قز البريمس السويدي الأصلي ( أبو عينين )

[سمرقند]

السلام عليكم ورحمة الله


أسعد الله أوقاتكم بالخير والمسرات وملأها باليمن والبركات



للمهتمين بقز البريمس ابو عينين السويدي الأصلي
إليكم الصور للإطلاع :)


[ قولوا ما شاء الله تباركـ الله ]



[ 1 ]
http://img214.imageshack.us/img214/341/primus2at5.jpg


[ 2 ]
http://img373.imageshack.us/img373/6024/primus3tz0.jpg


[ 3 ]
http://img76.imageshack.us/img76/9643/primus4xl9.jpg


[ 4 ]
http://img72.imageshack.us/img72/9500/primus5qd0.jpg


[ 5 ]
وهذا رقمه التجاري


http://img81.imageshack.us/img81/2864/primus6fo2.jpg




وهذا إرجاحه مع القز :D


[ 6 ]
http://img514.imageshack.us/img514/3002/primus7ac9.jpg





دمتم بخير :p

[أبومنصور]

ما شاء الله تبارك الله عليه وعلى الرجاحه اللي معه
ليتك تكلمت عنه
اداءه وسعره ومن وين شريته واي حاجات ثانيه
شكراً لك
وتكسره بالعافيه
واحرص عليه لا تسلفه لاأحد يروح فيها

[حيمور]

ماشاء الله كنب حلو تهري بالعافيه هههههههههههه
بمزح بريموس ممتاز ونادر ما تلاقيه الله يباركلك

[اول 111]

كم سعر هذا الزين

[compaq]

وين حصلته

للبيع

اللون غريب

[ابرق العزاف]

ماشالله وينك فيه مابغيت القاك يابريموووووس
وينه فيه ذا

[ابوفهيدان]

وين سرهيد الساحات خبيرنا بالبريموس

[قرم البر]

الله يجزاك خير على هالموظوع

والدافور باين عليه زين وقوي وين اقدر القاوه

[ظبي]

النوع القديم هو الاصفر سويدي
ثم طلع هذا وفيه ايضا منه اخضر سويدي
ثم طلع الازرق الهندي
ثم طلع الاحمر الصيني
وهو أقوى الجميع من حيث استهلاك الغاز وقوة الدفع بدون ازعاج

من استطاع ان يجد معلومات عن النوع السابق الرصاصي والاصفر والاخضر صار فريق هههههههه
والانواع القديمه فليأتي بها لنضع مقارنه
اما من نا حية الازرق الاحمر فالمعلومات موجودة

[سوبر VTC]

ما شاء الله تباركـ الله

باين عليه أنه أصلي ما شاء الله

الظاهر أنه مهب موجود بالسوق ذا ولا لا
كل اللي موجود هالحين من النوع الردي والصيني


الله يطرحبه البركة

[سمرقند]

شكرالتواصلكم جميعا وياليت عندي كميه اهدي عليكم ودمتم

[السفير2006]

وين حصلة ماشاءالله عليه حلو مرااه
تكفى وين القااه

[سمرقند]

لمن سال من الاخوه عن مكان وجوده فللاسف انه ليس موجودفي المحلات فقدبحثت عنه في جميع مدن المملكه التي ذهبت اليهافلم اجده:no2:

[سرهيد]

السلام عليكم

تمن تصغير الصور لان حجمها كيير مرة لذا تكون بطيئة في التحميل وهذي هي الصور:

واتمنى من المشرف اعادة تحميلها في الموضوع لكي تسهل على الجميع


http://www.mekshat.com/pix/upload02/images72/mk40450_primus1.jpg

http://www.mekshat.com/pix/upload02/images72/mk40450_primus2.jpg

http://www.mekshat.com/pix/upload02/images72/mk40450_primus3.jpg

http://www.mekshat.com/pix/upload02/images72/mk40450_primus4.jpg

http://www.mekshat.com/pix/upload02/images72/mk40450_primus5.jpg

http://www.mekshat.com/pix/upload02/images72/mk40450_primus6.jpg

http://www.mekshat.com/pix/upload02/images72/mk40450_primus7.jpg


تعليقي :

اعتقد ان هذا قديم وواضح من شكله

لكن احبتي الا ترون ان عيون القز متقاربه مما يمنع استخدامك للعينين في نفس الوقت .

