قلب ذيب
05/06/2008, 11:02 PM
الله حيهم .
كثرا مااراقب عذوق النخل في الصيف واقول بعد (جدها) بيظهر سهيل وبنقل الطير ,اهديكم هذه الابيات المتواضعه من قديمي عندما زرت طيري (جفران )----امل ان ترتقي الى حسن ذوقكم .
اترقب للنخل تخرف عذوقه =واتحرى طلعت سهيل اليماني
قلي اللي للقنص يزداد شوقه =مثل شوق اللي عشق بنت الهداني
ذاخر(جفران)واراقب سبوقه =باقي(ن)للموس شهرين وثماني
جعل ربي يحفظه ماشن يعوقه=لاكمل موسه مع الريش المداني
وماحلا لابكر الوسمي بروقه=وزين شوف السيل وسط الروض داني
وماحلا المغباش مع طلعة شروقه =صوب روض(ن)غاشيه عشب المثاني
لاطلع القرناس واستلحق سبوقه =شايف(ن)جول مع ذاك الطماني
واختلى بالخرب وادرك في لحوقه=ماخذا في الجو مقدار الثواني
كل يشوف الحياه بطبع ذوقه =وكل رجل يهتوي طيب المعاني
القنص والبر معروفه طروقه =والهوايه تملك الرجل بمعاني
وكل رجل طيب سوقي بسوقه=في الكويت وفي الرياض وفي (دخان)
كثرا مااراقب عذوق النخل في الصيف واقول بعد (جدها) بيظهر سهيل وبنقل الطير ,اهديكم هذه الابيات المتواضعه من قديمي عندما زرت طيري (جفران )----امل ان ترتقي الى حسن ذوقكم .
اترقب للنخل تخرف عذوقه =واتحرى طلعت سهيل اليماني
قلي اللي للقنص يزداد شوقه =مثل شوق اللي عشق بنت الهداني
ذاخر(جفران)واراقب سبوقه =باقي(ن)للموس شهرين وثماني
جعل ربي يحفظه ماشن يعوقه=لاكمل موسه مع الريش المداني
وماحلا لابكر الوسمي بروقه=وزين شوف السيل وسط الروض داني
وماحلا المغباش مع طلعة شروقه =صوب روض(ن)غاشيه عشب المثاني
لاطلع القرناس واستلحق سبوقه =شايف(ن)جول مع ذاك الطماني
واختلى بالخرب وادرك في لحوقه=ماخذا في الجو مقدار الثواني
كل يشوف الحياه بطبع ذوقه =وكل رجل يهتوي طيب المعاني
القنص والبر معروفه طروقه =والهوايه تملك الرجل بمعاني
وكل رجل طيب سوقي بسوقه=في الكويت وفي الرياض وفي (دخان)