سرقه وسلب 15 راس من الغنم

[ناقل الخير]

السلام عليكم يااخوان في يوم الاثنين الساعه 3 العصر تم سرقة من حلال الوالد حوالي 15 راس من الغنم وسلب مبلغ مالي من الراعي المسكين ثلاثه الاف ريال وضربه وخنقه وحتى الصدم بيصدمونه ولاكن الله فكه المشكله انه شايب عمره حول 60سنه لايعرف يقراء ولايكتب واخذوا اطيب الحلال الله لا يوفقهم لا في الدنيا ولا في الدنيا ولا الاخره المشكله يوم نبلغ شرطة الثمامة يحولونا الى رماح وبعدين شرطة رماح يقولون مالنا دخل وثم نرجع الى الثمامة ويقولون انتم تبع الرمحية وبعدين من الساعة 7 الصباح الى الساعه 3 العصر وحنا مع الخط مره الثمامة ومرة رماح ومرة الرمحية واخير قالوا شرطة الرمحية خلاص القضيه عندنا تشكون في احد او الراعي تشكون فية هاذي اخرتها

[هـدد]

الله يكون بعونكم ترصدولهم بسوق الغنم بالنظيم(وانتم كرامه)اوبالنسيم واكيد بتعرفون حلالكم ورجل العنز تجيب العنز

[بيضا القاع]

شوفوا عند القصاصيب والله يفرجها عليكم
وين الشوزه عنهم الراعي ما معه سلاح

[ناقل الخير]

اليوم الله يعين الوالد والله من الصباح الى صلاه الظهر وهو بين وقفه النظيم والنسيم المشكله انهم عيال الحرام جااين العصر وضاربين الراعي عيينك وسلبه في وضوح النهار لو جااين في الليل تقول انه حرامي على وجهه بس هذولي عصابه محترفه في السرقات في وضوح النهار يعني ماعليهم من الشرطة ااخر حساب وتفكير الشرطة الله يلعنهم لعنت ابليس

[نادر العش]

الله لايوفقهم ويلقونها في عيالهم نا شاء الله

[جارح العين]

الله يعوظك انشاء الله

[رغوه]

الله يردها عليكم

[هاوي صيد]

لالحول ولاقوه الا بالله الله يعوضه باطيب من اللي راح

[أبوصنيتان]

لا حول و لا قوة إلا بالله

الله يعوضكم , و يطيح رجال الحكومة عليهم و ياخذون جزاهم اللي الله لا يجزاهم خير ولا يوفقهم حيث ما يسيرون .

[مربط القعاسي]

ياليت توافين بمعلومات عن الغنم هل شي نعيم ولا نجد ولا معزاء وهل عليها وسم ولالا وهل هي غنم طيبه مزاين ولاغيرة لعل نشوفها في احد الاسواق ونا من رواد سوق الغنم لعل نشوفها

[المساهر]

شف وانا اخوك انا راعى حلال وسرقه بهذا الشكل وهذا الوقت تلقاها من ناس يعرفونكم تاكد والله يجيب اللى فيه الخير ....

[hle col]

الله يجعلها حرام في بطونهم وسبب في نكد عيشهم يارب

الله يردها لكم

وعيال الكلب السراقيــــــــن..

نعاني من نفس المشكله..(انت 15 راس غنم) وأنا(جيب فكسار):(

[مرعي السرحاني]

الله يعوضكم باخير منهن والحمد لله على سلامة الراعي

عموما ً ماحد يطرح سروق الحلال هالايام الا نادر

الا بحال ان على غنمك مارية

مثل واحد من الربع سرق من عنده سبع شياه شقر بحرة الجوف ولقاهن وهو رايح للشرقية بسوق الحفر طبعا ً بهن مارية لكن هذا يحصل 1 %

تحسب الله والله يعوضكم خير

[نمر ورقان]

اطالب كل عضو ان يذهب غدا لاقرب مكان بيع للماشية لمساعدت اخينا
فرما عرضها غدا للبيع

لكن عطنا الاوصاف .


ارجو التفاعل خاصة من من هم قريب من الموقع .

[ابو نايف 3993]

الله يعوض عليك

[ناقل الخير]

مشكورين وماقصرتوا العوض عند الله سبحانه انا صار لي اسبوع وحنا رحيل كله من عيال الحرام الله لايوفقهم الراعي المسكين صار يخاف انه يجونه مره ثانيه يتعب المسكين الشهور الماضية وعيال الحرام ياخذونه بارده مبرده المشكلة انة عمره 60سنه ماعندهم رحمه يضربونه ويسلبونة في وضوح النهار يحلف يقول صار لي في السعوديه25سنه ماحد ضربني ولا سلبني الا عيال الكلب والله انه شوي والا يبكي من القهر والله يجزي كل عضو ادلى برائيه او حاول مساعدتنا خير الجزاء والله يعوض كل من سرق منه ضالته اوحلاله خير العوض ان شاء الله

[آمري يا كامري]

ناقل الخير أسأل الله أن يرد عليك حلالك وأن يعوضك في الدنيا والآخره