عشق لكن ما هنا معرفة !!

[بن طلق]

بسم الله الرحمن الرحيم
كانت البداية مع شبوط .., والله يا اني طحت فيه طق لين ثلغ العافيه :) لأني كنت حاقد عليه (ياكل من حلالي بلاش الشين ) وكنت أحسبه صقر صقر :) لين جيت هنا بالمنتدى ونزلت له صور وما قصرو الأخوان بالردود كفو وفو .., وعطوني خلفيه عن نوعة وقيمته وكنت أصيد له حمامة كل يوم لين طابت جروحه وصار يطير زين .., والمدة مهيب طويله ما تتعدى الشهر .., لكن حركاته وخصوصا بعد ما صار يطير لين يدي ويستمع ليا زهمت عليه أعجبتني حييل ردة فعله ونظراته وشراسته وصرت هنا بالمنتدى ما غير أفتر على مواضيع الصقور :) والصراحه قمة المتعه شفت صور صقور شباب المنتدى على كم هدد فيديو وتعلقت أكثر بهالصقر وقررت أشتري واحد ولأن المنطقه الي انا فيها ما فيها لا صقور ولا صقارين (برقع الشبوط جبته من جده ما لقيت بأبها محلات صقور ) ولأني انا غشيم بالصقور أرسلت مرسول يشتري لي واحد هو بعد غشيم بالصقور لكنه شريطي سيارات :) طلع ريحة الرجال لين أخذه منه جلس يكاسره يومين هههههههههههههههههههههه المهم يا رجال وصلني اليوم الصقر والصراحه عرفت اني استعجلت وأخاف لا آخذ ذنبه على الفاضي لأنه مهوب راضي ياكل له يومين يوم عند الرجال ويوم عندي وهو مبرقع ولا ياكل على كل حال بوريكم صور الصقر اول بعدين عندي كم استفسار الله لا يهينكم الي عنده خلفيه فيكرمني بالجواب الله يكرمه بالجنه لاني مثل ما علمتكم غشيم ولا حولي صقارين الا انتو يا جماعة الخير وبنفس الوقت ودي اتعلم منكم كل الي تجود به انفسكم هذي صور للصقر اول ما وصلني بعد المغرب اليوم http://up100.arabsh.com/files/wcb7dfsdp9hw3tgqgib5.jpg http://up100.arabsh.com/files/oy7mf9jxm3vobgchailm.jpg http://up100.arabsh.com/files/wwcecdau67fo57hjnkiz.jpg http://up100.arabsh.com/files/wvhusb73cktoabub19tf.jpg

هالحين يالربع بشروني اول هو ذا صقر والا ..! :)
وان كان صقر فوش نوعه وكم يسوى !! أبي أعرف بس مكاسرة خويي أثمرت والا ماش:)

وان فيكم من يعرف يحدد عمره فيعلمني كم!

هذا شي الشي الثاني !

ووش السواه هالحين مهوب راضي ياكل الشين عادي مصيره يجوع !! والا فيه شي !
بعد اذا خواطركم وسيعه ابي اعرف هو يبيله اوديه محلات مقيض والا فيه شور ثاني
والبرقع ذا اخليه عليه على طوول !!

والاكل اعطيه وهو مبرقع والا افك عنه !!

ويبيله ما ولا ما يحتاج !!

أدري اني طولت عليكم لكن خبري فيكم عن طريق مواضيعكم بياض وجيه والمدح مهوب زين ومالكم بطولتها بانتظار ردودكم دمتو بكل ود

[alajmi110]

الله يحييك يا ابن طلق
فا الحقيقه راح تجد صقاقير يكبروني فا السن ويفوقوني با الخبره
ولكن انا راح ادلي بدلوي
الطير الله يحييك شيهانه
عمرها اتوقع انها بكر
كم تسوى الله اعلم
ولكن عندي لك نصيحه الطير هذا اللي انت عارض صورته مريض
يا اما انك اتلاحق الطير لاقرب مستشفى او انك تستشير احد من اللذين لهم خبره في امراض الطيور
في المنتدى وانشاء الله راح يفزعون لك

[جارح العين]

ياخوي هذي شهانه وحلوة لاكن باين من عيونها انها مريضه والله اعلم ان بها قلاع او التهاب بالمعده
ودوها لاقرب مستشفى قبل ليفوت الفوت
والله يشفيها انشاء الله

[بن طلق]

الله يجزاكم خير

اييه بوديييه
بعدين فيها حلال

[أبو فهد العيد]

حياك الله بين ربعك واخوانك.
الحقققققققق على الشيهانه تراها مريضه.
الله يقومها بالسلامه.