فلو استخدمت العين ووضعت عليها قدر للطبخ ، لضاق المكان ولم يتحمل ان تضع على العين الثانية اي غرض .

اذن ما الفائدة من كونه عينيين وانا لا استطيع استخدام العين الثانية في حال وضع قدر او بريق طبخ كبير .

النوع الحالي لا بأس فيه ، وسيع ويسمح بوضع قدر وبريق لكبر الحجم فيه .

عذروبه انه صيني مع انه ليس الصيني المعتاد من قلة الجودة بل اراه صناعة قوية ولو كتب على الحالي صناعة سويدية لراج اكثر .

هذا رأي وخاص فيني ولا الزم به احد ابدا

تقبلوا احترامي

[الوسيطاء]

لكن احبتي الا ترون ان عيون القز متقاربه مما يمنع استخدامك للعينين في نفس الوقت .

فلو استخدمت العين ووضعت عليها قدر للطبخ ، لضاق المكان ولم يتحمل ان تضع على العين الثانية اي غرض



اخوي انا عندي مثله بس يبي قدر كاتم مرتفع يعني بطن القدر صغير ويصير على ارتفاع وتستطيع تحط اي شي ثاني بجانبه

[سمرقند]

مع احترامي لرأي الاخ سرهيدالايكفي قدر8لتر مع بريق التفويح أما اذاكانت الرحله مدارس فعليك بلمنصب ودمتم

[سمرقند]

الاخ سرهيدالايكفي قدر8لترمع ابريق التفويح امااذكانت الطلعه مدارس فعليك بلمناصب ودمتم

[ظبي]

كلامي اخوي سرهيد صحيح
النوع الجديد افضل من جميع النواحي

[سرهيد]

مع احترامي لرأي الاخ سرهيدالايكفي قدر8لتر مع بريق التفويح أما اذاكانت الرحله مدارس فعليك بلمنصب ودمتم

اخوي العزيز سمرقند

طيب قل شكرا على رفع الصور على مكشات لكي تكون اسرع في التحميل :(

على العموم اخي انا لا اقلل من قيمة القز الذي عرضت بل قديمك نديمك ولو الجديد اغناك وهذي ما نشك فيها ابدا .

لكن القز المتاح حاليا افضل لأشيا ء :

1- السعة التي سبق وذكرت لك .

2- متوفر .

طيب وش الفائدة انك قاعد تقعني بجود قزك - وهذي ما اشك فيها ابدا والله- لكن وفره لي طال عمرك وما يهم .

على العموم انا هنا لم آت لكي انقد اي قز بل اؤيد ان المنتجات السويدية الخاصة بالبرايمس القديمة ومنها هذا القز الذي عرضت عالية الجودة ولا يعلى عليها .

ولكني قلت وجهت نظري في الامر لمن يرغب اقتناء شبيه القز .

تقبل مني كل احترامي اخي العزيز

اخوك

ابو عبدالله

[سمرقند]

في البدايه المعذره يا سرهيد قلبي وعلى فكره سرهيد لي معه قصه قديمه لعلي اعلمك به بعدين وبالنسبه للقز هذا انا ماأستعمله الا برحلات المدن اما رحلات البر عندي قز ثاني من تصميمي لعلي انزل صورله بأقرب فرصه ودمتم

[سرهيد]

في البدايه المعذره يا سرهيد قلبي وعلى فكره سرهيد لي معه قصه قديمه لعلي اعلمك به بعدين وبالنسبه للقز هذا انا ماأستعمله الا برحلات المدن اما رحلات البر عندي قز ثاني من تصميمي لعلي انزل صورله بأقرب فرصه ودمتم

اجل سرهيد قلبك :j

احرجتني طال عمرك

وعسى القصة اللي لك معي قصدي مع سرهيد :):) حلوة والا

وفي انتظار اخبارك لي بالقصة تراك شوقتني والله :p

كيف المدن لاني اخبر المدن فيها قزوز وكل بيت وشقة واي محل في المدينة تسكنه الغالب فيه قز

المهم تراني ركزت على سالفة عندك قز ثاني من تصميمك تراني احب الابتكارات والجديد بعد وفي انتظار عرضه

تقبل من محبك كل احترام

اخوك

ابو عبدالله

[سمرقند]

ابوعبدالله لاتحمس للقصه واجد تراه عاديه اهم مابه إني أكلت علقه محترمه
اما قولك شقق مفروش هذ صحيح لاكن لاصرت طرقي ترألمقيال بلحدايق وحكر ألنثريه تراوه زين ودمتم

