هالعله مرت على احد من قبل؟

[bo jara7]

السلام عليكم
صراحه المواضيع عندي كثيره وهذا موضوع غريب
عند واحد من الربع طير جرودي اول ما شراه خذ طير ولكن بعد فتره الطير نهده عالملواح او البطه او الحبشي يروح ابد عليها عليها وبعدين يفتر ويهد علينا يقعد يمسحنا ويحاول يضربنا !!
ومره من المرات هديناه على حبشي ويجبل عليها شوي ولا يتعداها ويكمل تقريبا 2 كيلو ولا يقعد يمسح على عايله رجال واهله ويقعد الرجال يغطي حريمه بالبشت خايف لا يعورهم ابد يطق يطق الاوادم
فهل مر عليكم طير بهالشكل ؟

[وَسَام!]

هههههههههههههههههههه
هههههههههههههههههههههههههههههههه
حسبي الله ونعم الوكيل اول مره اسمع بطير بالشكل هذا
يهد عليك اذا جيته عند علفه ماهو مشكله بس يهد على الاوادم
من خلاه في خلاه هذا مصيبه مامر علي ولا في الحلم
معقوووووووووله

[فداع]

ولله غريبه ههههههههههههههههههههه

[الباهي]

هههههههههههههه
والله عجيب هالطير عطنياه ودي اهده على رجال قاهرني

[شيخ الشرقية]

بصراحة شي غريب؟؟؟؟؟؟؟؟

[bo jara7]

وازيدكم من الشعر بيت
راعيه يوم شافه بهالعله ربطه من شهر 12
":\

[شيخ الشرقية]

يمكن فييه فيووز خربان هههههه شي غريب بصراحة

تقبل مروري

[قلب شاهين]

ههههههههههههههههههههههههههه

ذكرتني بمثلوث كان عند واحد من الربع كان يمسح على الشماغ خخخخخ ،،

والله الطير هذا مانه فايده وطبعه شرس ،،

بس يوم تقول هد على عايله هههههههههههههههههههههههههههههه شيء غريب والله ،،

بس هذي يمكن من طباع الجير والله أعلم !!

تحياتي / قلب شاهين ،،

[قلب ذيب]

الطير يبغي له ( شناذره ) وقت نقله
ويدعى على ملواح لين يهجد .

[ابرق العزاف]

هههههههههههههههههه

يمكن الطير هادر يوم هد عل العايله يعرف مواطن الجماااااال

ههههههههه
لكن صاحبه يمكن ياكله على دس شكل ملابس الحريم
هذه العله الصحيح

[جارح العين]

هههههههههههههههههه
والله ههالطير يعجبني طير شيووخ
ههههههههههههههه
يمكن الطير طفشان ويبي يلعب معاكم
ههههههههههههههههه
ماقول الا الله يعينك عليه

[محمد الفهيد]

هههههههههههههه
الله يعينك
كان عندي واحد بكر ايروح ويمسح الربع عند روسهم مره والله انهم يقبضون الارض اذا دعيته وبعضهم يزبن الموتر . بس مايعورهم كانت من نفسه اتحس انه ايلاعب

بس انا في رايي اذا الطير كان يدعى وصارت معي مره وخاصه اذا كان عليك هواا وجاك الطير واخطيت في ملواحه ودعمك وطااح انتي بشكل طبيعي بتحن عليه وبتعطيه انا سويت نفس الشي ومن عقبها حط في باله يمسح 5 مرات وعقب يصدمني عشان اعطيه

دايما اتصير لأنه بهيمه

تحياتي

[أبو فهد العيد]

انا قد مرت علي هالحاله..
ولكن الطير مهوب حر. الطير اللي كان معي وكري..
ومهوب يمسح وبس الا كان يشبط في اقرب واحد..
واللي مصبرني عليها انها اي شي تشوفه تهد عليه ماتقول لا

[نبع الدموع]

اخبر واحد من الشباب كان عندة قرناسة جبلية كانت تهد علية
ماكر هالطيرة له و كل سنة يطرحها و يقنصبها و ما هناك اشكال
و السنة الي صارت تهد علية طرحها بدري و فروخها صغار
و للاسف قوة الثوارى خلت فروخها يموتون.

[ِAbir-Sabeel]

هههههههههههههههههههههه
شر البلية ما يضحك
أخوي أبو جراح شف الطير للبيع
أبشرية لها الأذية عندي كل ما تكلمت هديته عليها :D

[بو هاشم]

والله ان هذا الطير قضيه
الله يكون في عون راعيه
بس في ناس يعجبهم هالنوع من الطيور لهم ما رب اخرى

[لعّاب المنايا]

غريبه والله هالطير

أتوقع يبيله جرد الطير وتتطويف على العلف وإشتغله ملواااح حتى يعرف ان الله حق ,,,

غريبه وش اطوال الطير وكيف هدده طيب وحار على العلف والا وش طبيعته ,,

[سنافي نجد]

..



ههههههههه


شكل الطير ما تزوج .. الله يهديه رايح يدور عند العوايل




الله يعينك عالطير ياخوي



..

[قناص بالفطره]

يا غالى احس طيرك فاصل المخ عنده وخاش جو انكم حبارى

دواه الوحيد شهار قسم الطيور

يطلع من عندهم وهو متخيل نفسه قمريه

ههههههه طبعا مزح

الأكيد ربى يعقله ويصير من خيرة الطيور

تحياتى

[((السنياري))]

هذا سلمك الله معوديه الي يعشيه اعياله اصغار واهله ((شي عادي))

[bo jara7]

مشاءالله الوكاد استانستو عالموضوع
ترى الطير موجود بالكويت لا وللبيع بعد والمشكله راعيه حاده غالي
الطير خذ شكل بس الاطباع لا والله تخرع يمكن يجيك داخل الموتر لا استضاق


":\

[قلب شاهين]

ودي لو تحط صورة الطير ،،

والله الطير شكله يصلح للمغازل :)

علق الرقم على ظهر الطير وهده ههههههههه

[ذراع الذيب]

الطير غرييييييييييييييب جدا
الظاهر انه خاربها يبي يفتك من الدنيا اللي هو فيها..............

[سنجااار]

والله ماهوب صاحي ذالطير ولا قد مرعلى يطق على الملواح او اذاجيته على العلف هذا الي مر علي
وذالطير فرقاه عيد

[البحري ولبري]

الله يستر ........... لا يشبك احد........ سنه من السنين انتشرت سالفه طير يقتل راعيه...... بسبة الشراسه قام طير بلمحه بشبك مخالبه في منحر الرجال مما ادا الى وفاته.......... والله اعلم هذا ماخبر من السالفه

[ولهان مكشات]

نعم مر علي عند واحد من الربع ويشق ثياب اللي حوله بس مايسويها الا اذا مركوزه طيور حولكم اما بدون مثل العائلة ؟ الله يستر هذا به سر ادمي

[صوعان]

جرب مره خذ معك عسيب نخله واذا جى يمسح على الراس صكه با العسيب
ترى الطير ذكي ويتعلم والله يتوب يهد على اوادم

[وقاااااد]

الله لايكثر هالنوعيه
مرت علي قصه العام واستحي اسولف بها لأن محد مصدقني
بس بعد هالطير اللي تقول ابعلمكم بها
كنا مجموعه ندعي اطيورنا واحد من الشباب يلوح لطيره تفريخ حر من حر على الشلو وينششه المهم وتجي هاك الحمامه وتدخل تحت السيارات ويطردها الطير ويمسك واحد من العيال الحمامه ويدخلها في السياره ويقوم الطير ويرجع على الملواح يلعب عليه اشوي وبعده خلا الملواح وراح يطق الرجال اللي خذا الحمامه وحطها في السياره والله ياجماعه انه ضاربه على راسه مطير العقال والغتره والمره الثانيه ضرب الدس ويشقه
والرجال يزبن الموتر وانا متنا من الضحك :d
وهي اول مره تمر علي ولا سولفتبها إلا اليوم يوم جبتو طاريها

[قشاع الرمث]

السلام عليكم ورحمة الله وبركاته

اي بالله مرت علي من طير جرودي
ابيظ مغتر . من طيور روسيا .

كان ما يلوح ولا بطرد حمام الا بمزاجه
واحيانا يخلينا ويقعد يحوم .

ولاكن ما كان يطق احد ابدا ولا يهوش .

والسبب وزن الطير + الجو .

ما ينسن الا بالبرد ولازم يقرص شوي بالوزن .