[أبو فهد العيد]

الشيهانه فيها قلاع حااااااااد.
والله العالم

[nawaf.com]

الحقيقه لون البرقع مسكت

[أبو فهد العيد]

الحقيقه لون البرقع مسكت
ههههههههه , تصدق توني الاحظ.
على فكره, يابن طلق, انتبه للبرقع لايصير لامس عينها,
لان البرقع هذا حق زينه.انتبه تكفى

[بن طلق]

بسم الله
نواف :)
الله ياخذ ابليسك
ههههههههههههههههههههه
وربي توني الاحظ

بعدين بقول لك شي
حتى لو لاحظت من زمان
العين بصيره واليد قصيره
ماهنا محلاات صقوور يخوي

الله يسهل بس
ع العموم
يعطيك العافيه ع الطمره
لا عدمتك والله

ولد حنيظل
الله يكرمك دنيا وآخره قل آمين

مرورك أسعدني واهتمامك خفف عني والله
لاني من يوم عرفت انها مريضه لين شفت طمرة نواف وانا متنكد والله الشاهد

اما عن البرقع
والله مصدقك يخوي انه من محلات زينة السيارات
مرسل شريطي انا يشتري لي صقر وهذي تاليتها
ههههههههههههههههه

شيهانه وجعانه وبرقع فوشي
هههههههههههههههه


تحياتي

[بن طلق]

بسأل يا جماعه

طبيب بيطري يفي بالغرض والا لازم طبيب طيور !!

[قناص بالفطره]

سبحان الله

الطير مثل ابن أدم لا مرض بين فى وجه

الشيهانه تعبانه مره بعذرها يوم ما تاكل

[جارح العين]

ياخوي اذا مافي مستشفى ودها للبيطري حتى البيطري يعالج طيور
لاكن مايبيلها تاخير لازم تروح لو تقدر الحين

[أبو فهد العيد]

الطبيب البيطري افضل من لاشئ ..

[سنجااار]

الطير شيهانه جبليه
وتراه مرضانه ان حصله ترجعه تراه ازيلك وتاخذلك مثلوث حر ازين

[سنافي نجد]

..



هذي شيهانه .. واسعارها حول الـ 700 إلى الـ 1500 تقريبا تزود او تنقص


وتراهي مريضه .. الحق عليها





..

[((السنياري))]

ياخوي هذي شهانه وحلوة لاكن باين من عيونها انها مريضه والله اعلم ان بها قلاع او التهاب بالمعده
ودوها لاقرب مستشفى قبل ليفوت الفوت
والله يشفيها انشاء الله


والله الربع ماقصرو عطوك العلم

البرقع الي عليها اقلعه ((قطه)) اذا تبيها تشوف مدع عيونها رايحه فيها

المسيكينه عيونها مغوره

لاتقول بكره اوديها المستشفى قم الحين ودها

وعلمنا وش يصير معك

تقبل مروري

[فداع]

الطبيب البيطري افضل من لاشئ ..
الله يعينك عليها

[KAYD]

حياك الله الشيهانه بين انها مريضه تكفى لاتخليها عشان مايزود عليها
الله يعافيها آمين
تحياتي

[ذراع الذيب]

الله يرحم والديك تقول
اعطيها ماء ولا مايحتاج
قال الله تعالي (وجعلنا من الماء كل شي حي)

[أبو رداد]

السلام عليكم ورحمة الله وبركاته
ماقصروا الاخوان في نصائحهم
شوف اقرب صقار عليك
او اقرب مربط للطيور (تلقاه في اعلى الخيمه)
واستفاد من خبرتهم
وعجل ترى الشاهين حساس جدا
والله ييسر لك امرك

[سقنطور]

ياخوي هذا عقاب وقمته 6000

[الوبلي]

لاتبرقعها خلها مكشوفه بغرفه والله الله بالماء اذا ماشربت بخ في فمها اذا عندك صيديليه بيطريه خذ حبوب سبارتكس مضاد حيوي للطيور ينفع بالحيل عطها حبه ثلاثه ايام وبشرنا عن حالتها.

[قلب شاهين]

ياخوي هذا عقاب وقمته 6000

ياخوي تراك فاهم الحياة غلط !!

وأسمك بعد حلو مره ،،

[بن طلق]

بسم الله الرحمن الرحيم العلم ودينا الشيهانه للبيطري وقال ..,الشيهانه عندها التهاب شديد بالمعدة
وقال الحبوب ما تنفع يبيلها علاج أقوى ودردشت معه شوي أبي أشوف عنده سالفة والا مهوب يممممي
قلت ان كان غشيم أوديها على شور ابو رداد لا عدمته لأقرب محلات المقيض لي
لكن ..,

