لكي تفحص جهازك اللاسلكي بدون اي شكوك

[شقران]

مساكم الله بالخير جميعاً.

هذه القطعه تساعدك على فحص جهازك اللاسلكي بشكل دقيق وللتأكد من عيوبه وطريقة استخدامها سهله بدلا من تركيب الأريل ركب الدمي لود ثم افحص جهازك..
طبعا يجب ان يكون لديك جهاز قياس الباور او ما يسمى اس دبليو ار أند باور ميتر وبتركيب الدمي لود بتوصيلها في الباور ميتر ثم مأخذ من جهاز الفحص إلى جهازك وشغل الجهاز واضغط الريشه وتابع تطورات جهازك على اللو والميد والهاي وهي مفيده جداً للمتحرك والثابت لكشف عيوب الجهاز ا و حتى التفرقه بينها وبين الأريل وملاحظة فرق قوة الإرسال بينهما...

وقد وضعت الصوره مع الجدول مع السعر لتقومو بمقارنتها مع الأسعار في البلد وهي متوفره بكثره في المرسلات او في الديره. وانا استعملها بكثره لفحص الأجهزه اذا توفرت لدي طبعا عن طريق بعض الفنيين والموجود في السوق لا اظن انها تتجاوز 100 واط لكن اللتي استعملها غالباً تتجاوز 1000 واط لفحص الأمبليفرات ايضاً وهي مفيده جداً لفحص الأمبيليفيرات.

ارجو ان يعجبكم ويفيدكم تحياتي/شقران
معليش ياخوان صور الدمي لود لوحدها ماهي في نفس الصفحه لكن عيوب الموقع


http://user.netomia.com/shagran/dl130a.jpg

http://user.netomia.com/shagran/rfp100tfn.jpg

http://user.netomia.com/shagran/domyload.jpg

عفوا ان لم تكن الصوره واضحة يمكن طلبها مني وسارسلها بالبريد لمن يريد..:D

[راعي عنيزة]

جزاك الله خير يا باش مهندس

وعلى طاري قياس ارسال الجهاز اتوقع والله اعلم ان ما يحوس الجهاز ويدمر ارساله الا تعليق الريشه

مثل البعض يعلق لك الريشه ويحطها على المسجل ويطلع ساعه ساعتين ويحولي يالجهاز تلقاه تقل جمره من الحراره وايسياته مولعه :(

[شقران]

لا وتلقا اخونا في الله مشغل الأمبي حاس ان مافيه احد قده..
الله يسرها على خير ويفتحون نادي هواة (ايه هين) ويحطون قوانين (ذكرني)!!!
والا ياخوي خل ننقل للقمر مكان مرتفع ونلحط البشريه ههههههههه:D

على العموم احب امزح ولا وقت الجد مافيه شك:
من اكثر المشاكل اللي تواجهها الأجهزه تعليق الريشه وما تدري وش اصحاب المحلات يقولون عندي لك امبي أكبس الريشه ساعة ومايخالف وهالضعيف مصدق نعنبو بليسك الجهاز مايتحمل ساعه والاريل بيسيح .
ياخوان الجهاز وضع للمراسله وتسهيل الإتصال بالبعيد والقريب مهوب للتلحيط وقوة ارسال
الله يهدينا بس كم تستقبلن يارعي عنيزه /تحياتي دبل اوفرررررررررررررر

[عبدالعزيز الدباسي]

اخوي شقران مجهوداتك رائعه ،،، ومعلوماتك وافيه

زادك الله من علمه ، وبارك فيه

[شقران]

الله يبارك فيك ويجزاك بالخير على دعاك يالغالي..وعسى الله ينفعنا جميع ويزيدنا وياك وكل المسلمين علم وعمل للدنيا والأخره../تحياتي شقران.

[AMERALNET]

الجهاز مو طالعه صورته عارف ان الموضوع قديم بس سؤال الله لا يهينكم ولا يصغركم ياشباب
فيه احد بالرياض يفحص الجهاز والرجع له
لان الجهاز جديد ايكوم8000 وخايف عليه والقاعده تجاريه

[ابوغلاب]

اشتر لك ساعه قياس تقريبا حول 500 ريال من دار البوصلة او مر عليهم يشيكون لك الراجع وقوة خارج الجهاز

[AMERALNET]

ابوغلاب
الله يعطيك العافيه على سرعة الاستجابه
اخوي انا مريت عليهم العصر وقالو الفني يداوم بعد التراويح المهم
في واحد من البائعين يقول حق السياره مافي راجع يمكن يكون فيه بس مايذكر ولايضر
القياس حق الراجع يكون بالاجهزه المنزليه اللي مركب ستيشن وامبي فير وكذا مقويات وغيره...
اما انت ماتحتاج....؟

وش قولتك ابوي علما ان القاعده تجاريه والاريل اتوقع انه فرخ الجني الصغير قوي ماشاء الله
اراسل واحد بالشفاء وانا بحي غرناطه اللي على طريق الدمام وش قولتكـ يالذيب

[ابوغلاب]

شوف يالغالي انا عندي فرخ الجني الصغير شريته بـ 25 ريال قبل سنتين وهو تقليد طبعا والراجع فيه عندي تقريبا 1:4 على 144.000 وافضل شي على 145:000 يعني موزون على افضل شي
لكن فعلا اذا انك تبيه للسيارة اهم شي انك تتأكد منه المقاومة لان فيه ارايل زينه ما تنفع اطلاقا المقاومة فيها ليست 50 اوم يعني احرص على ان يكون الكيبل مكتوب عليه 50 اوم والافضل تشتري لك اصلى من دار البوصة حتى لو قيمته غالية شوي

[AMERALNET]

مشكور يابوغلاب والله يحرم وجهك عن النار يالغالي

[aakolife]

أخي العزيز شقران

الصور لم تظهر

اتمنى أن ترسلي الصور أو ترفعها من جديد وشكراً

[Abu-Nawaf]

جزاك الله خير

[الحربي حاتم]

بسم الله الرحمن الرحيم
بارك الله فيك

[ابوسعودmoh]

جزاك الله خير