي الا شهادة
لتميزك في هذا المنتدى!!!
بس ماهو معنى كلامي انك توافق! انتبه!! انا بحاجه لك ولشرواك!!

[أبو فهد العيد]

اخوي قنيص غبر اخذ اللي يجوز لك واللي مايجوز اتركه واذا دعيت لمنتدى آخر ماهي الا شهادة
لتميزك في هذا المنتدى!!!
بس ماهو معنى كلامي انك توافق! انتبه!! انا بحاجه لك ولشرواك!!
كلام اخوي وسام11:good: :good: :good:

[جارح العين]

اخوي مافيها شي اذا واحد عرض موقع له خصوصا اذا كان جديد ويبي اعضاء
عادي تدخل المنتدى وتتصفح وتشارك لاكن مويعني انك تترك مكشات ومنتدانا افضل من مكشات لالا
وانت لو تفتح موقع اكيد تبي اعضاء وزوار ولازم تسوي دعايه للمنتدى
ترا ماعندي منتدى لاكن حبيت اوضح

[قنيص غبر]

اخوي وسام 11 والطبشي اشكر تفاعلكم ..

لكن يحز في خاطري جدا ان احد الاشخاص المريضين نفسيا اللي دعوني لمنتدى اخر تهجم علي بكلمات بذيئه جدا جدا لمجرد كتبت هذا الموضوع !! وهذا يبين مدى استياءهم وحسدهم لوجود ناس في منتدى مكشات بكثره وفيهم الخبراء في مجال القنص والصيد ..

ارجو من المشرفين اتخاذ اجراءات لازمه ..

[وَسَام!]

فيه منتديات اعرفها مواضيعها من اكثر من شهرين وهي ماتغيرت اما مكشات
خلال اسبوعين مايقارب 2000 عضو جديد .
اليست هذه مفخره ؟ وتدعو للغيره؟

[أبو رداد]

الله يحيك اخوي
بين فتره واخرى تصل لي رسائل
من أعضاء (جزاهم الله خير)
مفادها انه العضو الفلاني ارسلي رساله
يطلب مني الاشتراك في المنتدى الفلاني
وان هذا الداعي انسان (يخون الامانه)
حيث ان مكشات فتح له ابوابه في الانتماء
ولم يبخل بمعلمومه ولم يحجب مواضيعه حتى على زوار المنتدى
ثم يخون الامانه ويراسلني من خلال مكشات لترك مكشات !!!


وانا اثمن هذه الرسائل واشكر الاخوه الذين راسلوني
لانها دليل على حرصهم ووفائهم وطيب معدنهم وحبهم لمنتداهم


,,,


ورغم اني امتلك صلاحيه بايقاف هذا العضو الداعي
ومن (الاي بي) (يعني احرمه حتى من تصفح مكشات
لجميع المعرفات والحاسبات التي دخل منها الى مكشات )
الا اني لم افعل ولا أود استخدام هذه الصلاحيه ...
واذا حصل واوقف احدهم بهذه الطريقه فاعلموا بانها ليست مني
ويمكن من احد الزملاء مشرفوا الاقسام ...
اما ابو رداد فاقصى شيئ يسويه ايقاف المعرف المخالف لمدة سنة او اقل
وليس لهذه الحاله وانما لمسائل اخرى


,,,


قد يلومني بعض الاخوه على هذا التصرف
ولكني على يقين ان المنتدى الذي يستخدم هذه
الاساليب الملتويه والطرق الغير مشروعه
(( يستحيل ))
ان يكون يوما من الايام منتدى محترم ومنافس لمكشات
ولايكون محط احترام من قبل اعضائه
لانه ابتعد عن اسلوب المنافسه الشريفه
وهذه الرسائل اسميها (قلة حيله)
مكشات عدد اعضائه تجاوز ال 77 الف عضو
وفي تاريخه ماستخدم هذا الاسلوب !!!


,,,


احد الاخوان اتصل بي
وقال دعوني للمنتدى الفلاني واحرجوني ...وش رايك ؟؟؟
قلت روح جرب وتعال واذا تريد اوقف معرفك في مكشات شهرههههههههههههه
ماكمل اسبوع اتصل قال مالي غنى عنكم هههههههههه
قتله كيف قال صنه وسوالف مكشات القديمه توهم يعيدون فيها !!!
هههههههه وكني اسولف مع نفسي ولو سبيتهم يقولولي يعطيك العافيه
ههههههههههههه
قتله يابن الحلال انت وش تبي من المنتديات ؟؟
قال لو كتبت شي مفيد اريده يصل لااكبر عدد علشان يزيد اجري
واذا احتجت مساعده القى من يعيني
واذا سولفت ابغى اسولف مع صقاقير ومن كل اطراف العرب
قلت يبن الحلال موانت كاتب ومعروف في قناة الجزيره
وش الي يحدك على قناة موزنبيق هههههههههههه


,,,


اخواني منتداكم بخير ولله الحمد
ولاتصدقون على مستوى منتديات البر والقنص والرحلات
في منتدى ي ينافس مكشات
ولاتهتمون لمثل هذي المسائل
والي وده يروح يجرب (يروح سالم ويرجع غانم)
عندنا ثقه في انفسنا وفي خواننا ومنتدانا
والسلام