يا راعي الشفر السبعه وخمسين 000 ( شيفرولية 1957 م ) صورة وقصيدة

[يوسف الخليفة1]

http://www.a7bk-a-up.com/pic/s0L16919.jpg



يا راعي الشفر السبعه وخمسين=يا مقتفي ليلن طريقه تخطاه
امسيت ذكرا في عسام السباحين=كم شايبن يطريك وكلن توحاه
وقتن مضى وصفك سواة الشياهين=الله من قرمن تشيله وترفاه
واليوم اشوفك بين حمر الشعافين=تذرا عليك من الذواري بلفحاه
منولن مثلك حبيب الملايين=كلن تهقوابك بيسره وعجفاه
وهالحين مثلك مثل طعج الجوالين=منثور باحزومن وكلن تعداه
ملفا الدجاج وملعبه للوغادين=كلن كتب فيك الدعايه وذكراه
صديت ولقيت اللي شافك شكامين=افرك لنا المقدم وخلك من اقفاه
الله من حينن بذيك المطامين=تبعج غرين الطين ومثلك توطاه
سموك بشيفرولية شيخن هكا الحين=حوضن وبعض الناس شفه تمناه
تبون وضعه مستحل الميادين=اباصفه واصف قواصيه وادناه
تضرس تروسه مثل جرش الطواحين=لدوسوله كالخلايج برغياه
لنتل قيره مع تلوع وضلاعين=يرقا الردايم ما تخثرع بممشاه
حتى الكفر ما وقعوا له بتامين=يصبر على عسر المطامن ومرقاه
والجنط والصدام من صاجن متين=ما تنكسر لو بالمطارق توذاه
اما الرفارف زينوها بلونين=الغالب احمر والزخارف منقاه
وريح الغماره مثل عطر الرياحين=والمرتبه املس من الجلد غطاه
وسلاسل الصندوق مقضب زبالين=لجدلوا خيطن مع الخوص ملواه
واصطبة الخلفي على يسار ويمين=يشر بها السواق ويبدي نواياه
راح الزمان بواقع الزين والشين=كل ما مضى عصرن ترا الناس تنساه




( يوسف الخليفة )

[ريف النشاما]

الله الله يابو عبد الله


مشاء الله عليك شعلة من النشاطوالأبداع



لكن تراك ضربت على الوتر الحساس بهالقصيد وهزيت المشاعر وذكرتني في رحلة ن تدمع العين



الله على تلك الليالي والأيام الخوالي وصوت حنين الفرت مقبل ومقفى مع جرهيدن يودع القلب محتار



الله على تلك الليالي الملاح بين هاتيك الفياض والدعوبه


آآآآآآآآآه على ذاك القطين وذاك الخط الذي محته الرياح

الله مـن حينـن بذيـك المطاميـن=== تبعج غرين الطيـن ومثلـك توطـاه
قلبت الجراح يابو عبد الله :(

[يوسف الخليفة1]

الله الله يابو عبد الله


مشاء الله عليك شعلة من النشاطوالأبداع



لكن تراك ضربت على الوتر الحساس بهالقصيد وهزيت المشاعر وذكرتني في رحلة ن تدمع العين



الله على تلك الليالي والأيام الخوالي وصوت حنين الفرت مقبل ومقفى مع جرهيدن يودع القلب محتار



الله على تلك الليالي الملاح بين هاتيك الفياض والدعوبه


آآآآآآآآآه على ذاك القطين وذاك الخط الذي محته الرياح

الله مـن حينـن بذيـك المطاميـن=== تبعج غرين الطيـن ومثلـك توطـاه
قلبت الجراح يابو عبد الله :(


أخي العزيز الفاضل ريف النشاما عسى أن نكون عند حسن الظن وبكلامك هذا هيضت الجميع وحركت مشاعرهم

سلم الله قلبك والتأم جرحك ولا أراك الله سوءا ولا مكروها وتلك أيام قد خلت لم يبقى منها إلا أجراس الذكرى يدق

رنينها في خيال محبيها فشكرا لك أخي ريف النشاما ودمت بخير ونعمة وحياك ربي ولك مني تحية

[الشقب1]

يعطيك الف عافيه ــ(( أبوعبدالله ))ــ
صح الله لسانك ولاهنت


الشــ ق ــب1

[يوسف الخليفة1]

يعطيك الف عافيه ــ(( أبوعبدالله ))ــ
صح الله لسانك ولاهنت


الشــ ق ــب1


حياك الله أخي الشقب وصح بدنك وأنار الله طريقك في الدارين والشكر الجزيل

[دغيم1]

