ހƴϞރ صقور مفخخه ހƴϞރ

[أبو رداد]

السلام عليكم ورحمة الله وبركاته

المرحله الاولى
صور حرار تعور القلب لا ... الا تشلع القلب من عروقه
والاسعار خياليه والمستهلك اصحاب السمو
(وتلاقيه حافظ اسمائهم واسماء طيورهم وعنده كل علومهم !!)

المرحله الثانيه
بناء العلاقه وانسان طيب وردود طيبه ...

المرحله الثالثه
رسائل خاصه وتبادل في عنوان البريد والماسنجر

المرحله الرابعه
صور طيور طيبه (سريه ورجاءا لاتشوفها لااحد)
وماتعرف كم كلفت ؟؟؟ هههههههه بسعر التراب

المرحله الخامسه
الشكوى لله الطيور كثيره وطرحها سهل لكن ادور على شريك !!
(يعرف ناس تدفع ويصرف الطيور بقيام حلوه)
منو الي يكره يشاركه ؟؟؟؟

المرحله السادسه
ياخي جماعة البيئه والجهات المختصه هنا بلشتهم بلشه
ماينفع الشغل الا (دهن سير) ومحتاجين تمويل للصيادين !!

اخينا في الله ( نيته سليمه)
رزق حلال وربح واجد (واكثرهم يقول ماريد من الربح غير طير طيب)
حول الي قاسمه الله (من فلوسه وشقاه وتعبه ورزق عياله)

ينتظر ....
وينتظر ...
وجاري الانتظار ...
الله يعينه (بعد حتى ام العيال ماوده يشوفها)

حتى تجي المرحله السابعه والاخيره
(وتنفجر المفخخه)
وهذه المرحله تنوعت هههههههه الي سمعنا فيه
اما يقله صادروها في المطار ...
واما المافيا سرقوه ...
واما يختفي ....

,,,

احذروا ياخوان احذروا
انا اعرف ثلاثة اشخاص من منتدانا وقعوا في هذا الفخ
والله اعلم وشعندهم من طرق احتيال ونصب جديده
الطير اذا ماتشوفه بعينك وتنقله على يدك
لاتدفع درهم لو كان ابيض قطامي

,,,

ثم ودي اسولف بسالفة الطيور الي تطرح قرب مواكرها
1 / طيور لاتمتلك خبره (شكل من غير فعل) ...وقللت من مستوى الوحش
2 / زبدة فلوسها تروح للعصابات والمافيات والمهربين
3 / المساعده في انقراض الطير الطيب خصوصا
4 / حرمان اخوانا الطواريح في ارض العرب
وكلنا يعلم ان موضوع طرح الطيور
تعيش عليه ناس مابين صياد وتاجرومستهلك
وفلوس الطيور لهم وليست للمافيات
(لان الطيور الي تطرح قرب مواكرها نفسها الي تطرح بهذه البلدان
مع فارق كبير بالفعل لان الطير قد تمرس وشد عضلاته وطير له سمعته)
والسلام

[المزروعي]

أشهد أنك حطيت إيدك على الجرح يابورداد !!
يا ما راحت علي طيور من إيران !! مره يقول لي صادرتها البيئه و مره يقول لي راعي اللنج سرقها !!
و الله العظيم نسرق عندي جرناس إيراني خلوي شاريه 45,000 ألف درهم و يسوى في الإمارات أقل شي 90,000 ألف و للأسف تم بيعه في قطر و أنا ما أدري .

هذي الشغله دخلوا عليها ناس مش من أهلها .
و أخيرا بيض الله و جهك يا بورداد .

[قناص بالفطره]

أبو رداد مشرفنا العزيز ونعم المشرف

هذا المرجو منك

الوقوف فى وجه النصابين وحماية اخوانك وسمعة المنتدى

بارك الله فيك وكثر من أمثالك

(( قال ايه قال نخبه قال ))

تحياتى

[ابرق العزاف]

نعم


الحذر الحذر الحذر الحذر

[قلب ذيب]

حقيقه موضوع هام وتنوير بعض الاخوه مهم جدا ليأخذوا حذرهم من اولئك
النصابه , الموسم قرب ومن المفروض الاحتراس وتجنب العواطف والثقه المفرطه !؟
شكرا لك يابورداد .

[رضوان]

السلام عليكم
أهلين ابو رداد صح لسانك كلامك عين العقل والنصب صيار ها الايام تقول موضه صعب تعطي الثقه باي احد كان والايم صاير اسمع حكاوي بالنصب سوي طيور او بمقناص يعطيك علوم ويصير الي يصير ويلقي كلام تاني واكثر الناس تسلم في أمرها لله وهذا صحيح بس لما أعرف الرجال الي نصب على وأقدر اوصله تروح ولا ماتروح ابغي ريك يا أبورداد وري الشباب يهمني بعد مع تحيات خويكم رضوان من ليبيا

[راكان 11]

موضوع في الصميم
والرجل العاقل ( مايسلم ليحته للرجاجيل ) وينتظر رحمتهم

[جارح العين]

صدق والله
وبيض الله وجهك ياخوي ابو رداد على المجهود الطيب

[KAYD]

الله يجزاك ألف خير يامشرفنا العزيز ( أبورداد ) ويستر على جميع اخواننا من هؤلاء النصابين
الله يعطيك العافيه
تحياتي

[وَسَام!]

