ندائ عاجل الى اهل ( الخبره )

[هدد2006]

السلام عليكم ورحمته وبركاته الصراحه احب الطيور واهله لكن الله ما عطان هذيك الخبره اللي وخر عن ولكن لي سنتين اذا جت هجرت الطيور اروح لم امجيرمه وشتري اللي مكتوب لي وارجع وابيعهن يعني استانس وابمبسط ونترزق الله لكن اذا معليكم امر اذا بغيت اشتري طير مجهول يعني توه مطروح وش اهم شي اناظر فيه وش ادقق فيه وش اسال عنه يليت الاخوان يفدونن ولكم جزيل الشكر والتقدير

[سنافي نجد]

..




هلا بك اخوي هدد .. والله الأخوان اخبر مني لكن انا ابعطيك اللي عندي




إذا بغيت تشتري طير .. شف قطوعه وحجمه ولونه


ومن ميزات الطير الطيب .. تكون عيونه كبار .. وعاتقه طيب .. ومنسرهـ وافي.. وريش الطير تكون طيبه .. وطول الجناح له دور كبير .. ومنخرهـ يكون وسيع عشان يدخل هو اكثر ويجي عزم افضل << والله لو انه فلتر K & N :D


طبعا افحص الطير قبل .. وحطه بكفك وحرك كفك (يعني خله يكفخ) وشف جناحاته إذا كانت طيبه (لأن بعضها يكون فيه كسر بيسط)



والشباب اخبر مني بكثير .. وبيفيدونك إن شاء الله





..

[أبوإبراهيم1]

الوسره و الريشه والعمر والطول والعرض والراس والكفوف

[أبو فهد العيد]

يبيله جلسه..
اولا على حسب نوع الطير يعني مثلا حر والا شيهان.
يختلف.
لكن باختصار.
يكون الطير وسره وعاري الريش وشلاليله ظافيه على السبوق وافجح وعاتقه يكون طويل وثندوته منفهقه عن الجناح.ومواميه طوال وهجر ... هذي باختصار ومهوب شرط تجتمع كلها لكن اغلبها اذاجتمعت فهي مواري.
والطيور بالاول والاخير.مخابر.

[جارح العين]

وانتبه قبل كل شي لايكون الطير مريض
ممكن يكون به مرض ومايبين به اعراض

[هدد2006]

مشكورين جميعن علي المعلومات الوافيه وماقصرتو ربي يوفقكم ان شاالله دنياء واخره

[الطبشي]

ما قصرو الاخوان

[الوافي 9]

بعدي عليكم ينشامه أهل فزعه ماقصرتو
والله يجزاكم اللف خير
بيض الله وجهكم

[طارق الحربي]

ما اتوقع هالامور تقدر تتعلمها نظري

لك تحياتي

[بو هاشم]

ماقصرو الشباب
احب ازيد شي على الشباب هو اذا جيت تشوف طير
شوفه واهو ما بعد يتعشاء عشان تعرف طبوعه وانه مو صياح
اما اذاكان معلف بكون راكد