[ظبي]

في البدايه المعذره يا سرهيد قلبي وعلى فكره سرهيد لي معه قصه قديمه لعلي اعلمك به بعدين وبالنسبه للقز هذا انا ماأستعمله الا برحلات المدن اما رحلات البر عندي قز ثاني من تصميمي لعلي انزل صورله بأقرب فرصه ودمتم
ننتظر تصميمك فنحن نشجع المبتكر السعودي

[( برى بحرى)]

الاخوان يسألون من وين وانت لم تجب عليهم ؟؟؟

هل هو عندك من زمان؟؟؟

ام انك شاريه جديد

او انك طالبه من الانترنت

الله يعطيك خيره ويكفيك شره طال عمرك

يكفيه ان اسمه بريمز

تحياتى

[سمرقند]

بري بحري يحفضك ربي من تيهات البر ولبحر
القز ياعزيزي عندي من سنين
دمتم بخير

[الطرفاوي@]

مشكور على الموضوع ولاتحرمنا القز الثاني الي من تصميمك

[سمرقند]

أبشر الله يحفضك انشاالله بأ قرب فرصه

[(مواصل)]

قز يستاهل اكثر من مبلغه
عندي واحد نفس الي بالصورة مشتريه بمبلغ 270 ريال
بس لو يجي اوسع منه شوي كان افضل

[المغرم]

السلام عليكم ورحمه الله وبركاته


اخي سمرقند
انا عندي قز زي الى بصوره بتمام له عندي اكثر 10 سنوت
بس فيه مشكله اخذه واحد من الشباب قبل سنتين والله يهديه
قام وقطع الراس الى يركب في الاسطوانه
وصار مامنه نفع الحين
ابي اسأل وين احصل قطع غيار له لاني ماخليت محل مارحت له
ولا حصلت اي شي
وشكراً

[سمرقند]

الاخ المغرم
اهلأ وسهلا بك
بالسبه للي اذهب الى اقرب محل كبس هدروليك اذمعك الحنفيه
وأى استفسار انا بلخدمه
ولك تحيه

[سرهيد]

السلام عليكم ورحمه الله وبركاته



اخي سمرقند
انا عندي قز زي الى بصوره بتمام له عندي اكثر 10 سنوت
بس فيه مشكله اخذه واحد من الشباب قبل سنتين والله يهديه
قام وقطع الراس الى يركب في الاسطوانه
وصار مامنه نفع الحين
ابي اسأل وين احصل قطع غيار له لاني ماخليت محل مارحت له
ولا حصلت اي شي

وشكراً


اخي الكريم

بامكانك تركيبة على محول الغاز العادي

هل جربت

واذا ما نفع مثل ما قال اخوي سمرقند في محلات الكبس اذا الرأس عندك سهل الامر

ان اشوف ان تجرب تركبه في محول العازي العادي اللي مثل هذا

http://www.mekshat.com/pix/upload02/images72/mk40450_dsc02686.jpg

بس يركب على الدبة الصغيرة

لان محول الغاز العادي ما يركب على الدبة

تقبل احترامي

اخوك

ابو عبدالله

[سمرقند]

هلا بسرهيدقلبي نورت الموضوع
مع احترامي الى رأيك بالنسبه للقز هذ يحتاج ضغط قوي ولمحول هذ غير مجدى
ولك تحياتي

[سرهيد]

هلا بسرهيدقلبي نورت الموضوع
مع احترامي الى رأيك بالنسبه للقز هذ يحتاج ضغط قوي ولمحول هذ غير مجدى
ولك تحياتي

هلا والله بالعزيز سمرقند

صادق لانك مجرب وانا لست مجرب ولكنه اجتهاد مني

وانا بكره ان شاء الله بجرب وبركب لي مباشر على القز هذا واشوف وش يصير

على فكرة مرسل لك على الخاص ما رديت وش دعوى طال عمرك

تقبل احترامي

اخوك

ابو عبدالله

[المغرم]

اخي سمرقند
بنسبه للحنفيه مو موجوده عندي مدري وينه


اخي سرهيد الساحات العربية
وبنسبه لمحول الغاز العادي ماريكب عليه
عشان اللي مدخله صغير مره


