بشاوركم في هالطير؟؟

[راعي ام عشر]

السلام عليكم0000
يأخوان والله ان الواحد منا يفرح انه يحصل رياجيل تبدي له
الشور ليا من شاورهم00 وبالذات لاصاروا اهل عرف ونظر وبصيره00
يالربع انعرض علي طير 17.5 في 17.5 00ريشته مغتر وكايفه مره00
عمره ثالث تقريبا000 كل شي يهد عليه 00صاد البط والنورس والكروان
والحمام الطيب00 يصيحون من طياره00 الحبارى ماشافها لحد الان00
المشكله اللي فيه الصيحه بالعربي (طنيبه)هههههههههههههه 0
قوه قوه000 برايكم شيسوى 00 لو ينعرض على كل واحد منا 00
كم بيقيمه00000 الشكر موصول للجميع000

[وَسَام!]

من وجهة نظري طير يصيح وبقوه يعني يعاندني لوه يطرح الفيله مايجمعني
معه ظل السحاب...

[سقنطور]

<?xml version="1.0" encoding="windows-1256"?>
<message><![CDATA[هذا ياخوي طير ارهو]]></message>

[نايف الخالدي]

والله وانا اخوك وانت اخبر مني واعلم
بس الصيحه بتكرهك الصقاره كلها
الصيحه تراها عذروب قوي وغير ك المعلم
وانا نصيحتي بتحصل الي احسن منه بس ان كان قيمته مغريه ورخيص مافيه مشكله
خذه والله يعينك على الازعاج
وفي بالي انه يسوي من السته وحول لانه مهوب صايد يعني الحبارى ماشافها للحين

[alajmi110]

والله الربع ما قصرو كلً عطاك وجهة أنظره
با النسبه لطير الصياح ما نتخاوى انا وياه في موتر
لو يقال قيمته طفسه
هذا با النسبه لي انا .... وانت لك القرار فا البدايه والنهايه

[قناص بالفطره]

(( يا مدور الهين ترى الكايد أغلى ))

اللى ياخذه بصيحته وناوى يعدل طبوعه

صقار ميه ميه

[ذياب999]

اخوي راعي ام عشر ياحلوه والله من ديره
اكيد تدري ان الصيحه عذروب شرعي ومصيبه لا صارت بالطير
لكن ان كانك رجال مالك نيه تفرع بالطير الا وقت هدد كذا يمكن تحمل الطير
لأنك تبي تعاف كل الطيور
صح اذا كان السعر مغري يصير به مشاور
وانا ما اعلمك انا اقولك شوري ومثلك معلم يا راعي ام عشر

[راعي ام عشر]

شاكر للجميع التفاعل مع الموضوع والردود الطيبه من الرجال الطيبين

[جارح العين]

والله وانا اخوك وانت اخبر مني واعلم
بس الصيحه بتكرهك الصقاره كلها
الصيحه تراها عذروب قوي وغير ك المعلم
وانا نصيحتي بتحصل الي احسن منه بس ان كان قيمته مغريه ورخيص مافيه مشكله
خذه والله يعينك على الازعاج
وفي بالي انه يسوي من السته وحول لانه مهوب صايد يعني الحبارى ماشافها للحين
انا مع اخوي نايف

[المان العرب]

والله وانا اخوك وانت اخبر مني واعلم
بس الصيحه بتكرهك الصقاره كلها
الصيحه تراها عذروب قوي وغير ك المعلم
وانا نصيحتي بتحصل الي احسن منه بس ان كان قيمته مغريه ورخيص مافيه مشكله
خذه والله يعينك على الازعاج
وفي بالي انه يسوي من السته وحول لانه مهوب صايد يعني الحبارى ماشافها للحين
عزالله اخوي نايف ماقصر عطاك العلم :good:

[قلب شاهين]

والله يالغالي أنت ورغبتك ،،

يعني أن كانك رجال تتحمل صيحة الطيور اشتر ،،

والصيحه معروفه عذروب قوي وبالنسبة لي أنا ماأنقل طير صياح ،،

هذي وجهة نظري ،،

ونصيحتي لاتستعجل ،،

تحياتي / قلب شاهين ،،

[طيرحوران]

