المساعد الشخصي الرقمي

مشاهدة النسخة كاملة : المشرحات مسموحه ...والا ممنوعه


راعي النحل
16/12/2003, 11:51 AM
السلام عليكم ورحمة الله وبركاته
اخواني اعضاء المنتدي البحري
مرت علينا فتره قبل اربع سنوات تقريبا كنا نذهب لصيد السمك في المشرحات
وعقب منعت الزياره والصيد فيها:( :( :(
والسوال لاهل الشرقيه واهل السفانيه ومنيفه...هل الصيد مسموح والاممنوع..
يمكن اخونا ابو راشد يفيدنا اكثر ....:D :D :D
راعي النحل
23/12/2003, 09:59 AM
نبي نحول بر بدل بحر...خاصة في الايام القادمه ...
ما كو جواب ولا خبر ...
Bo Rashed
30/12/2003, 11:01 PM
اشوف السمك زايد عندنا اثرك انت اللي مخلصه قبل اربع سنوات :D

اعذرني على التاخر في الرد لاني كنت مسافر وتوني راجع وشفت موضوعك

ويا ليت توضح مكان المشرحات بالضبط لان الاسم هذا مر علي لكن ما اتذكر وين المكان بالضبط او يمكن يكون عندنا اسم ثاني له

الصيد مسموح في منيفه والسفانيه لكن حداق بس بدون غزول وانا اعرف انكم يا ربعنا الكويتيين تموتون على الحداق وخصوصا السبيطي والشعم يعني ما عندك مشكله

لكن انصحك وهذ القاعده اللي انا اتبعها اني ما اروح لمكان الا ومعاي تصريح حتى ولو كان المكان مسموح لان سلاح اللحوج اقصد الحدود كل يوم لهم قانون وانت وحظك

ومره ثانيه اعذرني على التاخير ولا تزعل علينا ترى ما نقدر على زعلك <<<< واحد لوتي سمع انك تربي نحل ويبي عسل

تحياتي لك
راعي النحل
31/12/2003, 10:48 AM
المشرحات يالغالي هي السفانيه
والمكان المطلوب منطقه اسمها عندنا ..نيله.
وامس جاء الخبر اليقين ...لازم تصريح ..
والشباب طالعين اليوم انشاء الله ...والخبر الاكيد السبت3/1/2004
..
..
..
ولا مانع تبادل تجاري سبيطي = عسل
موافق والا مو موافق.............
والحمد لله على السلامه ....
بو الخرب
31/12/2003, 11:56 AM
السلام عليكم
اخوانى المشرحات ممنوعه لانه اهلى كل سنه يروحون المشرحات شهر كامل برخصه مع 6 مواشى (طراريد 16 و14) مخيم كامل بس هسنه ماتجددة الرخصه .......... فراحوا السفانيه وتوهم رادين والصيد قليل مايسوى شى مثل المشرحات تصيد سبيطيه للتشبع . الله كريم داير يسمحون فى المشرحات واذا الله لايقوله بروحون الخرسانيه.
راعي النحل
04/01/2004, 10:45 AM
حياك الله بو الخرب

راس السنه الميلاديه ذهب الشباب للمشرحات...
بعد الحصول على رخصه .........
فيه صيد .....متوسط الحال ....