اهلا هلا والله اللي فصلتها مضبوط يابورداد
وسقتها من بعيد الى بعيد لين وردتها الماء
الله يجزاك خير ويبيض وجهك يابن الاجواد



انحاشوا لاشفتوا مقاس الثوب طويل ترى تلبسونه وتعثرون بطرفه

[أبوإبراهيم1]

تحذير!!!!!!!!!!!!!!!!
تحذير ماقصرت يامشرفنا
تحذير!!!!!!!!!!!!!!!!

[بو غازي]

جزاك الله خير يابو رداد على حرصك على اخوانك
وعسى الله يهديهم.

[أبو فهد العيد]

بيض الله وجهك يابو رداد.
وماقصرت.

[((السنياري))]

يعني اشتري طير مجهول (( يعني كومة ريش))

اخوي دايم الوحش علمه بطنه حتى لو وسرته طيبه يبقى مجهول


اما اسلم لحيتي لجنبي كثر منها الاجانب مونيتهم (( الفلوس )) يعني انسى تعطيه افلوسك قبل لا تاخذ شي منه
والله ليحط رجله
لا يعفر عيب ولا حرام
الا من طريق معرفه

تقبل مروري شاكرلك هتبيه اطيب

[قلب شاهين]

صداق يابو رداد ،،

ولا الي يقولك سولي أعلان وكلام فاظي وبعطيك طير ومن الكلام هذا ،،

يعني الشغلة صارت نصب وأحتيال وأكثر شي يلعبون على المبتدئين !!

لاهنت يابورداد على الموضوع الرائع والمفيد ،،

بارك الله فيك وبيض الله وجهك ،،

تحياتي / قلب شاهين ،،

[قرناس ارامكو]

الله يجزاك ألف خير يامشرفنا العزيز ( أبورداد )

[فارس 74]

الله يبيض وجهك يابو رداد

كلامك في محله والحذر واجب

[لعّاب المنايا]

كلاااااااام كبيييييييييير

عين العقل والصواب بيض الله وجهك يا مشرفنا ,,

[الزعـبي]

الله لا يهينك يا ابو رداد .... وجزاك الله خير

[ذراع الذيب]

الله يجزاك خير هذي
النصيحه مانحصلها هالايام والله يعطيك العافيه.........

[قنيص غبر]

مشكووور يا ابورداد .. وانا احذر بعد .. مشكله يطلعلك واحد يقولك عندي طيور فارهه للامراء او الشيوخ والاثرياء باسعار زهيده . يغريك اتقول شاري سياره ....

يا زينك يالجير اللي تروم تشتريه بالتلفون وهو في بيضته هههههههه الو نيك فوكس عطنا واحد جير ابيض وثنين شواهين سود وعجل فالطلبيه . شهر ثمانيه الطيور عندك :)

[ابوفارس 5350]

بارك الله فيك وكثرالله من أمثالك ياابورداد

[محمد الفهيد]

كلام صحيح ومجهود طيب يابوردااد
المشكلخ تجيك صور تخليك ترخي الجيب على قولت التويجري ( نقعد نحسب وش نبيع عشان تجيب قيمته )هههههههههههه

[الشقب1]

الله يجزاك ألف خير يامشرفنا العزيز ( أبورداد )

[طيرحوران]

عز الله انك وفيت وكفيت يابو رداد
وهذه تعتبر نصيحه
فالعاقل من اتعض بغيره
مشكوووووووووووور

[المزروعي]

قنيص غبر . شو أنت شاري طيور و لا طالب سندويشات !!!

[قشاع الرمث]

السلام عليكم ورحمة الله وبركاته

عز الله هذا الكلام الصحيح .

واذكر مقوله للوالد الله يطول عمره

يقول ( لا تقظب لحيتك لاحد وتقعد تناظره )

وانتم سالمين .

[المان العرب]

مشكور يابو رداد على المعلومات الطيبه

[طير طاير]

الله يعطيك العافية/ أبو رداد
1+1=2
وياليت كل واحد ( مبتدى ) يبي يشري طير يدخل للمنتدى ويطلب المشورة وأراء الأعضاء
للإستفادة ويطرح صورة للطير ويستعين بأحد الصقارين الموجدين في المنتدى من الي يوثق فيهم ( وهم كثر ولله الحمد ).
وأنا وأثق أتهم ما راح يقصرون أن شاء الله

والي ما يخافون الله ذولي ما قول إلا {{ حسبي الله ونعم الوكيل }}

تقبل مروري،،،

[أبو رداد]

الله يحي الجميع كل باسمه
شرفتمونا بمروركم الكريم
وان شاء الله اثبت الموضوع
علشان يطلع عليه اكثر عدد ممكن من الاخوان