بعض الناس ماشاء الله ليا تكلم ترتاح لكلامه وتحس انه فاهم ويقنعك وكان من ضمن كلام الرجال :ان الاتهاب شديد ويبيله علاج اقوى من الحبوب الي ذكروها الاخوان بارك الله فيهم بالردود وقال بيعطيها مضاد قوي لمدة ثلاثه ايام عن طريق الابره وهذي على الدم على طول لمساعدة طير في مكافحة هذا البلاء وطلب اني التزم بموعد الابر يعني اول ابره كانت اليوم بعد صلاة العصر مباشرهقال بكره بنفس الوقت لازم نعطيها الابره..
وعطاني انا ثلاث ابر
http://www.mekshat.com/pix/upload02/images72/mk79562_1.jpg
http://www.mekshat.com/pix/upload02/images72/mk79562_%D8%A8%D8%AF%D9%88%D9%86%20%D8%B9%D9%86%D9 %88%D8%A7%D9%86.jpg قال بعد المغرب من كل يوم تنزع الابره من راس السرنجه وتحقن المحتوى في بلعوم الطير وهذي مضاد حيوي موضعي عشان تساعد الابره الاولى في عملها وطلب بعد اراقب مخلفات( أعزكم الله ) الطير ولونها هل يتغير او لاووصاني على الما والعلفقال اذا عيا اغصبه وعطاني رقمه لاي استفسار
الله يجزاه خير ويكثر من امثاله طقها بالابره الاولى اسفل رقبتها من الخلف
وعطاني العلاج الباقي ومشيت.

بالنسبه للشيهانه ..!

نايمه من وقت أخذت الابره لين هالحين ما صحت!!

الا بعد المغرب عطيتها العلاج الثاني بعد معافره ورجعت نامت أما البيطري فالله يكتب أجره وينفع بعلاجه عز الله انه ابن حلال..
هذي علومنا يالربع

بالنسبه للردود فوالله تثلج الصدر باستثناء رد ابو عقاب بـ 6000 :)
ويكفيه رد الاخوان عليه لكن البقيه كل باسمه الله يكرمكم ويكثر من امثالكمتفاعلكم معي يسوى عندي الكثير والله دمتم بكل ود

[F J]

بشر

وش صار على المقرودة

وياليت تعلمني بقيمتاه يا بن طلق...

والله يوفقك ويزقك بالنادر

[هدد2006]

اخوي نصيحتي لك رجعه قبل يفوت الفوت واللي باعك الطير ما احسنبك لاءنه بايعه وهي مريضه انت اتقول من يوم جت الطيره ما علفت معناته ان المرض فيهاء من قبل ما تجي

[((السنياري))]

اهنيك على العقلان ((زين ماسوت ))الله يجزاك خير

[أبو فهد العيد]

ياخوي تراك فاهم الحياة غلط !!

وأسمك بعد حلو مره ،،
ههههههههههههه.
أنت مثلي ..
مدري وش يحس فيه ابو الشباب

[اول الوسم]

مرحبا ابن طلق

اللي موجوده بالصوره شيهانه اجبليه ... والمرض مبين في عيونها وعلى ماقالوا ... قلاع شديد ... شفني واعلمك ترى للقلاع احبوب زينه ونسيت اسمها والله
بس الحق عليها

[بن طلق]

بسم الله الرحمن الرحيم أخوي fjالمقروده على قولتك ماتت الله لا يحملنا ذنبها ويسامح اللي باعها ويبوح منا ومنه أما السعر يخوك فكان 600 ريال مشكور ع المرور والدعوه الطيبه لا عدمتك ..,أخوي هدد 2006ما أتوقع انه كان بيرجعها خصوصا اذا كان يدري انها مريضه والاخوان شارو علي من اول اني ارجعها لكن قلت اعالجها بغية الاجر عسى الله يبارك فيها ويكسبنا اجرها والحمد لله على كل حال الله يعوضني بخير منها مشكور يخوي ع المرور والرد رحال العمر ويجزاك الف خير يا غالي ولا يحرمنا من ردودك ولد حنيظل حياك طلتك ثمينه واللهكثر منها الله يجزاك خير الوسم حياك يا غالي والف شكر على تفاعلك معيلا عدمتك والله .. وان كان احد فيكم يخبر لي طير زين فيعطيني خبر أنا غشيم ولا بعرف لها واخلاق بياعين الصقور بالسوق مهيب مثل اخلاق الصقارين على شان نعتمد على كلامهم ذولي طلابين مكسب و مال والصقاره نشامى عيال رجال انت يا ولد حنيظل تكفى يخوك ان عدى عليك طير زين عطني خبر بالله والا الاخ ابو رداد والا اي واحد من المطاليق الي عدو على موضوعي الجميعدمتو بكل ود

[..@القناص@..]

والله هذي شيهانه جبليه فرخ تسوى 400ريال الى 1000 ريال لاكن ياشيخ عذي شكلها مريضه وشكرا.....

[الشراوي07]

الله يعوضك خير منها ياخوي

[سنافي نجد]

..



الله يعوضك بغيرها .. واطيب منها إن شاء الله



..



واخلاق بياعين الصقور بالسوق مهيب مثل اخلاق الصقارين على شان نعتمد على كلامهم ذولي طلابين مكسب و مال والصقاره نشامى عيال رجال






صدقت والله



لكن الحمد لله .. هذي عطتك خبرهـ وتجربه



وإذا خبرت لك شي قلت لك إن شاء الله



وادخل قسم بيع وشراء الصقور ومسلتزماتها .. بتحصل الطيب إن شاء الله




والله يكتب اللي فيه خير .. وعساك عالقوه يالغالي





..

[ذراع الذيب]

خيرها في غيرها ان شالله...........