مــــــــــــــــــــا الفرق بين النداوي والصافي ؟؟؟

[أبوإبراهيم1]

السلام عليكم ورحمة الله وبركاته

أخي المكشاتي


هل هناك فرق بين النداوي والصافي ؟
ومتى يطلق على الطير<هذا نداوي> ؟
وهل هناك فرق بين النداوي الصافي ، والنداوي الجرودي ، والنداوي الأرقط ؟
وهل (النداوي ) تطلق على الطيور كافة أم انها تكون مواكر محددة او على نوع معين؟
آمل الإفادة
مع التحية :) :)

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير اخوي / ابو ابراهيم
*
هل هناك فرق بين النداوي والصافي؟
أغلب النداويه صافيه ويجي فيها الهوادي
*
ومتى يطلق على الطير<هذا نداوي> ؟
النداوي الطير الحمر... والأدغس.... والأدهم ....
الطير اللي ريشته فرخ وبكر وحده تقريبا
*
وهل هناك فرق بين النداوي الصافي ، والنداوي الجرودي ، والنداوي الأرقط ؟
الجرودي طير خضر ظهره مهوب صافي دقه حمر راسه
من بدنه قلته ماتجي حمراء
الأرقط طير حمر رقاطه ابيض تقريبا وجهه مدعج وقلته حمراء
*
وهل (النداوي ) تطلق على الطيور كافة أم انها تكون مواكر محددة او على نوع معين؟
مصطلح مع عامة الناس يطلق على الحر لكن بعض الصقاقير
لهم راي ثاني
أرجوا اني افدتك
*
والسلام
الفيتو
الحجاز
1/6/1429هـ

[ذراع الذيب]

هلابك يابو ابراهيم
الفيتو ماقصر.........

[أبوإبراهيم1]

بيض الله وجهك يالفيتو على هذه المعلومات
واشكرك ياذراع الذيب على المرور

[قلب ذيب]

ابوابراهيم
لايسمعك ( حمد السحيمي ) يزعل عليك !! ههههههههه
النداوي حسب معرفتنا المتواضعه هو ( الطير الحر ) والله اعلم.

[أبو فهد العيد]

حسب معلوماتي ان النداوي هو الحر (النادر)
وانتم ادرى ومنكم نستفيد.
ومشكور على طرح الموضوع,,وما قصرو الاخوان.
ومعلومات قيمه يالفيتو.

[أبو رداد]

وعليكم السلام ورحمة الله وبركاته
حسب معلوماتي المتواضعه
النداوي هو من اسماء الصقر التعبيريه عند العرب
الصقر هو (النداوي , الاجدل , ابو شعلان , هيثم وهكذا)
مثل ماتقول الاسد هو (ضرغام , ليث , سبع وهكذا)
اما الصافي فهو احد انواع الحرار

[أبوإبراهيم1]

ما عندك مشكله ياقلب الذيب ههههه
وابشر لهم بالرضاوه
تحياتي لولد حنيظل
وماقصرت يامشرفنا على التعديل والمرور

[الاشقرالكاشف]

السلام عليكم ورحمة الله وبركاته
اخوي ابو ابراهيم كيف حاللك
الفرق (النداوي يطلق الحرار مجاهيم كبيرة الحجم)
اسم ثاني (حصاوي يطلق حرار مغاتير)
المعلوتية من كتاب نايف بن جزا العتيبي

[صقر الرحيبة]

السلام عليكم

مشكور على الاسئلة الطيبة

الحقيقة النداويقليل ما سمعت بهذه التسمية

في منطقتنا الصراحة انشالله نستفيد وياك من الاخوان

تراهم ما يقصرون

[أبوإبراهيم1]

اشكرك كل الشكر يالاشقر الكاشف
اعتقد يا صقر الرحيبة انها معروفة على مستوى الخليج ولو (تسأل تلقى الجواب)

[الطبشي]

بسم الله الرحمن الرحيم

السلام عليكم ورحمة الله وبركاته
صباح الخير اخوي / ابو ابراهيم
*
هل هناك فرق بين النداوي والصافي؟
أغلب النداويه صافيه ويجي فيها الهوادي
*
ومتى يطلق على الطير<هذا نداوي> ؟
النداوي الطير الحمر... والأدغس.... والأدهم ....
الطير اللي ريشته فرخ وبكر وحده تقريبا
*
وهل هناك فرق بين النداوي الصافي ، والنداوي الجرودي ، والنداوي الأرقط ؟
الجرودي طير خضر ظهره مهوب صافي دقه حمر راسه
من بدنه قلته ماتجي حمراء
الأرقط طير حمر رقاطه ابيض تقريبا وجهه مدعج وقلته حمراء
*
وهل (النداوي ) تطلق على الطيور كافة أم انها تكون مواكر محددة او على نوع معين؟
مصطلح مع عامة الناس يطلق على الحر لكن بعض الصقاقير
لهم راي ثاني
أرجوا اني افدتك
*
والسلام
الفيتو
الحجاز

1/6/1429هـ





الله لايهينك ..........كفيت ووفيت

[أبوإبراهيم1]

الموووضووع للرفع ،،،،،،، باقي الآراء..

[سمح المحيا]

السلام عليكم ورحمت الله وبركاته


الاخ ابوبراهيم الله يعطيك العافيه علىالموضوع




وتقبلوا تحيات

اخوكم:سمح المحيا

الطيب عسرن مايجي كل رجال:الطيب مايشرا ولاهوب وراثه

[الحر01]

السلام عليكم
الي اعرفه عن الحر النداوي انه هو الحر الابيض هاذا الي اسمعه انا وشكرن لكم

[قرناس ارامكو]

بيض الله وجهك يالفيتو على هذه المعلومات

[KAYD]

مشكور ابو ابراهيم على الموضوع لكن ما اقدر افيدك مافيه خبره
وبيض الله وجهك يالفيتو على هذه المعلومات