السلام عليكم ورحمة الله وبركاته
صح لسانك أخي العزيز
يوسف الخليفة ( ابو عبد الله )
لاشك أن السيارات القديمة لاتقارن بالحديثة من ناحية القوة والتحمل
وقد ابتلينا بالفايبرجلاس والربلات والكمبيوترات
وأصبحت السيارات مظاهر لا مخابر
وهذه حقيقة لايعلمها إلا من عاصرها
شكرا لك على تجديد الذكريات
سلمت يمينك
تقبل تحياتي

[قلب ذيب]

ابوعبدالله
قصيده جزله ونادره بشاعر قدير .
وصف مواقف تلك السياره في تلك الحقبه الزمنيه الراحله .
شكرا لك .

[صقر العثمور]

تسلم ابو عبدالله ويعطيك العافيه والله على ذيك الايام وتسسلم

[winchester]

تسلم أحوي أبوعبدالله

بندر بن سرور يقول
يأهل الونيت اللي على دنقله ميم *** نقل الرياض الخط ما توصلونه

ما رهموا له في الكراجات ترهيم *** ولا قد فك ايديتره ينفخـونـه

صـناعتـه مخـطين مـلة ابـراهـيم *** حمران روم ولونهم زي لونه


دمـت بود

[يوسف الخليفة1]

السلام عليكم ورحمة الله وبركاته

صح لسانك أخي العزيز
يوسف الخليفة ( ابو عبد الله )
لاشك أن السيارات القديمة لاتقارن بالحديثة من ناحية القوة والتحمل
وقد ابتلينا بالفايبرجلاس والربلات والكمبيوترات
وأصبحت السيارات مظاهر لا مخابر
وهذه حقيقة لايعلمها إلا من عاصرها
شكرا لك على تجديد الذكريات
سلمت يمينك
تقبل تحياتي



وعليكم السلام ورحمة الله وبركاته وحياك الله يا أستاذنا الفاضل دغيم وصح بدنك وكعادتك بارك الله فيك حسن

لفظ ولطافة رد سلمت وغنمت وتفيحت في جنات النعيم والشكر الجزيل أخي العزيز

[يوسف الخليفة1]

ابوعبدالله
قصيده جزله ونادره بشاعر قدير .
وصف مواقف تلك السياره في تلك الحقبه الزمنيه الراحله .
شكرا لك .


أخي العزيز قلب الذيب سلمت وغنمت وأجزل الله لك من كل خير والشكر الجزيل على الاطراء الطيب

[ذراع الذيب]

صح لسانك
يامعاصر الجيلين
والله يطول في عمرك..........

[يوسف الخليفة1]

تسلم ابو عبدالله ويعطيك العافيه والله على ذيك الايام وتسسلم


صقر العثمور وأنت سالم وغانم ورحمنا الله وإياكم رحمة واسعة وحياك ربي

[يوسف الخليفة1]

تسلم أحوي أبوعبدالله

بندر بن سرور يقول
يأهل الونيت اللي على دنقله ميم *** نقل الرياض الخط ما توصلونه

ما رهموا له في الكراجات ترهيم *** ولا قد فك ايديتره ينفخـونـه

صـناعتـه مخـطين مـلة ابـراهـيم *** حمران روم ولونهم زي لونه



دمـت بود



وأنت سالم أخي العزيز ورحم الله بندر بن سرور رحمة واسعة وحياك الله

[يوسف الخليفة1]

صح لسانك
يامعاصر الجيلين
والله يطول في عمرك..........


الأخ ذراع الذيب صح بدنك ولك تقديري واحترامي وحياك الله

[وَسَام!]

صح لسانك
وصح لسانك
وصح لسانك
وصح لسانك

والله لايهينك

[يوسف الخليفة1]

صح لسانك

وصح لسانك
وصح لسانك
وصح لسانك



والله لايهينك



حياك الله أخي وسام وصح بدنك وطابت نفسك وشكرا لك

[Nomad]

تسلم اخوي ابوعبدالله وصح لسانك وتلك الايام نداولها
********
ألا وحن قلبي حن فرت (ن) حن بالثاني ****** ضرب ارض النفود وفارق التمرين والراحات

[يوسف الخليفة1]

تسلم اخوي ابوعبدالله وصح لسانك وتلك الايام نداولها
********
ألا وحن قلبي حن فرت (ن) حن بالثاني ****** ضرب ارض النفود وفارق التمرين والراحات


سلمت وغنمت أخي العزيز وصح بدنك والله المستعان وصح لسانك على البيت ( تلك أمة قد خلت ) وحياك ربي