حياك الله اخوي راعي ام عشر
اولا الطير هل هو صياح برقع وبدون برقع ؟؟
كانه يصيح ببرقعه لو يعطونك عليه زود لا تخذه .
وإذا كان يصيح بدون برقع
أولا انا اقدر الطير هذا إذا كان لا بد اني اشريه من 3000 ونازل
وحط في بالك إذا طلعت مع أهل الطيور كلهم يبون يتضايقون من طيرك لأنه يعود الطيور الثانيه على الصياح وهذا امر محرج لك.!!
وعندنا مثل يقول( ياشاري من دون بدون تحسب انك غابن وانت مغبون) !!!
هذا ما احببته لنفسي فأحببته لك
والسلام

[الوبلي]

اضرب على الكايد لياصرت بحلان وش تبي فيه يبلشك بالصيحه من شاورك دخل ذمتك.

[قشاع الرمث]

السلام عليكم ورحمة الله وبركاته

مساك الله بالخير راعي ام عشر .

كيف حالك .

وشلونكم والعجاج هاليومين . عسى الله يعينكم .


بالنسبه للطير وغيرك معلم :
قرناس ثالث ومقاساته 17.5 وملون
وما صاد قصدي ما شاف حبارى هذي صعبه:no2:
خصوصا اذا كان ساسه فرخ وصار بالمواصفات هذي
يومه وحش ما تلقاه الا مع فلان بن فلان:j ومن تالي اي صقار
يشري وحش ما يقنص الا هو موريه حبارى سواء كسير او من كرتون
وحتى لو كان من الشعب مهو من عيال الفلانيين:D حتى لو الله ما وفقه بحبارى
طول الموسم قبل يربطه بيهدله حبارى يشوف عنه .

ومن ناحيه الصيحه انا اشوف انه اردى طبع بالطيور على الاطلاق:mad: .
وقيمه الطير برايي ما ينعدى 7 الاف مهما كان .

وتبي نصيحه انت رجال تقنص واجد وبوسط المقناص;)
لامن جا شهر عشره الهجري عقب رمضان دور لك وحش
وسره وقطوع وثندات وان حصل ريشه زينه مرحبا ومسهلا
وان ما حصل ما مثل الطير الادغس ههههه .
والله يا اخوك ان ما تحس بلذه المهاد الا لا صار معك وحش
سواء فرخ او قرناس .

والله يوفقك........

[راعي ام عشر]

سلمتوا اجمعين 000 الطير ياقشاع الرمث 00 مطروح بسبوقه اخر الوقت غادي الطير00
وما به الا سبق واحد00 والشي الثاني قالوا ثالث بالحروه تقريبا 000

[فداع]

السلام عليكم اخوي راعي ام عشرالطيرهذا مشاكله واجد صيحه وغادي من اهله بعد الله يغنيك عنه

[سنافي نجد]

..



والله وانا اخوك الطير علومه زينه


لكن الصياح مشكله كبييرهـ .. وبتكره شي اسمه طيور .. وإذا جيت تبيعه محد بيشتريه الا بسعر طاايح مرهـ




اصبر وانا اخوك .. وإن شاء الله يجيك طير ازين منه




..

[بو هاشم]

حياك الله اخوي راعي ام عشر

اولا الطير هل هو صياح برقع وبدون برقع ؟؟
كانه يصيح ببرقعه لو يعطونك عليه زود لا تخذه .
وإذا كان يصيح بدون برقع
أولا انا اقدر الطير هذا إذا كان لا بد اني اشريه من 3000 ونازل
وحط في بالك إذا طلعت مع أهل الطيور كلهم يبون يتضايقون من طيرك لأنه يعود الطيور الثانيه على الصياح وهذا امر محرج لك.!!
وعندنا مثل يقول( ياشاري من دون بدون تحسب انك غابن وانت مغبون) !!!
هذا ما احببته لنفسي فأحببته لك
والسلام

انا رايي من راي اخوي الفيتو

[أبوإبراهيم1]

ااااااااههههههههههههرررررررررببببببببببببببب
من الصياح
شور اللي مايغشك