انا ابي اللي مع الراس اذا هم موجودين عند وكيل بريمس
او اي مكان


جربت اللي الاسود حق القز الزيتي (الصيني) الى موجود بسوق
وركب معاي زي الحلاوه بس المشكله انه ماينباع اللي لحاله
ممكن احصله لحاله ولا لا
وشكراً

[سرهيد]

اخي سمرقند

بنسبه للحنفيه مو موجوده عندي مدري وينه


اخي سرهيد الساحات العربية
وبنسبه لمحول الغاز العادي ماريكب عليه
عشان اللي مدخله صغير مره


انا ابي اللي مع الراس اذا هم موجودين عند وكيل بريمس
او اي مكان


جربت اللي الاسود حق القز الزيتي (الصيني) الى موجود بسوق
وركب معاي زي الحلاوه بس المشكله انه ماينباع اللي لحاله
ممكن احصله لحاله ولا لا

وشكراً


هلا اخوي المغرم

للآسف طال عمرك الوكيل ما عنده اللي لوحده

لانه توه موردها ولم يورد القطع حتى الآن

ترى ينفع معهم انك تشكيهم على الوكيل الاصل اذا معك لغة تراهم بيجونك يرتعدون

وكيل والقطع غير موجود والله اللعب

يمكن تلقى اي لي عند برق الحي تولفه عليه اشوف عندهم مجموعة من الليات

تقبل احترامي

اخوك

ابو عبدالله

[سمرقند]

اخوي المغرم انت وين موقعك

[سمرقند]

سرهيد قلبي المعذره تراي ما شفت الخاص الى البارح
با لنسبه للقصه ارسله
لك علا الخاص لما تكمل مشاركاتي
لان القصه معروفه عند الربع
وبعدين القصه تراه عاديه
ولكلام هذ ينطبق علا القز الي وعتك بتنزي
ولك تحياتي

[المغرم]

اخي سمرقند
انا في الرياض قريب من محل برق الحيا

[سمرقند]

المغرم اهلابك
اخوي شف اللي البرتقالي بلقز الي انا منزل فيه حنفيه اذا كانت هي الي تبي تلقاه عند محلات الرحلات
فيه نوع صيني رخيص وفيه بريمس سويدي قيمته من 60؟؟؟ الى 70 ريال
والصيني بحدود 10 ريال
ولك تحياتي

[عاشق تمير]

كم سعره ومن وين جبته وتقبل مروري

[سمرقند]

مرحبا بك عاشق تمير شرفت الموضوع
القز عندي من قديم والضاهر انه غير موجود با لسوق
تقبل تحياتي

[(مواصل)]

السلام عليكم ورحمه الله وبركاته



اخي سمرقند
انا عندي قز زي الى بصوره بتمام له عندي اكثر 10 سنوت
بس فيه مشكله اخذه واحد من الشباب قبل سنتين والله يهديه
قام وقطع الراس الى يركب في الاسطوانه
وصار مامنه نفع الحين
ابي اسأل وين احصل قطع غيار له لاني ماخليت محل مارحت له
ولا حصلت اي شي

وشكراً


اخوي المغرم ماتضيق عليك وانا اخوك وانت بين هالرجال المناعير بموقع مكشات
بالنسبه للي اذكر انه متوفر بمحلات ادوات الغاز ببريده وبمقاسين واحد اطول من الي يجي مع القز
راجع الرسائل الخاصه ارسلت لك واذا منت من القصيم دق على لو تكرمت وارسل لك كانك مالقيت 0555172483
لي البريمس مايركب الا بمحوله الخاص لانه مايركب على المحول العادي وحتى لو رهمته طلع ضعيف

[المغرم]

السلام عليكم ورحمه الله وبركاته


اخي الغالي سمرقند
مساك الله بالخير والمسرات


انا عندي قز بريمس نفس الى عندك بصوره


بس عندي مشكله ان الشعله ماهي ثابته مره تكون قويه ومره ضعيفه
مع العلم اني اكون مشغلها ولا اطول عليها هي من نفسها تصول وتضعف
كأنه ينفخه هواء وبنفس الوقت اذا طولت على الغاز من دون مااشب عليه يطله الغاز كأنه دخان
استبدلت الماما حقته وضبط معي بس اسبوع ورجع مره ثانيه نفس ماكان


مدري المشكله من الي او الماما او الدبه


اذا عندك له حل لاتبخل على انت واي واحد من النشاما


((((واذا ماضبط ببيعه)))):hot: