بخصوص الفرارات ... استفسار للي عنده علم ؟

[ااابوخلف]

السلام عليكم ورحمة الله وبركاته
يالربع الفرارات اللي بالجيوب هل هي تشتغل بمجرد ما افر واحد والا لابد افر
الفرارين معا ؟

[ااابوخلف]

معقووووووووووووله

[الوسيطاء]

طبعاً لازم الاثنين ظروري وتراها تخرب لو فريت واحد منهم السنه الداخليه

[((السنياري))]

لازم تفرها عشان يشتغل الدبل ((لا نزلت البر وقف وشغله لا رجعت اللقار انزل وافصله))

[راعي طويلات]

لازم تفر الثنتين إذا فريت وحده دون الثانية اكتب على الفرارات السلام

[عاشق السيل]

كل فرار مسؤول عن الكفر اللي عنده !!

يعني إذا فريت اليمين راح يشبك الكفر الأيمن لوحده وبالتالي ماتستفيد من الدبل لأن الحركة تبي تروح تلقائي للكفر الأيسر بسبب وجود خفة وفضاوة بعمود الدفرنس الأيسر ،،

أما إن الفرارات تخرب إذا شبكت واحد فقط هذا الكلام غير صحيح بتاتا مع إعتذاري للشباب الله لايهينهم !!!

وفق الله الجميع لكل خير وتقبل مروري يالغالي .....