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير يا خوي / ابو رداد
من يقدر يمسك نفسه لاقالوا طير ابيض يكلف 500ريال وماعليك
الا تنتظر ويجيك لاحدك ههههههههههه
مشكور على التوضيح والتنبيه .... كثير جربوا الشغله
وتندموا
مشكور ,,,
*
والسلام
الفيتو
الحجاز
1/6/1429هـ

[سنجااار]

بيض الله وجهك يامشرفنا على الكلام الي اعده من ذهب واما الطير ماشتريه ألا جايب علوم الطير وراعيه وشاكر لك على الموضوع الطيب يالطيب

[إجذب]

مشكور يابو رداد
والله يحفظك

[شبراق]

بيض الله وجهك يابوردارد ماقصرت على التنبيه الهام

[أبو رداد]

الفيتو
سنجار
اجذب
شبراق

الله يحيكم

وشرفتمونا بمروركم الكريم

[الطبشي]

ماقصرت اخوي ابو رداد على الموضوع

[نبع الدموع]

بيض الله وجهك يابو رداد على الموضوع و انا من الي كانو بيروحون ضحية
مثل هالمزارع هذا اذا كان في مزارع بالاساس و يمكن انت تخبر يوم كنت
اشاورك بالطيور
علمي بكل بساطة لقيتلي مزرعة في جنوب افريقيا و لها موقع في النت يا كبرة
كبراة و صور طيور تصيح اول طير تشوفة بتحبة على طول و يجي الثاني
تقوم تبوس على الشاشة و تقول لا حبيت هذا و الثالث من يوم تشوفة على
الشاشة تقوم تحضنها ههههههههههههه كل واحد يقول الزود عندي
و الاسعار من 1500 ريال سعودي و اغلاهن الي 19*19 بـ 2600
بسسسسسسس الي اخبر يوم شاورتك في واحد فيهم قلتللي هذا مع دخول
الوسم يجيبلة 60 الف لو ان ريشتة بيضة ههههههههه يا زين الرخص بس
انا كلمت راعي المزرعة ابيلي طير شفتة بين الطيور المعروضة و قام ياجل
في طلبي و يقولي انة مشغول و انة مرتبط بمواعيد سفر لانة يصلح مزرعة
في دولة اوروبية و متوهق في الطيور ماهو عارف وش يسوي فيها و يبي
يصرفها قبل النقل لين سالتة عن باقي الطيور الي عندة قالي عندي 14
طير كل واحد ازين من الثاني قلتلة لو باخذهم جملة بكم يعطيني اياهم قام
عطاني الاسعار الي قلتها سابقا السعر الاول كان دبل لاكن هذي اسعار خاصة
للجملة
انا عن طريقي بغيت احجة في الموضوع قلتلة شفت الطيور الي اخترتها كلها
قالي اية قلتلة الحين باحولك 25% من قيمتها بشرط قالي شنوا قلتلة
تعزلي الطيور كلها و تجيبلي صورة وحدة لهن مع بعضهن ههههههههههه
الرجال ما شفتة بعدها علما الايميلات الي كانت بيني و بينه حول 100 ايميل
على الاقل و الشئ الثاني عندي زميل عمل هولندي من البلد الي يقول انة ناقلها
و كانت المراسلات بينا الثلاث و حشرة في بعض المناطق الي قال انة بينقل فيها
و كان يسايرة في الاخطاء واضح انة شغال بقوقل ايرث لاكن قوقل ايرث ما يظهرلة
المناطق المملوكة و بكذا بداء يدخل الرجال في اماكن مزارع كبارية و مملوكة
لشركات ثانية و بكذا قالي انسى تراهـ كذوب ما غير اشغلنا الله يشغلة في عمرة.

[الشقب1]

مااقصرت يااا الاخو ودوم مبدع .

[أبو رداد]

نثبت الموضوع ثلاث ايام ههههههههه شكلهم عاودوا !!

[أبو فيصل]

موضوع في الصميم
والرجل العاقل ( مايسلم ليحته للرجاجيل ) وينتظر رحمتهم

:good2: :good2: :good2:

مشكور يابو رداد على الموضوع والشكر موصول لكل من علق على الموضوع وخاصه لـــ راكان 11... أي و الله ماتسلم لحيتك للرجال حتى ولو بحسن نيه

[ابـــًًو تركـــًي]

لله يجزاك خير واحذر ثم الحذر

[ALAMIR]

أشهد أنك حطيت إيدك على الجرح يابورداد !!
يا ما راحت علي طيور من إيران !! مره يقول لي صادرتها البيئه و مره يقول لي راعي اللنج سرقها !!
و الله العظيم نسرق عندي جرناس إيراني خلوي شاريه 45,000 ألف درهم و يسوى في الإمارات أقل شي 90,000 ألف و للأسف تم بيعه في قطر و أنا ما أدري .

هذي الشغله دخلوا عليها ناس مش من أهلها .
و أخيرا بيض الله و جهك يا بورداد .


الله يعوووضك ، عورت قلبي والله يالمرزوعي ، لا حول ولا قوة إلا بالله

[راعي شوق]

مشكور يابورداد الصدق هذا الكلام اللي يجمد عليه الشارب

[الصارم1]

والله ابداع وجزاك الله خير