عندي مشكله!!!!

[أبو طلال-نقوه]

السلام عليكم,
يا أخوان عندي مشكلة تجليس الطير في الوانيت باب واحد لا أستطيع وضع مسند مثل الجيب أو شبه مثل التي توضع في الكشن الخلفي فما الحل؟ هل في تكايه خاصه للوانيت ووين أحصلها؟!... ساعدوني جزاكم الله خيرا:confused:

[قناص بالفطره]

مدرى اذا كان فيه شى خاص لكن عندى اقتراح

رح لحقين المجالس الأفغان وقلهم انك تبغى تكايه على السيت الى جنبك

وخل طولها بحيث تحشرها حشر ما بين الطبلون والسيت

تحياتى لك

[قلب ذيب]

ماشاء الله عليك . باين ناوي على المقناص مبكر !!
تو الثريا طالعه .وعاد نجوم الصيف مقبله .
المهم : اذا كانت مقاعد السياره مفصوله والا قم بفصلها ( وفصل تكايه عند اصحاب النجاره ) حسب طلبك
ولابد ان تكون التكايه مرتفعه علشان الطير يكشف الارض ولايتضايق من عدم الرؤيا ----- بالتوفيق .

[جارح العين]

مالك الا التفصااال

[KAYD]

انا عانيت من ذا المشكلة العام كل يوم ودي افصل تكية زينة لكن اقول بكرة والى يومك ماسويت شي
احسن حل التفصيل ومخمخ عليها ولا تنسانا بالصورة عشان نقلدك
تقبل تحياتي

[أبوإبراهيم1]

فصل تكاية مثل ماقالوا الشباب

[((السنياري))]

حط شيبه بدل اتكايه ((حد علمي مافيه تكايه للونيت ولافيه احد يفصل)) اذا فيه تفصيل عطنا خبر

[أبو فهد العيد]

انا مثلك يابو طلال. ومعي شاص .ولا لقيت تكاية زينه,
لعلك تلقى لنا حل,,والله الله بالصور عشان نقلدك وندعيلك.

[لعّاب المنايا]

عروق الشمال ببريده خابر عنده شايفها من أسبوع كنت بالقصيم ,,

والأفضل إنك تفصل على راحتك طول وعرض ولون وقماش وشبه مرتفعه وأسفنج زين ’,

[ذراع الذيب]

هلابك يابو طلال ..نقوه
الاعضاء ماقصرو........

[أبو طلال-نقوه]

الله يعطيكم العافيه و مشكورين...

[طارق الحربي]

انا مفصلها بالرياض لجمس حوض غماره

بس طبعا ماضبطوها زين يعني يبيلها تعديل وغاليه ب 350 ريال

[راعي ام عشر]

شوف اذا كنت تبغاها لجيب شاص عندي وحده طيبه فكرتها 000
بس شرط ان المرتبه اللي جنبك تصفطها على قدام000 ومريحه للطير جدا00
قنصت فيها تربع سنوات00